الله لايحرم الأجر كل وحدة ترد علي

[عشيقة عزو]

السلام عليكم ياأغلى الحبايب
أنا باختصار شديد طلعت من الاربعين من اربع شهور
وكانت فترة النفاس جدا كئيبة ومريت بأتعاب وتنومت
بالمستشفى بعد الأربعين مباشرة يارب تعظم الأجر
ونفسي أغير جو وأسافر
بصراحة ماسكة معاي اني أسافر
وزوجي قلت له بس مايبعى وبعدين وعدني بعد عيد الفطر
سكت بس ماقدرت أتحمل هالتأجيل
أنا نفسيتي محتاجه تغيير
وزوجي مافهم علي
كيف اقنعه يوديني؟؟؟
دلوني على طريقة أقنعه فيها...

 

[غرورغاده]

عشيقة عزو..
ان حالتك التعبه والرغبه الشديده بالسفر...لا تعنى لزوجك شيء
الشيء الوحيد الذي يحقق ما تريدين
هو انك...
تتزينين وتكون في ابها صوره وتتغييري بقوه الانثى الهائله من سيده متملله وحزينه...الى سيده رائعه الجمال وانثى مغريه وحسناء....اغرسي ذلك في داخلك ..قدمي له السعاده..بكل عشق وحب....وأطلبي ما شئتي بعد ذلك
احجزي تذاكر وقديمها له مفاجئه...واختطفيه الى المطار...

 

[ام الفيصلي]

http://www.niswh.com/vb/t19611.html

اقري هالموضوع ان شاء الله تستفيدي اضغطي على الرابط فقط

موفقه

 

[ملاك 88]

هلا الغالية عشيقة عزو..........اذا نفسيتج صدق تعبانة غيريها انكم تحجزون فندق او شاليهات ........
واللة تبغين الصدق السفر وايد احلى بعد العيد لان مافي وقت ..ماباقي حق رمضان غير اسبوعين ...
واللة حاسة فيج ....يعني احجزو السفرة ثاني ايام العيد ..........وبلعكس الرمضان راح يغير نفسيتج مرة ولا راح تحسين بشي ..حاولي تغيرين الروتين ....

 

[فداك الجرح]

لاتشدين عليه يمكن ضروفه ماتسمح مابقى شي على رمضان خليها بعد العيد وريحي نفسج واعصابج
استرخي دخلي نادي رياضي

 

[ملثمة بشماغ]

http://www.niswh.com/vb/t19611.html

اقري هالموضوع ان شاء الله تستفيدي اضغطي على الرابط فقط

موفقه

رأيي من رأيي الأخت موفقة أختي،،،،

 

[شمعة بلقيس]

خلاص رمضان قرب اشغلي نفسك بعبادة الرحمن وانشاء الله ترتاحي نفسيا وسافري في العيد

 

[الأزديه]

أجليه بعد رمضان وأحتسبي الاجر من الله

 

[*سهام *]

حبيبتي ما اقولك

عسى المانع خير ولاتستعجلين وربما برفضه خيره احسن شي بالعيد حلو حاولي تغييرين جو البيت
موفقه

C:\Users\امجد\Pictures\د.bmp

 

[أمووورة]

الله يسهل أمرج ويسعدج يارب
وإنشالله زوجج يقتنع بكلامج ويسفرج المكان اللي تبغينه

 

[فستقه خضره]

السفر الحين زين عشان نفسيتج
بس ما راح تستمعين فيه كثير مثل لو أجلتيه إلى بعد العيد
لأنج إذا سافرتي في الوقت اللي هو حدده بيبسطج أكثر
و الحين روحوا غيروا جو في مكان قريب ..
احجزي شاليه و روحي معاه
وإذا ما اقتنعتي
تزيني و تعدلي و لبسي ذاك اللانجري و سوي لك ليلة حلوة
و همسي له انج تبين تقدمين موعد سفركم
و الله يتمم لكم على خير

 

[نوح الحمام]

حا ولي التجديد داخل المنطقة يعني روحي الشا ليهات للمراكز للملا هي

 

[أحبه ولكن]

الله يسهل أمرج ويسعدج يارب

 

[طيف الروح]

لا لا لا تسافررررررررررررررررررررررررررررررين


الدنيا صارت مليانه انفلونزااا الخنازززززززززززززير


يربي رحمتك

امس مات واحد عندنا بالسعوديه معاه انفلونزا الخنازير

فما بالك برى شووو فيهم ماليانين


انتبهي اذا بتروحي روحي شاليه كتغير جو او فندق

السفر مصارله امان والله

 

[سمو الأميرة]

ليش ما اهتميتي في أكلج بعد الولادة .. في أشياء معروفة أنها تساعد ضد الاكتئاب خاصة الأفوكادو ..
الحين اذا ما في مجال للسفرة لا تحنين على زوجج .. بس اهتمي بصحتج .. لأن هالشعور اللي تحسين فيه انج لاااازم تغيرين جو هو بسبب الاكتئاب .. أنصحج تاكلين أكل صحي و متوازن من حيث الخضار و الفواكه و السمك عشان الأوميغا 3 .. و ممكن تاخذين حبوب فيتامينات وايد بتفيدج .. و ضمي طفلج لصدرج لأنه أحلى احساس في العالم .. الأطفال هم اللي يعطون أهلهم الاحساس بالحنان و الأمان مش العكس ..
و اكيد الموضوع في بال زوجج خليه يفكر فيه على راحته و ان شاء الله يفاجأج قريب ..

 

[عشيقة عزو]

من الاعماق شكرا
لكل وحدة قدمت لي نصيحة
وكلامكم فوق العين والراس
جزاكم الله خير

 

[بوشار]

الله يهدي بالك ويغير نفسيتك والله ما عندي خبرة بإقناع الزوج لإني عندي كثير أشياء نفسي زوجي يقتنع فيها الله يسخرهم لنا ويسعدنا معهم دنيا وآخرة

 

[بنت الحصن]

ربنا يسر أمرها وأشرح صدرها وسخر لها زوجها يا كريم

 

[عشيقة عزو]

اللهم آمين..
المشكلة المنطقة اللي أنا فيها قرية مافيها أي مكان للترفيه
أبدا مافيه شي
حتى السوق إذا احتجته لازم له سفر...