الله يخليكم ابي نصيحتكم

[رهف الحلوه]

السلام عليكم 000شخباركم خواتي في مملكة بلقيس الله يخليكم خواتي بغيت مشورتكم ورايكم في موضوعي لاني محتاره00 وشوف خوات لن في المنتدى ماشاء الله عليهم عندهم خبره في الحياه00خواتي انا متزوجه وساكنه بعيد عن اهلي حوالي اربع ساعات واخر مره رحت لهم من شهرين وكان في عزاء جدي وقعدت بس ايام العزاء ورجعت ديرتي الحين امي تحن على تعالين قبل ارمضان عشان بنات عمي كلهم متجمعين عند اهلهم وقلت الزوجي قال بس يومين ويوم روحه ويوم رجعه يعني اربعة ايام اعترضت قال تخليني لوحدي خصوصن انا اهله مسافرين ومعنده احد وقالي بخليكي تروحين في اخر الرمضان وتعيدين عندهم امي لما قلتله حسيته زعلت وتقول مايسوي عليكم تعنون عشان يومين وانا محب انها تشل في خاطره فديته خصوصن انه من النوع المتعلق في بناته كثير اليوم قاعدا تنغزني ببنت عمي انها ساكنه في نفس منطقتي وتروح لاهله اكثر مني والله العظيم اني اليوم متضايقه وبس قاعد ابكى محتاره بين زوجي وامي الله يخليه ادري طولت عليكم بس مالي الا الله ثم انتم00

 

[Rosealmary]

هلا اختي رهف،،، بصراحة لا تزعلين مني ف البداية أنا ما اشوف في مشكلة أساسا عشان تبكين ،، يا اختي اقري مشاكل الناس عشان اتحسين بالمشاكل صح (الله يبعدها عنج وعنا) وصدقيني انا ما اصغر من حجم مشكلتج بس لازم تتعاملين مع هالوضع بهدوء وبدون بكى،، بالنسبة لروحتج عند امك،، كلمي امك وبهدوء واشرحي لها المعاناة من طول المسافة وكيف ان زوجك بيكون لحاله،، ووضحي لها أن ظروفك تختلف عن ظروف بنات عمك،، وفي النهاية حتى لو حسيتي انها زعلت هذي أم ولا يمكن تشل ف قلبها على عيالها،، والله يوفقك

 

[القارورة]

حبيبتى .. اسمعى كلام زوجك طبعاً وأطيعه ... هو يحتاج إليك ..والحمد لله هو ما منعك بالعكس هو كويس جداً إنه سمح لكى بيومين .. وزيارة فى رمضان والعيد .. هذا جيد جدا لا تطمعى فى أكثر من ذلك .. أنت متزوجة وله الحق فى أن تكونى بجواره دائماً .. وأظنكم لو كنتم قريبين فى السكن من أهلك لما تردد فى إرسالك لهم بإستمرار ... وتعذرى لأمك بأسباب مقنعة وراضيها بالكلام الطيب .. ولما تكونى معاها حاولى تخليها تشبع منك وتحس إنها تمتعت بالوقت معك ومع أولادك خلال اليومين ... أنتى فقط تفننى فى إرضاءها وعدم تحميل نفسها من زوجك ... والأمور بإذن الله ستمر على خير ....
​

 

[ملاك زوجي]

ياحبيبتي انا والله مع الاخوات اللي قالوا اسمعي كلام زوجك وهو ما قصر بيخليك تعيدين عندهم اهم شي لاطولين على زوجك ترى الرجال ماينترك لحاله لانه ممكن يتعود على بعدك والشيطان شاطر وانت ادرىىىى بالي ممكن يحصل حافظي على زوجك وامك اشرحيله موقفك وان شاءالله ماتزعل

 

[الماسه مضيئه]

يااختي والله انتي بنعمه و زوجك يحبك ويبغاك جنبه فيه حريم كثير ازواجهم يقولون لهم روحواعنداهلكم في الأجازات تدرين ليش عشان يخلى لهم الجو مع سوالفهم ولافيه اعتبار للزوجه المسكينه اهم شيء نفسه

 

[رهف الحلوه]

حبيبتي والله ماقصرتو الله يجزاكم خير على النصيحه والله احس ارتحت لاني كنت محتاره وامي كاسره خاطري حيل خصوصن اني اكبر اخواني 00000000مشكورات والله يوفقكم ويسعدكم جميعا000

 

[القادم أحلى]

حبيبتي لاتشيلين فخاطرك ولا شي فيه ناس مايشوفون اهلهم وامهم إلا في السنة حسنه مثل مايقولون

اسبوع واحد وااااااااااحد وخلاص يلا شيلي قشك رجعنا . قولي الحمدلله يابنت الحلال

ع الأقل يشوف خاطرك ماشالله ويروحك كل فترة لو يومين حلوين والله عند امك واهلك . الله يوفقك ويسعدك يارب .

 

[أم فهد 123]

حاولي تقنعين امج وبعدين في العيد احسن واحلى

 

[رهف الحلوه]

اختي (القادم احلى)مشكوره اختي ماقصرتي وفي موازين اعمالك ان شاء الله

 

[رهف الحلوه]

حبيبتي ام فهد مشكوره وماقصرتي ويافرحه ماتمت زوجي ماحصل اجازه يعنى شكل اروحه ان الله كتب في العيد وعلى قولتك احلى0000000000000000