الله يجزاها خير اللي تدخل وترد ع موضوعي ..لاني بالحييل محتاجه لكم ..

[كلي حنو]

السلام عليكم ورحمه الله وبركاته ..


انا عندي موضووع بيني وبيين زوجي ماحبييت اقوله الا لكم ..


انا طبعا ماصاار لي فتره من تزوجت تقريباا شهر واسبوعين ..


المهم انا زوجي احسه يبي اهتمام مني يبي اني اسووي له كل شيء


ما اقول لكم انا حييل مقصره مع زوجي بكل حاجه ..


يعني لا اراعي ظرووف عمله ولا اقوله هااه وش اخبااركم مع
الدوام

واذا جااء من الدواام ما افكر اني ادق علييه او اطمن علييه

يعني وش اقول لكم حييل حيل مقصره معه ..


طبعا زوجي يشتغل بالريااض ووانا عند اهلي بالشرقييه


صعبه انه ياخذني معه للريااض بحكم ان هو مايبي يسكن
بالريااض


ويقولي شووي صعبه اوقاات عمله ينقولووه مدري ويين ويجلس 3 اياام


يعني يخاف اني اجلس لوحدي بالشقه .. وانا بعد اخااف اني انام بروحي بالشقه ..


ولا عني عيال شووي كبار او احد من اهلي ولا احد ..


المهم بعد 3 اسابيع من زواجي هو داوم المفرووض يجلس شهر


بس المدير حقهم قاله لازم اداوم بحكم انه ماخذ اجازه برمضان تقريباا اسبوعيين ..


المهم داوم بس يومين بعدين اخذ اجازه الين الجمعه وداووم ..


بعد مارجع الدوام مره ثانيه صرت حييل ما اهتم له ولا ادق علييه


صار كل وقتي بس النت المشكله اني عارفه مارااح ينفعني هالنت


وهوو دايما يقولي انا ما امنعك من النت بس مثل ماتعطي النت
حقه
انا بعد عطيني حقي بكل شيء .. راعي شعوري اهتمي فيني


يعني هذا له ثاني اسبووع اذا جاء الربوع يرجع الجمعه الريااض


والله حتى انشاء الله توصل بالسلامه ما اقوله .. اذا رجع يوم الربووع..


ما اجي واقوله وش اخبارك مع الدواام شنو مكدر خاطرك شنو مضايقك


تووه اخر مره احسه حييل مضايق بس انا مارحت وقلت له شنوو فييك


وش مضايقك وربي ولا اهتميت له رحت الشقه وفسخت عبايتي


وع طوول شفته كذا رحت غرفه النووم وانسدحت.. قلت في خاطري


والله لو انه مو جااي هالاسبووع احسن له بدال هالحاله .. حييل والله مقصره انا ويااه..


المهم هو الجمعه قالي ان الاحد بجي واليوم الاحد ولا جااء رسلت له رساله


وش فييك ماجيت قالي انا طلعت من الريااض بس برووح الخفجي وبعدها بيروح الحفر ..


انا استغربت انه بيرروح وهو ماقالي قلت له وش عندك وانت قلت بجي الاحد هناا


قالي انا بوصل الشباب .. قلت له يعني بجي بعدين .. قالي يبالي الا الخفجي 3 ساعاات


والحفر 14 ساعه وبعدها بيريح .. اول مرره احس ان زوجي كذا والله عمره بحياته


ماسووالي كذا او انه قال بيروح مكان ولا بجي لي .. مع اني زوجته وع طول يقولي


انا احبك واشتاق لك .. قلت له انا شدعوه 14 ساعه قوول ما انت حاب تجي هناا


وحطيت عذر انك توصل ربعك انا اول مرره بعد اشووف واحد طول الاسبووع يصير بعيد عن زوجته


وياخذ اجازه ولا يجي لها الواحد يتمنى بس متى يمر هالاسبووع بسرعه عشاان يجي لزوجته


وانت ولا بهامك حاجه .. قالي اللي يسمعك مقطعه الجوال بتصالاتااك علي وانا اشووف


جيتي وعدمه واحد ماتفرق معي .. قلت لها والله انت اخلاقك ع طول تجاريه وانا صراحه


ما احب ادق ع احد اخلاقه كذا وبراحتك يعني اذا ماجيت انت اصلا واضح من اسلوبك هالاسبووع

