الصاااابره
New member
- إنضم
- 19 نوفمبر 2010
- المشاركات
- 24
السلام عليكم خواتي
الله يعطيكم العافيه ابستشيركم بموضوع واتمنى انكم تدلوني
على التصرف الصحيح والحكيم
انا متزوجه لي 4 سنوات وعندي وبنت من سنتين تقرييا تصير بيني وبين زوجي خلافات على اتفه الاشياء ونجلس بالشهر مانكلم بعض وبانهايه انا اتنازل وخلي المياه ترجع لمجاريها حتى لو كان هو المخطي بحقي لاني مااقدر اعيش بهالوضع كل واحد منا بطرف ولايدري عن الثاني وش يصير عليه
ابكلمكم عن زوجي هو شمالي شرقي نظامه في البيت انه يجي من الدوام الظهر يتغدى وينام بعدها يصحى على المغرب يصلي العصر والمغرب مع بعض في البيت وهو من النوع اللي مره متساهل بالصلاه اعجز عنه اصحيه بس مافيه فايده واذا قام يقول انا معذور لاني كنت نايم احيانا ينام قبل الصلاه ب5 دقايق احاول فيه انه يجلس لحد مايصلي وبعدها ينام مره وحده بس ماينفع معه حاولت معه باللين ومره الشده ومره باشرطه وعظيه بس فشلت معاه كل الطرق
نرجع لتكمله نظامه بعد مايصحى المغرب يروح لاهله يتقهوى معهم وبعد العشاء يطلع مع شلته للاستراحه ويجلس لحد 2وبعدها يرجع ينام وبعدها يروح لدوامه وانا صفر على الشمال ماكاني موجوده بحياته كلمته حاولت فيه يقولي انا كنت متعود عند اهلي ان هذا نظامي قلت له طيب اللحين انت متزوج وعندك بيت مسؤول عنه وضعك اللحين مو زي ايام ماكنت عزوبي يقول انا حر اسوي اللي ابيه وبعدين مافيه زوجه تمشي رجلها على كيفها وترسم له جدول عشان يمشي عليه زعلت ورحت لاهلي وجلست 5 شهور ولاسال ولا انفق وبنهايه كلمه ابوي ورجعنا لبعض بس صار يعاندني وزاد عن اول صار بالاجازه يسهر لحد 7 الفجر وانا مالي اي حق لابطلعه ولا جلسه مع بعض واي شي اطلبه من نفقه او غيرها يطلعها من عيوني بس منحجره بالبيت لحالي حتى الجيران مانعني اروح لهم او يجوني تبي تجيني حاله نفسيه من الوحده من اهلي للبيت ومن البيت لهلي
طلبت منه يدخل نت اقضي وقت فراغي فيه ودخله بس اكتشفت بعدين انه يدخل على مقاطع مو حلوه واصدقاءه يرسلون له مقاطع اباحيه وكان بفتره روحتي لاهلي يجلس عليه وبعدين يسوي العاده وانا يشهد علي ربي ماقصرت معه خصوصا من هالناحيه وهو بنفسه يقولي اني ابسطه مره انا بعد ماشفت ان الوضع ماينسكت عليه صارحته قلت ليه تطلع على هالمقاطع هو تغير لونه وقال مو انا قلت بس مايستخدم الجهاز الا انا وانت بس من دخل عليها يعني قالي احيانا اخذ الجهاز لاهلي ويمكن احد دخل عليها قلت طيب احلف لي بالمصحف وحلف قلت طيب انا مقصره معك بالفراش قال لا قلت اجل ليه بغيابي تسويها قال ماسويتها ووريته الدليل انصدم وقال انا بس احتلمت قلت ليه ماتحتلم الا بغيابي قام يلف ويدور قلت شف انا ماقصرت معك بشي بشهادتك انت وهذا الشي بينك وبين ربي وهو اللي بيحاسبك مو انا وطلعت
