الله يوفق كل من ترد علي

[فداك الجرح]

انا تعرضت للاجهاض وانا في الشهر الرابع وسويت تنطيف ولله الحمد والمنة ربي يعوضني خير .. والمشكلة اني بعد النفاس استمر الدم اسبوعين وكان خفيف ومتقطع لاني سويت عملية تنظيف ووقف الدم اسبوعين تقريبا طهرت .. وبعد اسبوعين رجع الدم ومتقطع ومرة خفيف ومرة احمر ومرة اصفر وعلى هالحال صار شهر اللحين مب عارفه هل هذا طبيعي والا لا ..؟

من صار لها مثلي ولين متى ابقى على هالحال..؟ ونصيحتكم اراجع الدكتورة والا اصبر؟

 

[ياربي ارحمني]

ما بعرف وان شاء الله البنات بيفيدونك

الله يعوضك خير ياقلبي

 

[707ام فجر]

لاعادي هذي استحاضه بس اذاطولت انصحك ترجعي اخصائيه نساء والله يشفيك اختي

 

[فداك الجرح]

يعني ممكن لين متى تطول انا صار لي شهر اللحين على هالحال والله اني مب ناقصه هم ..

ادعوا لي الله يفرج علي

 

[أم حميدة]

النفاس قد يستمر أربعين يوم والأصفر من ألوان دم النفاس ، ودم النفاس ممكن كذا ينزل ثم يتقطع وثم يعود الدم ، ومادام أنك لسا في الأربعين فهو دم نفاس
الذي سقطتيه هل هو كامل الخلقة وتفاصيله واضحة للجسم والوجه ووو، فإن كان كذلك فالدم هذا دم نفاس ( لا تصلين ولا تصومين ولا تجامعين ) وتنتظري علامة الطهر وأفضل أن تأخذي منديلين وتلفيها على صبعك ثم تبليها ثم تدخليها داخل المهبل وتشوفين هل هناك خيط أبيض شفاف فإن طلع أبيض شفاف ، خلاص تطهري . ( اغتسلي )
وأما لو كان نزل ولم تكتمل تفاصيله فالدم الذي نزل هو دم فساد ( استحاضة ) ،،،،تصلين وتصومين وتجامعين

هذا من كلام الشيخ ابن عثيمين والشيخ ابن باز رحمهما الله

 

[الجرح الخطير]

حبيبتي
الله يعوضج إن شاء الله بالذرية الصالحة
نصيحتي
راجعي دكتوره ثانية غير اللي كنتي تراجعين عندها
إمكن في شوائب متبقية
والله يشافيج إن شاء الله

 

[فداك الجرح]

جزاكم الله كل خير