مالك الظاهر خلق تجي ..ماشفت رسلي رساله .. نفسي اذا مشيت من عندك

اسمع توصل بالسلامه خاطري ادق عليك وترديين خاطري تسمعي كلامي


خاطري نحل مشاكلنا في نفس اليوم اللي سوينه المشكله فيه .. خاطري اطلع

وارجع لك وانتي كاشخه خاطري اسمع كلام حلو خاطري لو قلت حاجه تقولي انشاء الله

خاطري لو احد زعل فينا يراضي الثاني خاطري تبطلي عناد خاطري اسمع وش مكدر

خاطرك وتوقفي معي ولا تسمعي كلام احد وافطر واتغدى واتعشى حالي حال الاوادم

واجي بلهفه عليك خاطري احس ان في انسانه تخاف علي ..

ما اقول لكم صراحه بالحييل كسر خاطري بس رسلت له وقلت له

مثل ما انت بعد لك خاطر وتشووف مني كل هالاشيااء انا بعد لي

اشيااء كثيره مو بس انت

خاطرك وخاطرك وغيرك بالطقااق ..وقلت له انا اقدر اتغيير في اسبوع واحد بس طالما اني اشووف حاجه

منك وربي اتراجع والنفس تعااف لاتفكرني ما اعرف الزوج شنو يبي وشنو مايبي

وربي عارفه وفاهمه كل حاجه اي زوج شنو يبي من زوجته ولا اقولك واعترف لك

اني حييل مقصره معك في اشيااء كثيره بحقك ولا تفكر اني مو ع طوول ما افكر بهالاشيااء

ودي لو اني اتغيير واصير للأحسن .. بس طالما اشوف اللي معي كذا وبهالاسلوب

خلاص تعااف نفسي عن كل شيء ..

مدري يبناات انا والله حيل مضايقه ودي اني اتغيير واصير
للاحسن

والمشكله كل مرره اقول راح اتغير واتغير بس ما اشووف في


تغيرر
اقول لا بكره انشاء الله بتيغر اياام الملكه اقول اي الحين اسوي


كذا بس بعديين لا نشاء الله بالزواج بتغيير وبصير احسن من قبل


وبخلييه يقولي ماشاء الله عليك لو ادري كان والله تزوجت من
زماان
دامك راح تتغيري كذا بس وربي مو عارفه شلوون اتغيير ..


حييل خاطري ودي اني اتغيير واهتم في زوجي كثييير


مع اني والله احبه بس مدري لييه اسووي كذا


عارفه انكم راح تقولي ماتحبييه والا لو تحبييه كان سويتي له كل
اللي نفسه فييه

كان ماتزعليه ولا تخلييه كذا ولا تقصري ويااه بحاجه


بس والله اني احن علييه واشتااق له بس مدري لييه انا اسوي كذا


مع ان والله ولا احد في بالي ولا احب احد غيره عشاان اقوول

من اللي احبه لا والله اني انسانه ماعندي هالخرابيط


بس مو عارفه شنو انا فيني بالضبط .. تكفوون والله اني ابي
مساعدتكم
ولا ابي احد يجرحني بكلامه وربي لو ما اعتبركم مثل خواتي كان


والله ماجيت وكتبت اللي بخاطري لكم .. بس والله مو عادتنكم الا خواتي الثانيين


وانا ما احب اقول حق خواتي عن اللي فيني لاني عارفه كل وحده بقوول حاجه

وبيروحو يقولوو حق امي وامي بتعصب علي قلت خلني اكتب هناا وافك نفسي

من مشاكل اهلي .. تكفوون والله حييل محتاجه نصايحكم وانا بالمره مضايقه ..


مع ان والله زوجي مو مقصر معااي ولا بحاجه بس والله اوقاات يرفع ضغطي


يمكن لان مني انا والا هو والله رجال مافييه اي عييب والحمدلله اخلاقه عال العاال ..


يعني من تملكت الا زواجي الحين صار لي معه سنه و 5 شهوور والا الحين مو قادره اتغيير


الا الاحسسن الله يخليكم انصحوني شنو اسووي وشنو ما اسووي ويااه ..


لا تتركو موضعي حتى لو دعووه منك والله تريحني يكفي اشوفكم تردوو علي

واعرف ان في احد موقف معي وينصحني ..

نفستي والله حييل تعبانه .. لاتبخلوو علي يا اخواتي ..

