الله يجزاها الجنه بلا حساب ولا عذاب اللي تدخل تساعدني

[دموعي صمت]

السلام عليكم يا اخواتي ... كيفكم

جايتكم وعندي مشكله ابي منكم تساعدوني ..و خصوصا اهل الخبره والمعرفه


انا متزوجه لي تقريبا 8 شهور تمام .. و زوجي جنوبي


فيه شوية عيوب وشغلات تنرفزني منه كثير لكن كلها تهون عند اللي بقوله لكم

يعني انا قريت كثير عن الجنوبي وطرق التعامل معاه وراح أبدأ بالتطبيق ان شاء الله

بس شي واحد احس مالقيت له حل او طريقه اقدر اتعامل معاه فيها

المشكله اللي قاهرتني ومتعبتني معاه انه اذا صار بيني وبينه شي يروح

يشتكي مني عند اخته ... يعني اهله كلهم مايقول لهم شي ولا يدخلهم

الا اخته هذي وتعرف شغلات كثير مابغاها تعرفها عني وعن حياتنا الزوجيه

كيف اقدر اخليه يبطل هالحركه ... يعني حتى لو تسأله اش فيك بدل مايقعد

يتكلم لها ويفضفض لها يبطل يقول مافي الا كل خير او مافي شي يعني زي كذا

والله تقهرني هالحركه خصوصا انا مره ما اتكلم عنه ولا اشتكي منه عند اي احد

واكبت في قلبي حتى عن امي واختي احتراما له ولحياتنا الزوجيه يجي هو يقلل من

قدري واحترامي ويقعد يتكلم من ورايه

الله يخليكم الحل الحل الحل يا اهل الخبــــــــــــــــــــــــــــــــــــــــــــــره

فكرت امسكه واحلفه واصارحه واسمعه كم كلمه كذآ يمكن يحس بس خايفه ومتردده

انه هالاسلوب ماينفع معاه قلت استشيركم بالاول

وربي يسخره لي ويسخر لكم آزواجكم يارب ​

 

[دلوعةزوجي]

عزيزتي عامليه بالمثل وبتشوفين كيف بيبطل

دائم خلي هذي المقولة شعارك

الجزاء من جنس العمل​

 

[موجةغلا]

الله يصبرك ويقوي قلبك ويعينك صح صعبه والله انه يتشكى لاخته او اي احد ثاني صعبه مره بس الحل من وجة نظري انك تواجهييه وتقولي بسالك سؤال وتقولي رايك ،،، قولي له (طبعا عادي بس كذا عشان يحس بغلطه اخترعي لك شي من الخيال) انا ارتاح كثير لاخوي واختاري الاقرب لك من اخوانك قولي انك تستشيري اخوك بكل شي واي شي يزعلك ع طول تقولي لاخوك واساليه هالش عادي ترضاه؟؟ طبعا اكييييييييييد بيرد لا مارضى تتطلعي اسرار البيت واحتمال يعصب (خخخ عاد اتكلم بتجربتي مع زوجي) المهم بعد النقاش قولي له طيب وانا بعد مارضى تقول لاحد اسرارنا او اي شي بيننا ووقتها بيحس فيك وقولي له نتفق من الحين لا انا اطلع شي ولا انت اللي بيننا يبقى بيننا وذا خبرت انك طلعت شي تحمل وقتها (هو اكيد بيحاول بنفسه وبيفكها عاده بس انتي تحمليه شوي شوي حتى ويبطلها نهائيا باذن الله),,,, وربي يوفقك ويااارب تنحل مشكلتك ..

 

[روح البراء]

الدعاااااااااااااااااااااااااااااااااااااااااااااااااااااااااااااااااااء

ثلاث ارباع حياتي تغيرت بفضل الدعاء

 

[ام ساني]

كلام الاخت موجت غلا صح
انانفس لمشكله الا عملته حصل زعل بيني وبينه روحت علي اخدت تلفون واتصلت بامي وقولت حصل ايه
المهم عصبة كتير فوجهته وقالت انت كمان بتعمل كده
من يومها خلص وقف هالعادة

 

[دموعي صمت]

والله افكر اسويها بس مدري اخاف النتيجه تجي عكس

انا فكرت اواجهه واصارحه اول بالرغم من انه مستحيل يعترف

لكن رآح يبين عليه ... بس مترررررررررردده مره

ييآآربي افرجها

 

[موجةغلا]

انتي ياتقولي له انك تطلعي لاخوك كل شي يضايقك ,,
ياتقولي له,, لو انا طلعت لاخوي اسرارنا وش بيكون موقفك؟؟
ع حسب طبع زوجك اذا عصبي مره اخاف عليك تقولي له انك تطلعي اسرارك لاخوك والافضل انك تقولي لو طلعتها وش موقفك ..
هي بس خليه يحس فيك قد ايش ان اللي يسويه غلط..
وربي يكون بعونك واختاري وقت رواااااااااااقه وبعد ماتدلعيه وتلعبي ع عقله خخخخخ