المشكله انه راح وشراله لابتوب جديد وحط علي رمز قفل ويقفل على نفسه الغرفه اذا جا يستخدمه صارحته قلت ليه شريت هذا وحاط له رمز قفل قال لان عندي اشياء خصوصيه مابي اي احد يشوفها قلت بس انا زوجتك ليه تخبي علي قال بس انا احب اصير انسان غامض محد يدري عن اي شي اسويه وحتى جواله حاط رمز قفل وحريييص اني مااعرفه
المشكله ان الثقه فيه اللحين عدم صرت شكاكه ماروح لاهلي عشان ماترك له المجال يسوي شي من وراي بس والله تعبببببت ونفسيتي زفت حتى انه احيانا من اللي فيني احط الحره ببنتي وبعدين اتندم مسكينه مالها ذنب عايشه عيشه الله العالم فيها دايم ماتصير الهوشات الا عندها احاول قد ماقدر اني اذا كان فيه بينا شي مانتناقشه الا بعد مانومها بس ابوها اذا شافني ابفتح اي موضوع معه راح وصحاها عشانه يدري اني منيب متكلمه عندها وبسكر الموضوع
بالله عليكم وش اسوي اللحين مره ضايقه فيني الوسيعه احيانا افكر اقول وش ابي فيه اللي هذا هو سفريات لدبي وبحرين واستراحات وكذاااااب درجه اولى ومافيه اي حس بالمسؤليه تجاهي غير لسانه السليط بس افكر ببنتي واتردد اقول مالها ذنب تتشتت احيانا افكر اقول اكتب له رساله اذكره بالله وحطها عند لابتوبه بس ماني عارفه وش الطريقه اللي يتقبل فيها الشمالي النصيحه فمحتاااره مره ساعدوني شورو علي لو اي وحده بمكاني وش بتسوي
نسيت اقولكم ان زوجي مااااكان كذا اول بس حسبي الله على اللي قلب مخه وغيره علي
مشكورين على سعة صدوركم واسفه عالاطاله
وجزاااااكم ربي كل خير
الله يعطيكم العافيه ابستشيركم بموضوع واتمنى انكم تدلوني
على التصرف الصحيح والحكيم
انا متزوجه لي 4 سنوات وعندي وبنت من سنتين تقرييا تصير بيني وبين زوجي خلافات على اتفه الاشياء ونجلس بالشهر مانكلم بعض وبانهايه انا اتنازل وخلي المياه ترجع لمجاريها حتى لو كان هو المخطي بحقي لاني مااقدر اعيش بهالوضع كل واحد منا بطرف ولايدري عن الثاني وش يصير عليه
ابكلمكم عن زوجي هو شمالي شرقي نظامه في البيت انه يجي من الدوام الظهر يتغدى وينام بعدها يصحى على المغرب يصلي العصر والمغرب مع بعض في البيت وهو من النوع اللي مره متساهل بالصلاه اعجز عنه اصحيه بس مافيه فايده واذا قام يقول انا معذور لاني كنت نايم احيانا ينام قبل الصلاه ب5 دقايق احاول فيه انه يجلس لحد مايصلي وبعدها ينام مره وحده بس ماينفع معه حاولت معه باللين ومره الشده ومره باشرطه وعظيه بس فشلت معاه كل الطرق
نرجع لتكمله نظامه بعد مايصحى المغرب يروح لاهله يتقهوى معهم وبعد العشاء يطلع مع شلته للاستراحه ويجلس لحد 2وبعدها يرجع ينام وبعدها يروح لدوامه وانا صفر على الشمال ماكاني موجوده بحياته كلمته حاولت فيه يقولي انا كنت متعود عند اهلي ان هذا نظامي قلت له طيب اللحين انت متزوج وعندك بيت مسؤول عنه وضعك اللحين مو زي ايام ماكنت عزوبي يقول انا حر اسوي اللي ابيه وبعدين مافيه زوجه تمشي رجلها على