 

[مدمنة خلطات]

يؤؤؤؤه ياقلبي أنتي ليه الاهمال ؟؟ حرام عليج بتضيعين زوجك
ـ
ـ
ـ تخيلي لو يلقى اللي فقده منك مع وحده ثانيه ؟
ـ
ـ ذيك الساعه مايفيد الندم؟
ـ
ـ أرسليله رساله فيها كل اللي بقلبك وقوليله احبك والله أحبك وافقدك حييييل ؟؟
وقري مواضيع هنا بالمنتدى تفيدك ؟!
ـ
ـ
ـ تعلمي الرومنسيه غيري جوكم أرقصيله دلعيه
ـ
ـ
ـ
ـ طلعي له أسم دلع بينصدم ويضحك ـ ترى بيمل منك ؟!

 

[خلود بكر]

اختي يمكن انتي مضايقه لان مو جامعكم بيت يعني مضايقه انه هو بمنطقه وانتي بمنطقه ثانيه دايم الانسان يسوي اشياء يمكن هو مايعرف ليش يسوي كذا بس تكون اسباب داخليه اكيد انتي مضايقه من حالك بس حطي ببالك هو وده يكون معاك بس ظروف عمل وبتنتهي اهم شئ كوني معاه بلحلوه والمره ساعديه وريحي نفسك وزوجك وعيشي حياتك وباذن الله قريب يفرجها ربي عليكم واتركي عنك النت خليه يحب يجي يشوفك ويشتاق لك بدل مايهرب منك ومن رجوعه لك وبعدين بتندمين لو حصل مكان يرتاح فيه اكثر من بيتك

 

[مدمنة خلطات]

إذا مل منك بيدووور غيرك خصوصا أنه بعيد عنك والشيطان شاطر؟!
لاتخلين للخيانه مجال بحياته توووك بداية حياتك لاتهدمين بيتك ؟؟
أسمعي كلااامي لاتخلينه يدوور اللي مالقاه منك مع غيرك ؟!
ـ
ـ حبيه من قلبكـ وضحكي وخلك فرفووووشه
ـ أرسليله رساله قوليله مشتااااقه لك هالسبووووع غير غير
ـ
ـ
ـ
ـ وغيري جو الغرفه حطي فواااحه وشموووع وزيت مساج سويله مساج بيموووووت من الراحه ههههههه

 

[كلي حنو]

ياليتني والله اقدر اسووي كل اللي قلتووه لي ..

لكن ويين اسووي واجهز كل هالاشيااء اذا مفتاح للشقه مو عندي

ولا سوالي نسخه ثانيه كل مره اقوله ولا يسووي لي يعني شنو اسووي انا

والله حييل خاطري اسووي كل اللي قلتووه بس شلوون اسوويه ..

ما اقول لكم يعني لو مالقااه مني مستحيل ان بيرووح للحرام انا اعرف زوجي

الحمدلله مو راعي خرابيط مثل كذا قولوو يتزوج اي يمكن بس يرووح للحرام مستحييلل

واانا ما ابي هالشيء يصيير والله ودي اتغيير واصير انسانه غير غير

بس كل ما اقول ابي اتغير مدري وش يجيني احس زوجي حييل مضايق

مع ان والله كل اهله يقولوو لي ان زوجك حييل حييل يحبك اقول لهم ادري

يقولوو والله اوقاات بالنووم مانشوفه الا يقوول اسمك وربي تجيني ضيقه بصدري

اقول كل هالحب وانا والله هامله زوجي ولا مهتمه له ولا معبره له ..

ودي كل مره اغير له كل شيء ودي اسوي واسووي بس متى احس والله

مايمدي اذا يجي الربووع تخيلوو الساعه 11 او 12 بالليل واجلس الصبح او الظهر الخميس

ولا يمديني الا يقولي نرووح بيت اهلك والله انا اضايق بالحييل

يعني اقول اسبوع كامل انا بيت اهلي ويقول يوديني هنااك ما اشووف له داعي

واقوله ما ابي اروح هنااك مو عشاان ما ابي اهلي بس حابه اجلس ويااه

بس هو مايرضى يقولي ما ابيك تجلسي لحالك بالشقه اقوله وش فيها يعني

يقولي لا ماتجلسي بالحالك اقوله اذا انت مابطول بره مايحتتاج اني ارووح

هو اوقاات يرووح حق شيء ضروري بيت اخته ولا يطوول واوقاات يطول ..

يعني اقوول توك جاي وترووح بيت اهلك والجمعه هو يمشي الظهر الساعه 2 الريااض

يعني متى اكشخ واسووي وكل حاجه اذا هو مايخليني بالشقه لحالي..