 

[عاليه الصيت]

اول شي كلميه بوقت رواق
واذا ما نفع قولي بقول لخوي

 

[وليف الدهر]

الدعاء يغير القدر الزمي الدعاء فالله قادر ان يغير من حال الى حال

 

[الروح الذائبة]

كلميه وشوفي رده

 

[ماني من ناس]

خلي وحده ثقه من طرفك تكلمك تلفوون وهوو جنبك علي اساس تكلمك انه زوجها يطلع اسرارها لاخته
وانتي قوليله والله عيب علي رجال يطلع اسرار بيته بكره اخته تقوول حق زوجها وينتشر الكلام وينقص بعينه وبعديين ضلي مدحي فيه الي اهوو زوجك انه ميطلع اسراركم
وانكم علي قلب واحد ولا اوصيك بلمدح زين فيه
هذي بتنفع واتحد اذا مجابت نتيجه
​

 

[التويميه]

والله حبيبتي بعض الرجال من طبعه انه يحب يشكي لاحد من اقاربه او لزملائه وهذا طبع فيه ولايمكن يغيره وحتى لو كلمتيه يمكن يبطلها فتره ويرجعلها لا ن ابو طبيع مايجوز عن طبايعه وبعدين لاتحاولي تبينين له انك متضايقه من هذا الموضوع لان يمكن يمسكها عليك ويصير ينرفزك بها والا يعاندك فيها عشان كذا طنشي الموضوع .......وعاد انتي اعرف بطبع زوجك يمكن من النوع اللي ينفع معه الحكي
ارجوا ان اكون افدتك ودعواتك حبيبتي

 

[لواكـــــــــر]

الله يسخر لك زوجك يارب

 

[عاشقة toto]

يالغاليه ..

اذا كنتوا بجلسه ورايقين ع ألآخر امسكي يدك وبوسيه ع راسه وقولي له في شي مضايقني ممكن أقوله ..

هو أكيد بما انه جنوبي بيتحمس ايش هو ..

قولي له اللي بخاطرك وانتي ماسكه يده وبنعومه ودلع ..

وان شاء الله راح يبطلها .. مجربه

 

[ام اسارين]

اعانك الله

 

[عبودي دنيتي]

حياتي مالك الاتصارحينه وفعلا شي يقهر قوليله ترى عيب عليك تطلع اللي يصير بيننا عند اختك اواي احد من ماكان حتى لو تزاعلتو معليش تحملي لانه انت الصح قوليله وش دراني انك تتكلم عند اختك الا لاني سمعتها اذا انا ما استحت مني وفضحت اسراري ياليتها تستحي منك ومو بعيده هي تقول لامها او لزوجها او حتى لوحده من صاحباتها ووقفيه عند حده قولي له اعرف ان الثرثره والسوالف هذي بالعاده تكون للحريم حركات حريم اما رجال يسويها غريبه والله يوفقك ويشرح صدرك

 

[غدا نلقى الآحبة]

بماانه جنوبي وانك تقولين هي الوحيدة من اهله التي يفضفض لها ويتكلم فأعتقد انه يحتاج الى ان يفضفض لشخص ثقة ولسماع توجيهات منه ووجد في اخته ذلك ..
ويمكن هي ثقة واراءها حكيمة وتفيده من دون ان تتكلم عنكم عند احد ,,
ومع ذلك لازم مايتكلم بكل شيء لذلك افهميه بطريقة مناسبة له يتقبلها منك بانه ليس كل شيء يقال مهما كان الشخص ثقة وقولي له هل ترضى بأن اتحدث لاخي او اي احد هو يراه جيد هل تريد ان اقول له عنك كل شيء ,,والفضفضة للغريب احيانا تكون افضل من القريب لما لها من تبعات ..
وكوني صديقة له ومستودع اسراره اجعليه يفضفض لك او عالاقل لايحتاج لغيرك ..
اقنعيه بهدوء ولاتعنفيه او تعصبي لانه طبع يصعب بالبداية ان يغيره ويحتاج لارادة وصبر منك ومنه ..
ولاتنسي الدعااء فانه لايغير القضاء الا الدعااء ..

 

[مزgggن آلشـرق]

عزيزتي , نصيحه لاتقولي لأحد نهائي

عندكـ حل انكـ تدعي انكـ قلتي لخوكـ ,, بس في الحقيقه انتي ماقلتي

واذا انتهيتي من كلامكـ , وشفتيه زعل

قولي له الحقيقه , انكـ في الأساس ماقلتي لأحد ,,, ومستحيل اطلع اسرار بيتي

لكن مادام أنكـ زعلت ,, تأكد ان هذا الشيء يزعلني انا بعد

وعاد زيدي من عندكـ بالكلام الحلو ,, مو لا زم نقول كل حرف

تحيتي لكـ

 

[يكفي الم ياقلب]

اهم شي يكون رااااايق كلميه وصااارحيه ان الي يسويه موزين وانه يفشي سرمن اسرارك الزوجيه