الله يعيني تعالوا شوروا علي

[بهدوء الوآثقين]

السلام عليكم ورحمه الله ...

صبايا أنا متضااايقه ومدري ليه بس بقولكم السالفه وأحكموا ..

أنا مملكه وزواجي بعد شهرين وجالس زوجي يأثث شقتنا وه بث

هو وضعه المادي شوي صعب زياده على انه متكفل بالزواج من الألف لين الياء عليه كل شي

لا أخ ولا أب ولا عم ماعليه انا رااااضيه بكل شي بس فيه شي ضايقني

بنات المطبخ كل وحده تحلم بمطبخ جديد يخصها محد قد استعمله ابو الشباب جابلي مطبخ

مستعمل لعائله نقلوا من بيتهم صح انه من نوعيه فخمه ويحلف انه مااخذه الا انه اعجبه

ووعدني اذا شفته ومااعجبني يغيره بس انا تضايقت في نفسي وسكت .. ودي بشي لي

يخصني حتى لو كان وعيه ماتسوى اهم شي جديد ونظييييييييييف ..

الليله افكر اذا كلمني اقوله اني متضايقه ومحتاره احياانا اقول اسكت مسكين تعب وهو ينقل

فيه وكلفه وتعب بتنظيفه والله ماادري وشسويي بس ماودي فيه مرررررره ...

أبغى مطبخ لي جديد الله يعين بس .. انصحوني كيف اتصرف الله يسعدكم يااارب ..

 

[يالوردي]

عادي لاتضايقين نفسك اذا هو حلو خلاص

 

[دمعة سحاب2]

عزيزتي المطبخ هيييييييييييين...:35:.بكرة ان شاء الله اذا اصلح الله حياتكم وتوفقتي معاه غيري ماتريدين.....
لاتجعلين همك مطبخ...على حساب ظروفه المادية........
ليس كل الرجال ميسورين.....خاصه انك تعرفين ظروفه واحواله.....
هذا رأيي.....واذا كلمتيه لاتبينين انك منزعجه من كونه مستعمل....بس قولي....خلاص مو مشكله....بس ان شاء الله اذا تحسنت الظروف نغيره ياعمري....

 

[أحساس امرأه]

لاتضغطين على زوجك وارضي بعد الزواج بتنغضغطووون مررره
وعارفه كل شي غاااااااااااااااااااالي ارحميه شوي ؟
علشان تبسطون بباقي الفلوس ؟

 

[ـأخت ـأخوها]

الحمدلله
اهم شئ يكون هو طيب معك ساعتها لآيهمك مطبخ ولآ جدار
الله يوفقكم

 

[أحساس امرأه]

نسيت اقولك ترى اناضغطت على زوجي بالاثااااااااث
وبالنهاايه اكلتهاااا وندمت همني المظاهر ومااحد نفعني ؟
والله وصلنا لوضع مزررري جدا جدا واناالسبب ؟

 

[أحبك حيل]

غيروه يااعمري بعدين
الله يوفقكم ويسهل عليكم

 

[حيرني آمرگ]

يااااقلبي عاااادي لو مطبخ اذا ماعجبك غيريه ولابعد سنه ارميه واشتري غيره
لاتحبكينها عند شي صغنون زي كذا خلي الموضوع سهاله يااااقلبي
ولاحظي ان زوجك همه رضاك فلا تكدرين خاطره وانتي ماشفتيه
يمكن يعجبك ؟؟ وبعدين مطبخ شي عادي مو خاص يعني لو غرفة نوم ولا جلسه بقولك معاك حق
يالله حبيبتي تهرينه بالعافيه
ومبروووووك مقدماً **

 

[بهدوء الوآثقين]

الله يسعد قلوووبكم هونتوها علي ربي يفتحها عليكم ويفرج همكم يااارب

انا قلتله بكلمه في موضوع قصدي اقوله الي بنفسي وراح يدق بعد شوي كيف اصرف المووضع

 

[حلا قلبي]