يعني كل ما ابي اسووي شيء يقولي لاتجلسي لحالك وربي مضايقه بالحييل

قلت له اخذني وياك الريااض مارضى يقوول مايصلح لك

ودي اصير معه ع طوول ما ابي افترق منه وربي احس كل ماصاار بعييد

عني كل ما انا بتعدت عنه وقت الزواج وربي صرت كل ويااه حتى النت ما اشبك عشانه

ما ابي ابعد عنه ولا دقيقه ومن بعد عني صرت انا ابتعد عنه مع ان المرووض اشتاق له اكثر

بس مو عارفه شنو السبب وربي حيل مقهوره من اللي يصير فيني ..

 

[شوق السعودية]

ياقلبي لاتفرطين في زوجك وهو مايستاهل غيرك يتمناه احمدي ربك ولاتخلي الشيطان يلعب براسك اسال الله العظيم ان يحببك في زوجك ويجمع بينكم على موده ومحبه واخلاص وان يجعلك اجمل النساء في عينه لاتضيعينه منك نصيحه اهتمامك فيه شي مو صعب حاولي وادعي الله واستغفري كثير .دعواتك لي ان الله يعوضني خير .

 

[كلي حنو]

تسلميين ياشوق السعوديه ..

انشاء الله بسمع لكلامك وفعلا زوجي مايستحق اللي

انا اسووي له .. والشيطان اوقاات شاطر بس والله مو عارفه

وادري ان طريقه الاهتاام شيء مو صعب بس قلت لك كل ما ابي اتغيير

واصير للاحسن اتراجع للوراا اكثر ..

ما اقول غير الله يعيين ..

والله يعوضك خيير ياارب باللي تتمنييه ..

 

[زوزة2012]

بصراحه هذاتصرف اناني انتي تبررين لنفسك تصرفاتك معاه حرام اختي العزيزه
اهتمي بزوجك وسيبك من الكلام اللي مايجيب همه ترى في هذا الزمن صعب تلقين رجال طيب وبن حلال اتعوذي من الشيطان قبل لا تروح الفرصه من يدك

 

[ملكة بإحساسي]

قلتي مشكلتج وذكرتي حلولها بما انج عااارفة الحلول خلاص سويها,,شو تنتظري تجي تذكري قصة زوااجه او خيااانته لج ساعتها لا تلوميه,,يا قلبي اي انسان يحب الرومانسية صح قالوا ثقلوا بس ما طنشوا ولا تحسسوه فيكم لا تخليه يجيه برود عاطفي تجاهج انتي حاااسة كذا عشان هو متعلق فيج ويقولج أحبج بس بعدها بتبكي عشان بس تسمعيها منه,,

نصيحة لا تخسري زوجج وحسسيه بالرومانسية,,,

بالتوفيق يا قلبي​

 

[كلي حنو]

صحيح كلامك يازوزه انا انانيه ولا اراعي شعوور زوجي ابدا ..

مو هامني الا وناستي وبس .. مع ان والله اوقاات يضيق صدري بالمرره

اقوول لييه انا اسووي كذا لييه ما اعامل زوجي مثل مو كل النااس تعامل زوجهاا

لييه مو كل ييوم ادخل هالمنتدى المفرووض اصير عارفه كل شيء

واطبق الشيء اللي يصير لكن انا اطنش .. ودايما اقول انا شكلي

مارااح اتحسف واندم الا يووم مايجي زوجي ويقولي انا راح اتزوج عليك

بعدهاا شكلي بعرف قيمه زوجي عدل .. والله لو زوجي خاين

او عنده بنات او يشووف افلام وربي اقل شيء جييت بيت اهلي ولا فكرت بعد فييه

بس انه محترم واخلاق مدري متى بحس ع دمي واراعي شعوره واهتم له

ودي لو احد يعطيني كف عدل ويهزئني عشاان اعرف قيمه زوجي عدل

وان كل اللي اسويه خطأ في خطا .. بس ويين انا وين الكفووف اذا بلاقي

دلع ولا احد يقولي وسووي وافعلي واللي براسي اسوويه

وين اتعدل واصير اهتم بزوجي عدل ..

 

[كلي حنو]

تسلميين يا ملكه بإحساسي ..

وتسلميين لي ع ردك الجميل يالغلاا ..