كيفها وترسم له جدول عشان يمشي عليه زعلت ورحت لاهلي وجلست 5 شهور ولاسال ولا انفق وبنهايه كلمه ابوي ورجعنا لبعض بس صار يعاندني وزاد عن اول صار بالاجازه يسهر لحد 7 الفجر وانا مالي اي حق لابطلعه ولا جلسه مع بعض واي شي اطلبه من نفقه او غيرها يطلعها من عيوني بس منحجره بالبيت لحالي حتى الجيران مانعني اروح لهم او يجوني تبي تجيني حاله نفسيه من الوحده من اهلي للبيت ومن البيت لهلي
طلبت منه يدخل نت اقضي وقت فراغي فيه ودخله بس اكتشفت بعدين انه يدخل على مقاطع مو حلوه واصدقاءه يرسلون له مقاطع اباحيه وكان بفتره روحتي لاهلي يجلس عليه وبعدين يسوي العاده وانا يشهد علي ربي ماقصرت معه خصوصا من هالناحيه وهو بنفسه يقولي اني ابسطه مره انا بعد ماشفت ان الوضع ماينسكت عليه صارحته قلت ليه تطلع على هالمقاطع هو تغير لونه وقال مو انا قلت بس مايستخدم الجهاز الا انا وانت بس من دخل عليها يعني قالي احيانا اخذ الجهاز لاهلي ويمكن احد دخل عليها قلت طيب احلف لي بالمصحف وحلف قلت طيب انا مقصره معك بالفراش قال لا قلت اجل ليه بغيابي تسويها قال ماسويتها ووريته الدليل انصدم وقال انا بس احتلمت قلت ليه ماتحتلم الا بغيابي قام يلف ويدور قلت شف انا ماقصرت معك بشي بشهادتك انت وهذا الشي بينك وبين ربي وهو اللي بيحاسبك مو انا وطلعت
المشكله انه راح وشراله لابتوب جديد وحط علي رمز قفل ويقفل على نفسه الغرفه اذا جا يستخدمه صارحته قلت ليه شريت هذا وحاط له رمز قفل قال لان عندي اشياء خصوصيه مابي اي احد يشوفها قلت بس انا زوجتك ليه تخبي علي قال بس انا احب اصير انسان غامض محد يدري عن اي شي اسويه وحتى جواله حاط رمز قفل وحريييص اني مااعرفه
المشكله ان الثقه فيه اللحين عدم صرت شكاكه ماروح لاهلي عشان ماترك له المجال يسوي شي من وراي بس والله تعبببببت ونفسيتي زفت حتى انه احيانا من اللي فيني احط الحره ببنتي وبعدين اتندم مسكينه مالها ذنب عايشه عيشه الله العالم فيها دايم ماتصير الهوشات الا عندها احاول قد ماقدر اني اذا كان فيه بينا شي مانتناقشه الا بعد مانومها بس ابوها اذا شافني ابفتح اي موضوع معه راح وصحاها عشانه يدري اني منيب متكلمه عندها وبسكر الموضوع
بالله عليكم وش اسوي اللحين مره ضايقه فيني الوسيعه احيانا افكر اقول وش ابي فيه اللي هذا هو سفريات لدبي وبحرين واستراحات وكذاااااب درجه اولى ومافيه اي حس بالمسؤليه تجاهي غير لسانه السليط بس افكر ببنتي واتردد اقول مالها ذنب تتشتت احيانا افكر اقول اكتب له رساله اذكره بالله وحطها عند لابتوبه بس ماني عارفه وش الطريقه اللي يتقبل فيها الشمالي النصيحه فمحتاااره مره ساعدوني شورو علي لو اي وحده بمكاني وش بتسوي
نسيت اقولكم ان زوجي مااااكان كذا اول بس حسبي الله على اللي قلب مخه وغيره علي
مشكورين على سعة صدوركم واسفه عالاطاله
وجزاااااكم ربي كل خير