مدام موني
New member
- إنضم
- 22 أكتوبر 2011
- المشاركات
- 126
السلام عليكم حبيباتي ابي وحدة فاهمه جدآ بالانماط وتقولي شخصية زوجي لأن انا تعبت معاه وماعرفت افهمه أول ماتزوجت كنت افكره شمالي وتعبت معاه جدا وأنا ليا 4 سنوات زواج ولحد الان مافهمت وبعدين سويت معاه الاختبار شخصيآ واختبرته وكان اختياره غربي جنوبي احيانا اقرأ بالشخصية الشماليه واحسه شمالي واحيانا اذا قرأت الجنوبيه احسه جنوبي ابد مافهمته هو يقول يحب اللون الازرق هو حنون ورومانسي كثير يقول احبك ويزعل اذا ما سألت عليه وصبور جدا حتى هو يقول ان محد يصبر صبري ولكن مزحه ثقيل جدا ما اتقبله وكثير يعرف اذا صرت زعلانه ومن ايش زعلت لكن يسوي انه مادرىولما نطلع نتمشى انا وهو كثير يتشكى وهذا يوجعني وهذا يوجعني اكره الطلعه كثير يتكلم بصوت عالي وبعد يصيح احيانا فوضوي جدا لايهتم بنظافته ونومه ثقيل جدا مايصحى لي الا بعد ماتطلع روحي ولايدوام الا في الوقت اللي يعجبه احيانا كسول معاي مع انه مع اهله مثل الساعه وانا وهو يأجل اعمالنا اللحين لي اربع سنوات يسوي لنا شقه بعد ماخلصها وانا خلاص حاسه روحي بتطلع لما نتزاعل يقوم يستفزني بالطلبات واحيانا يسوي انه ماسوى شي وييكلمني وكأنه مازعلني مايحب نتناقش وببداية زواجنا ابد مااتفقنا على نقاش يصير بينا مشكله ومانتفاهم احيانا اكون راضيه ومبسووطة جدا واحسه يبي يستفزني بأي شي اخي ولما ابكي بعض الاحيان يعصب كثير وينفخ واحيانا لماابكي بشويش يراضيني ويقول لاعاد تبكين دموعك غاليه اذا تناقشنا يقول لاترفعين صوتك ولاتعصبين وانا طبعي كذا وهو يزعل يقول ماتعرفين تناقشين احيانا يناقشني منسدح وانا ابيه يكون جالس ويناقشني بأدب هو يناقش ببرود احيانا واحيانا يقوم يزعل عشان يقكع النقاش اول كنا اذا تزاعلنا يتكلم علي بكلام سيء لانه اذا زعل ماعاد يعرف وش يقول وبصراحه كثير يعتذر مني اذا تزعلنا لاني صرت اقلب الطاولة عليه لانه اول كان دايما يطلعني انا غلطانه هو انا لو اكلمه بهدوء بيفهمني بس انا مرررره عصبييه احيانا يتصرف من وراي ولاادري الا من اهله وكثير والله ابي اتكلم عن شخصيته بس ماحب اطول الله يسعدكم ابي تفهموني وش شخصيته وا عرف اتعامل معاه لان حياتي واياه في تدهور