طبعا في ناس متخصصة أكثر تقدر تفيدك بتصنيف الشخصية , بس من انفعالاتك الي توصفينها يبدو إنك شمالية وزوجج يبدو جنوبي والله أعلم , وسبحان الله ملاحظة غالبا الازواج عكس بعض -بس في طبعا الي متشابهين- بس احس الانسان يدور عالمفقود عنده بالفطرة فتلقين الازواج غالبا جذي مو بس في الشخصيات حتى في الصفات الثانية .
اما بخصوص علاج الغضب فالإخت الكريمة rejawyحطتلك نقاط مقرونة بآيات وأحاديث جزاها الله خير كفت و وفت .
وبالنسبة لرفع الصوت , في رايي هذي عادة مكتسبة من البيئة المحيطة بك ونتي صغيرة لحدما إعتدتي ليها واكتسبتيها ودور الوراثة ضعيف جدا على ما اعتقد -الصوت العالي ونبرته ونوعيته وصفاته فهي وراثية أما رفع الصوت فهذا شيء آخر - حاولي تدربين نفسك إنك تتكلمين بصوت منخفض حتى في حواراتك العادية وخلي الاصوات الي حولك بعد منخفضة نوعاما -مثل صوت التلفاز والمسجلات وغيرها- . اذا حسيتي انك بتنفعلين وبترفعين صوتك لعبي لعبة مع نفسك في سرك وهو إنك تعدي ل10 بتلقين نفسك هدأتي وبإمكانك التدريب على أشخاص آخرين لحدما تتعودين وتصبح عندك عادة حلوة مكان العادة الي انتي منزعجة منها- جربي مع خواتك أو صديقتك المقربة جدا بعدما تكونين خبرتيهم وحطيتيهم في الصورة وأكيد راح يساعدونك. إذا حسيتي بتدخلين نقاش او موقف وتتوقعين انك راح ترفعين صوتك ضبطي مسجل عالتسجيل واسهل شي موبايلك-الجوال- وسجلي الموقف صوت أو صوت وصورة إذا أمكن وجعي عقب ما تهدأين سمعي التسجيل وأكيد ما راح يعجبج انج فقدتي انوثتك بهالصوت العالي والعصبية . لما تحسين انج بترفعين صوتك تأملي شكلك وصورتك وملامحك كيف بتظهر - حاولي تشوفين نفسك بالمنظرة وتجربين العصبية ورفع الصوت وشوفي كيف بيصير وجهك وملامحك وفهالمواقف تذكري صورتك الي بيشوفها الطرف المقابل أكيد ماتحبين تكونين بهالبشاعة!!- أحيانا الوحدة تفقد أعصابها غصب ومب دايما تقدر تتحكم في انفعالاتها -ولو ان هالشي وايد زين لو تقدر- فعشان جذي حاولي انج تقللين هالشي قدر الامكان , تحكمي بردود افعالك ولا تبالغين فيها وخليج واقعية اكثر وتقبلي الاخطاء او المواقف الي ماتحبينها من الآخرين لاننا كلنا بشر ولاتصيرين حساسة وايد ولا تفهمين الاشيا على هواج او تنظرين لها من جانب واحد فقط وهو نظرتج المحدودة ترا الاشياء تحمل اكثر من معنى وتفسير وكل انسان ينظر للجانب الي يضيء امامه , خذي دورة كاملة بتشوفين الجوانب الأخرى ... حبيت اكتبلج اكثر بس اذا الي ذكرته فادج فلله الحمد من قبل ومن بعد, والا راسليني عالخاص او راسلي الاستشاريات راح يفيدونج اكثر. الله يسعدج يارب ويسعدنا جميعا دنيا وآخرة .. أختك, وردة وحلم