والله يسعدك ياارب ..​

 

[البحر جنوني]

هلا والله اختي كلي حنو

انشاء الله اقدر افيدك من حكم تجربتي

انتي تقولين ان الشي مو صعب وان انتي تحبينه ودك يكون جنبك على طول

ترى ذا الشي يخليك اقرب منه اكثر وتحسين انك جنبه على طول انك تسمعين صوته من بين فتره والثانيه

ولا تخلين شي يشغلك عنه حاولي اسبوع انك ماتجلسين على النت على طول الجوال بيدك يعني روضي نفسك وكل ماحسيتي انك مشتاقه له دقي عليه واسالي عن احواله عوديه انك في وقت معين تدقين عليه فيه

واذا جاء استغبليه بلهفه واذا قالك بيطلع قوليله انك ماتبين تطلعين من الشقه لانك محظره له مفاجاه اذا جاء

وسلامتك واذا عندك اي سؤال لا يردك الا لسانك


تحياتي معليش طولت عليك

 

[كلي حنو]

لا والله ماطولتي علي ولا حاجه ..

وانشاء الله بنفذ اللي قلتي لي عييله ..

لييه انتي قبل كذا والا شلوون .. وضحي عشاان اسووي مثلك

يمكن لا سوييت مثلك اصير بعديين انا كل اهتم بزوجي

وكل اسأل عنه ولا اقصر معاه ولا بحاجه ..

وتسلميين يالغلاا والله ييجزاك الف خيير يالغالييه ..

 

[Camelia]

الله يفرجها عليك
بس اللي عم تعمليه بزوجك حرام
ابسط شي انك تدقي وتطمني عليه
ولما بيوصل شي طبيعي تقوليله الحمدالله على السلامة
هلا امك مابتهم بابوك ماتعلمت منها شي؟
انت مابتحبي زوجك ؟
انت بينك وبين نفسك اسألي حالك صارحي نفسك
ليش هيك عم تتصرفي اكيد في سبب عارفيته
يعني زوجك عم يجي اجازات المفروض فترة غيابه تكون كافيه تتغيري
ليش مابتحبي تشعري بانوثتك وتكوني حلوة قدام زوجك
اتعوذي من الشيطان وشغلي قرأن
ابعتي رسالة لزوجك تكون نابعة من القلب واذا ماعندك كلام
ابعتيله ولو ابتسامة
والرجال بحب الاهتمام والدلال وهلا اني مقصرة
فلا تضيع زوجك من ايديك واني لسا عروس
الله يهديك
​

 

[الزدجالية]

يا غالية انتي بنعمة لاتضيعيها منك ترى صعب تلاقي رجال زي كده احمدي ربك واشكريه واهتمي فيه ترى الرجال يمل بسرعة وممكن يلقى وحده غيرك تشغل حياتة وبالاخص هو يسكن بمنطقة بعيده عنك الله يرضى عليكي اهتمي بزوجك ولا تفرطي فيه ترى النعمة زواله هو اليوم يطلب منك الاهتمام ترى بكره تدوري عليه ولا تلقي منه كلمة طيبة ربي يهديكي ويصلح حالك

 

[صاحبةعيالي]

يسعد قلبك ويهنيك بحياتك انت لسه باول المشوار ان ماجتهدتي من بدري الله لايكتبه عليك تروح الفرصه منك
حبيبتي الحل بيدك لازم تتغير يعني تاكلين قلبه اكل بالسنع واللبس والحركات الرومنسيه صدقيني حتى لما يروح الرياض يفتكر كل شي حلو سويت له
ومسالت مفتاح الشقه انت انسخيه علشان قبل ما يجي انتي توصلي البيت قبله وتهيئن الجو الحلو والبس المغنج كلوي قلبه للمره الثانيه اقولها باشياء عمره ما ينساها منك
الله يوفقك

 

[سامع الونه]

اختي كلي حنو

يسد ان زوجك اختار من بد نساء العالم انت... فهل هذا جزاءه !!!!!!

اختي حبيتي سارعي بالحفاظ على زوجك قبل لا يضيع منك..بعدها ماعندك عذر تواجهين فيه زوجك..بتكون اعذاره اقوى منك .. ممكن يواجهك بها ويعترف بغلطااته لك ولن يستحي منها بسبب تقصيرك له..

لا توصلي حالك لهذه المكانه!!

اهتم فيني اهتم خل بالك علياا

ولا تنسين ان الرجال محااطين بالعالم الخارجي من رجال واطفال ونسااااااء ..وبنات الحرام واايد..

