الله يجزاها الجنه الي تفيدني

[fo0ofe]

مرااحب لاحلى بلقيسيات
بصراحه انا جديده على المنتدى بس سمعت عن ومره حبيت اني اسجل فيه
وبما اني مملكه وفرحي قريب قلت استفيد منكم وافيدكم معايا لأني بصراحه سمعت كلام حلو عن المنتدى الحلو مملكة بلقيس
المهم ندخل في موضعي الي مو عارفه اشوف اي حل لو
ومالي غيركم يفيدني بعد الله
انا فرحي قريب وبصراحه ماابغى احمل من بدري يعني ابغى اخلي الحمل سنه كمان يعني ننبسط شويه وبعدين نخلف وعشان :32: انا وزوجي متفقين على دا الكلام بس انا مو عارفه ايش اعمل ولا ايش استخدم وخايفه من الحبوب لأني لسه بنت ومش عارفه ايش يقولو مش كويسه فا اتمنى تفيدوني وتساعدوني ويجزاكم ربي الف خير والله يعطيكم الصحه والعافيه والذريه الصالحه ...

 

[الدانــهــ 11]

مافيه افضل واضمن من الحبوب بعد استشارة الطبيبه

بالتوفيق

 

[ام الحلو تين]

الف مبرووك عزيزتي ,, بالنسبه لرايي انك تراجــــعي
طبيبة نساااء لتصرف لك الماانع الانسب فمـــــايناسب
غيرك ربما لا ينااسبك ,, ودي لك

 

[ريوف الحلوهـ]

لالالالا حبوووب لا
مايصلح باول الزواج
سوا عزل مافي غير كذاا

 

[سمو الأميرة]

العزل أفضل .. >> قولي لزوجج و هو بيعرف شو يسوي ..
و طالما زوجج متفهم .. أيضاً .. خليه هو يشتري واقي ذكري ..( كبوت .. كوندوم ) .. أفضل حل .. بلا حبوب و لخبطه هرمونات .. صدقيني الحبوب بهدله .. و الوحدة تحتاج تجرب أكثر من نوعيه احياناً عشان تعرف شو اللي يناسبها ..
و اذا رحتي لدكتورة نسائية خليها تحسب لج أيام التبويض عندج .. عشان تعرفين أي الأيام اللي تقدرون فيها ما تستخدمون أي وسيلة منع ..

 

[الجواااان]

حرام عليكم يابنات تنصحونها بحبوب .......................حبيبتي احذري واحذري من الحبوب لانك ماخلفتي الحبوب ماتنفع الا للي مخلفين عندك موانع كثيره تقدرين تستخدمينها والله يسهل زواجك ويرزقني الذريه الصالحه وكل محرومه

 

[زين المزايا]

مممممم
اولا مبروك عليج
انا انصحج دام انج ماتبين عيال لمدة سنه
تحسبي ايام الاباضه عندج
ف ايام الاباضه تمتنعين عن الجماع عند زوجج
عشان مايصير حمل
واذا ماتعرفين تحسبين طرشيلي ع الخاص
وان شالله بحسبلج ....
والله يوفقج

 

[fo0ofe]

الله يسعدكم كلكم يارب ويرزقكم الذريه الصالحه
بس عندي كم سؤال محرج (( توني ماافهم شي ))
شو هو العزل ؟
وهل تقصدين بأيام التبويض هي الفتره الي ماقبل الدوره الشهريه؟

والله يجزاكم الجنه ويوفقكم يااااااااااااارب

 

[ساميه1]

احسن شي تستعملين( الكوندوم )(الواقي الذكري) اظمن من حساب يوم الاباضه لانه الاغلبيه بعد العرس تتلخبط دورتهم وجذي ممكن تحملين
والعزل هم ماينفع ممكن تصير غلطه وتحملين فيها
والحبوب مب زينه حق الوحده اللي ماعندها اعيال ممكن تسبب عقم وتاخر بالحمل
ومبروك مقدما على العرس

 

[آنسة صفاء]

الله ييسر امر زواجك ويوفقك بس يالغالية مانصحك بالحبوب استعملي طرق ثانيه مثل ماقالو لك البنات والله يوفقك