يالغالية .. شعورك طبيعي وهذا ودها فيه كل فتاة ..
لكن سمعي نصيحتي ..
لا تخلين طقم مطبخ نقطة خلاف بينكم ..!
وكوني عون لزوجك في ظروفه المادية ..
زوجك محتاجك في هذه اللحظات .. هو جالس يتعب ويكرف وكل شي عليه والله من خلال خبرتي كل اللي ينتظره منك الرضا والشكر العميييق على تعبه وأكيد كله عشانك ..
حبيبتي هو نظفه ويقول فخم ..
ارضي فيه ألحين واشكريييييه وإذا تحسنت حالته المادية مستقبلا يمكنك تغييره إذا سمحت الفرصة ..
صدقيني الحياة الزوجية لابد فيها من تنازلات عن أشياء ليست أساسية وجوهرية .. لتدوم الألفة والمحبة والرحمة ..
أنت مقبلة على زواج ولابد تفكرين مليون مرة قبل التصرف في أي موقف جديد مع شريك حياتك .. ابحثي عن الحكمة وكوني هادئة ..
كم من فتاة دخلت شقتها بس بغرفة نوم وصالة وشوي اشوي أثثوا حسب ما توفر ،، لكنهم بقمة السعادة والألفة ..
حبيبتي أهم شي التوفيق وربي يتمم زواجكم بسعادة وهناء ..
وفقك الله لكل خير .

 

[hadifa]

على الأقل عندك مطبخ احسن من بلاش احمدي ربك على النعمة زوجك موفر لك بيت مستقل هذا أهم شيء

لا تبدأي حياتك بالنكد ولا تصعبي الأمور أنت قلت ظروف زوجك المادية صعبة اذن لازم تحسين به وتقدرين ظروفه
مبروك والله يجمه بينكما على خير​

 

[حلا قلبي]

عادي إذا دق قولي بس اشتقت لك ودي أطمن عليك!!

 

[بهدوء الوآثقين]

فديتكم يااااارب حلا قلبي ههههههههههههه

المشكله انه كلمني وكان رايح مشوار قلت له اذا روقت دق علي اكلمك بموضوع قال 5 دقايق وادق

واش اقوله اذا دق خخخ مافيه مجال اقول اشتقت له توه كلمني

 

[ـأخت ـأخوها]

^
^

عادي قولي ابشاورك في مسكتي (=
<< مالها دخل صح خخخخ

 

[بهدوء الوآثقين]

هههههههههههههههههههه اما مسكتي

خلاص بقوله ولاشي ياعمري ابغى اسوي اكشن و اشوف كيف صوتك وانت متحمس وملقوف خخخخخ

ومنها اسمع صوتك مره ومرتين بس ان شاءالله تضبط مابيصدق ادري بس ماعليه ..

الله يسعد قلوووبكم غيرتي نظرتي وكان صدري ضايق وهونتوها علي كثييييييير احس اني مرتاحه الحين

الله يحقق امانيكم ياارب ويسعدكم دنيا واخره

 

[نعو1ومة]

ودي اساعد بسما حبيت اكرر الكلام ,, البنات ما قصروا كلامهم درر اله يعطيهم العافية ,,
البيت بالمحبة والعشرة الطيبة والباقي يهون ,,
اله يهدي سركم ويوفقكم يارب ,, الله يديم عليكي الرضا والقناعة ..​

 

[مايهم..!]

أمسكي شغالة أهلك
وعطيها قاسمة الله..
وخليها تفرك من أعماق قلبها بديتول وعملاق أخضر وجف أو أي نوعية تحبين
تنشفه وخلوه يتهوى مضبوط وبيصير مثل الوردة
يعني الجديدة تنزل من السماء كله شغل بنقالية وهنود يقوطرون عرق..
​

 

[رازيا]

مع حلا

 

[رحيل الوقت]

لا تجاملي قولي له ما ابيه

لان بتقعد لك غصه بكل مشكله تقولي وتفكري ما جاب لي جديد متخااسر فيني فازين لك تكلميه انووو ما تبينه

تحياتي