لافات الفوت ماينفع الصوت وعمرك ماتخلين زوجك يخرج من البيت وهو زعلاااان منك لان الله يستر من الي بيسويه فالخارج

لا اتقولين زوجي ما يروح بالحرام ..انتي الي بدلينه للحرام بأسلوبك واهمالك والشيطان شاطر


مو كل يوم اتلاقي واحد يحبك

 

[كلي حنو]

تسلموون واشكر كل وحده ردت وساعدتني بالموضووع ..

وانا والله ما اقول لكم مافييه رجال اذا مالقى حب وحناان وراحه في بيته

مايرووح يدوره بره المشكله اني انا اعررف بس اني ما اعطيه

لا حب ولا عطف ولا حنان ولا راحه في بيته يعني والله اعرف هالشيء ولا اطبقه

ع زوجي مدري متى راح اسووي له كل هالاشيااء مدري ليين مايضيع مني

او مايرووح ويقوول حق اهله ابي زوجه ثانيه مو عارفه انا متى راح اتسنع

واصير فعلا ربه بيت بكل حاجه .. بس انشاء الله اتغير

وع يدكم يالغوالي ولا تقصرو انشاء الله معي ..​

 

[أحاسيس الغرام]

حبيبتي .. كلي حنو ..
...

إنتي قلتي إنك تهتمي في النت كثيير ..
اهتمامك بالنت أكثر شي هوا إللي خلاك كذا ..
إذا تبغي تكوني ربة بيت صالحة وناجحة ..
رتبي وقتك .. ولا تخلي النت هوا كل حياتك ..
خصصي له وحده ساعة في اليوم وبس ..
ولا تقولين ما اقدر تقدري وألف ..
...
تقدري تغيري وتطوري من نفسك ..
لو فكرتي في المستقبل ..
زوجك ممكن يدور وحده غيرك ..
يلقى عندها الحب والحنان إللي فقده عندك ..
يلقى وحده تهتم في بيته ..
وتهتم في لبسها وأناقتها قدامه ..
تهتم بأكله وشربه ..
وماتبعد عنه ولو دقيقه ..
وتحسسه بالأمان ..
الرجال مايتزوج إلا ويبغى هذا كله ..
...
حبيبتي ..
اسمحيلي ع الكلمة اللي راح أقولها ..
بس ان شاء الله تأثر فيكي ..
إذا منتي قد المسؤولية ليش تزوجتي ؟؟؟
خلي هذي الكلمة في راسك ..
وفكري فيها زين ..
وإن شاء الله تبدئئي تغيري في حياتك ..
مع الدعاء والاستغفار .
\\
ولا تزعلين من الكلام إللي يقولك هوا ..
لأنه معاه حق لأنك مقصرة معاه ..
...
وفي الأخييير ..
الله يوفقك ويساعدك ..
ويجعلك قرة عين لزوجك .. ومايشوف غيرك ..
.
.
تحيــــــــــــــــــــآآتي ..​

 

[ام جنا الكتكوته]

يا قلبى لازم تاخدى بالك من زوجك انتى عارفه انا عكسك تماما والله انى اتمنى اقل من اهتمامى بزوجى احيانا احس انى خنقاه بكثره حبى وتعبيرى عنه رسال حب كل ساعه واهتم بكل تفاصيل حياته واودعه على الباب واستقبله على البابا متكشخه اجهزله ملابسه والبسه واحميه حتى ذقنه انا الى اسويها له وطبعا ده مخلينى فى نظره كل شي مثل مادايم يقولى انتى زوجتى واختى وحبيبتى وعشيقتى وانا ماابى غيرك فالدنيا لا تفكرى انه هذا زوجك لا فكرى انه ابنك ولازم تراعيه يا حبيبتى الحب مثل الطفل الصغير اذا راعيتيه بيكبر واذا اهملتيه بيموت واياكى ان تموتى الحب فى قلب زوجك اهتمى بيه وحبيه وفكرى فيه فى كل لحظه خليكى انتى المحور الاول والاخير بحياته وخليه محور حياتك بكاملها والله لو ذقتى طعم الخيانه هتموتى فى اللحظه الف مره لا تسوى كده فى نفسك لانك بتكونى الخسرانه الاولى والاخيره والرجال مثل ماانتى قلتى ما ينعاب ومليون واحده بتتمناه املى حياته بكلمات الحب والعشق اتدلعى واهتمى بيه حسسيه بحبك وصلى واستغفرى ربنا بهدف ان الله يحنن قلبك على زوجك الله يهديكى يا قلبى