الله يسعدكم دنيا وآخرة أنا تعبت

[ياصغر الفرح]

انشاء الله اني الاقي الاجابه والاستشارة من ذوات العقول النيره واصحاب الخبره في هالموضوع
أنا وحده توني متزوجه وفي مدينه ثانيه وماعندي احد الا اهل زوجي طبعا عايشه في بيت مستقل لاكن مشكلتي سهر زوجي كل يوم كل يوم.
يتركني لحالي واحس بالوحده كرهت البيت وكل ماجت الساعه اللي يطلع فيها اكتئب واتعمد ابكي عشان يحس فيني بس للاسف جربت كل دهاء حواء ومافاد

والمصيبه لما يسولف لي عن اصحابه وش يسولفون فيه
تخيلو له صديق بالهيئه وظيفته يرابط بالسوق يمدح وحده شافها يقول عليها بياض وعيون وناوي يتزوجها وقبلها بكم شهر كان متزوج على زوجته اخاف يخربون تفكير زوجي ويخربون علي حياتي مالهم سيره الا شف فلانه بالتلفزيون وسوالفهم كلها عن الحريم .
الله يخليكم كيف اقدر ابعده عن الاستراحه ملييييييييييييييييييييييييييييييت:sadwalk:​

 

[نور كندا]

والله مشكلتك صعبة ولازم تتحملى لغايه ماتنجبى وساعتها بتتسلى بالبيبى شوى وهو يتحمل وقتها مسؤلية الاولاد والمتطلبات وبيكبر عقله بس انتبهى من موضوع زواجه بااخرى خليكى دائما مترتبة ومتزينه حتى مايلعبو براسه اصدقائه والله يوجه لك الخير كله

 

[حرب الأحساس]

ادعي الله يصرفهم عنه وقوليله ماشفتك زيكم مالكم تفكير غير بالحريم
طوروا أنفسكم اشغل نفسك بشي مفيييييييييييييييد وكلميه بالصريح خليه يحاول يبعد عنهم ولا تخلينه ياخذ راحته بالسهر حاولي

 

[نبراس الشرق]

مالك الا الدعاء اذا كان صحبتهم فيها خير فقربهم لطاعتك وان كانت صحبتهم فيها شر عليه وعليك فابعده عنه رددي هذا الدعاء كثير

 

[فرحة صباه]

اذا صارحته راج يفكر بكلامهم مو كلامها
اول انا كنت كذا يطلع 9 بالليل ومايجي الا اربع او خمس الفجر
ومره من المرات قاعده اغسل غسيلي واخر غسله خليتها قبل لا يجيي بشوي وقمت لبست ثوب عادي وجلست اراقب الشباك ولما شفت الباب انفتح رحت ركض للحمام واخذالملابس وانثرهم قدام باب الحمام واعبي ملابسي ماي واخذ فيش الغساله احطه بيدي وارمي نفسي عندباب الحمام مع الملابس وخليت راسي على يدي الين خنقت صارت زرقا
المهم دخل سبع البرما وراح الغرفه على طول رما ملا بسه ولبس ثوب النوم استغرب مالقاني وراح يدورني اول مادخل ولا انا مرميه عندالحمام ومغمى علي هههههههههههه وحرام قام يصارخ ام فلان ام فلان وانا ولا كأني اسمع مغمى علي مدري وين الدنياههههههههه المهم المغسله كانت فوق راسي فك المويه وقام يرش علي ماي اول مره ثاني مره الثالثه سبحني بالماي ومن غيرشعور قمت اصيح ولاني قادره اتحرك من الكهرب ودايخه وقال وش فيك واقعد اصيح مره ثانيه جتني نوبه بكا مدري من وين وقلت لو ميته ماتدري عني شفت وش صار لي وما اتكلم المهم ثاني يوم طله الساعه 12بالليل ورجع2قلت حلوممتاز جابت نتيجه صدق ان كيدهن عظيم

 

[ياصغر الفرح]

والله موتيني من الضحك يافرحة صباه
جزاكم الله كل خير على ردودكم ومازلت انتظر المزيد من كيد حواء
ابي وحده تقوللي كيف زوجها ترك الاستراحه لعيونها
تصدقون جربت كل شي حتى صرت افتح النت على مواقع صداقه عشان اخليه يغار ويخاف علي طلع الاخ مايهمه احس اهم شي عنده اصحابه يغليهم اكثر مني .

 

[محبة كتاب الله]

مالك الا الدعاء والأستغفار وتكلمي معه في حكمة ونقشية في الموضوع

 

[بسمة رجى]

وش دا والله غلبو على الحريم في الرغي والهروج

 

[ياصغر الفرح]

كلمته ومافاد يقول وش تبغيني اسوي اقابلك في البيت بطلع اغير جو ماحس فيني اني بعيده عن اهلي واحس بالوحده بس هذا كله كووووووووووم وسواليفهم بالسهره كوم ثاني

 

[خذ شعوري بحزني]

هلا اختي ..!
الرجل كذا متعود على اصحابه .. صدقيني احنا بعد لو بيكون لنا نفس الحرية
اللي يعيش فيها الرجل راح نسوي نفس الشي ..!
حاولي انتي انك تشغلين نفسسك عن زوجك طول النهااار وطبعا بتفكيرك في
الليل اللي هو وقت روحته للاستراحة .. حاولي وطلعي ابداعك في كل ليلة
وكوني بشكل ثاني وكل ليلة تختلف عن اختها .. لين هو يتعود انه مايروح الا
قليل وقليل انتي بذكائك تقدرين وتستطعين .. والمسجات قبل كل شي تعطيك نتيجة
مبهره لانه مراح يكون جنبك يعني مراح تخافين ردهـ فعله .. بس ان شاء الله
تكون نتيجة ولاتقولين مايفيد انتي حاولي وان طنشك وان احرجك .. بعد حاولي ..!
لين تجيبين رآآآسه ...! انتي املي عينه وعقله وبتصرفاتك .. راح تكونين انتي الوحيدة
في قلبه وعقله .. وربي يوفقك

اعتني بنفسسك ​

 

[يميزني غ ــروري]

..[ياصغر الفرح ..!
سهر الرجال براا معناه في جوو مع اصحابه عاج ــبه ..
حاولي تخليينه يحب اجواءك .. اعملي له اجواء كل ليله
طبعا بتلاققيين برود بس راح تعوديه .. صدقيني
البسي له واكشخي وغيري اسلوبك وتغنجي عليه ..
لما يطلع ح ـاولي تخبين مفتاح البااب في صدرك ولما يجي يطلع قولي له بدلع تبيه خذه كذا تشغلينه باشياء وافكار حلوهـ ..
حاولي وشوفي الافكار الي تقللين من السهر الي يسهره مع اصحابه ..
:in_love:






​

​

 

[ياصغر الفرح]

اشكر كل وحده ردت علي وانشاءالله ربي يوفقكم بازواجكم
راح احاول وانشاء الله الاقي قبول....

 

[غدير الكويت]

ما لج الا الدعاء الله يصرفه عنهم