اللهم اجرني في مصيبتي(ابي مشورتكم قبل اتخذ قرار مصيري)

[فقدتك.]

السلام عليكم ورحمه الله

خواتي لاأحب ان اطيل عليكن وبدون مقدمات والله لاني منهاره نفسيتي بمافيها الكفايه
ارجو من تقراء الرساله تجاوبني وبكل صراحه وتقدملي النصيحه ماأقدر اتخذ قرار غير الطلاق

بقولكم وبأختصار
انا عمري الان تسعه وعشرين
ومتزوجه وكان عمري 15 عند زواجي
وعندي اربعه اطفال
اه اه
قضيت بضع من عمري مع زوجي كان زوجي كل شي بحياتي
وانا متعلقه فيه لاأبعد الحدود
قدرالله وجاءالقدر وبدأ زوجي يفكر بزوجه اخرى
انا لم اقصر معه وهو يقول هذا
بس حبه لامتلاك زوجتين وانه حقه الشرعي
خطب زوجي ولم اكن اعلم وربي من فضله كشف الامر لي
وواجهته وكان عنيد وعلى كلامه انها مدرسه وانها تسكن عند اهلها واهلها منطقه اخرى وانا اذهب اليها بالشهر مره ولاراح يتغير علي انا شي ابد وانا تقبلت الموضوع على انه ماتكون عندي
حصل زواجه وانتن اعلم بالحرقه والقهر اللي زادني هم انها اكبر مني وانها معلمه وانا تركت المدرسه لأجله وضيعت عمري لاأجله
ومرت الان اربع سنوات وكانت بالعطل بشقتها تأتي بحكم انها مدرسه
وجابت ولد وبنت
انا الحمدالله اكملت تعليمي من المتوسط الي المرحله الجامعيه
المهم
الان وبعد اربع سنوات تم نقلها للمنطقه التي انا. بها
واخبرني زوجي
هاذي القصه بأختصار
انا صعقت من المصيبه التي حلت الي
وافكر الان بالطلاق والمصيبه عندي اهل ولاكأنهم بالحياه
وقلبي يتقطع على عيالي كيف اتركهم
اول ولد عمره 13 والاخر12 والبنت8والاخرى4
افيدوني احس اني بموت من القهر
انا ماأقدر اتحمل
جربت نفسي بالعطل اللي كانت تجي فيها وكانت تصير مشاكل وانا ماعندي استعداد اعيش لأخر يوم بحياتي وانا في مشاكل

نصايحكم فأنا امس الحاجه
تعبت من قول اصبري ولاني لاملك الصبر بعد تجربه عشتها اربع سنوات
**

 

[أم ميسوـوـو]

اسسستغفري ربك وعلقي امالك وحبك فيه

شنو هالتفكير الله يهديك

احبي لأختك ماتحبينه لنفسسك

زوجك تزوووووووج وانجب خلاااص

ربك مايحلل شي يضرك ابد

الله يهديك

دام مامنها مشاكل ليه تتعبين نفسسسك

ترى محد خسسران الا انتي


اسسستهدي بالله

واششغلي نفسسسك بربك

 

[ـأخت ـأخوها]

الله يكون بعونك
اختي زوجك تزوج من اربع سنوات وانتي ماحركتي ساكن وجابت ولد وبنت ونفس الشئ
الآن بس اللي اختلف انها نقلت للمنطقة اللي انتم فيها
فكرتي بأنك تهدمين بيتك وتشردين عيالك
حرام والله فكري فيهم على الآقل
واجلسي ببيتك وعيشي حياتك ولآ يهمك شئ
ويعني اذا تطلقتي بتلآقين حياة افضل من اللي انتي فيها !!!
اما زوجه على ثانية او ثالثة بعد وعند شايب معمر
او بتتحملين المشاكل في بيت الآهل
انتي ادرسيها صح والله يكتب لك الخيرة
بس اهم شئ فكري في عيالك لآنهم بتأثرون

 

[stars22]

سؤال موجه لكي

هل زوجك معاق وانت قضيتي عمرك تشيلي وتحطي فيه؟؟


هل الله رزقك بأبناء فيهم عيب او نقص جسدي او عقلي؟؟؟


هل انتي لا تتمتعين بصحه جيده ؟؟



لو اجاباتك كانت بلا فأتوقع انك بنعمه عظيييييييييمه استشعري عظمتها وحافظي عليها


عليكي بالهدوء التام

والصبر والصدقه

وكثرة الاستغفار


والحمد لله ان زوجك لجأ للحلال ولم يذهب لبنات الحرام
وانت اعلم بما يحملنه من امراض ومصائب

حبيبتي اعلم كثر الاسى والحزن ولكن صبري نفسك بأولادك وبالاستغفار وان زوجك يخاف الله ولم يذهب للحرام هذه نعمه كبيرة وانه فخر لك امام ابنائك ولله الحمد صوني بيتك ولا تطلبي الطلاق وهوني عليكي الامر وادعي الله ان يربط على قلبك ويجبر كسرك فهو الجباااااااااااااااااااار


​

 

[الحلوة الجميلة]

مااقول الا الله يكون بعونك

حبيبتي مالك الا الصبر اصلا لان صعبه تطلبي الطلاق طيب وعيالك وانتي شبيكون مصيركم دام تقولين اهلك ماكنهم موجودين

انا اقولك اقعدي ببيتك ولا تطلعي وتصفين لها الجو هي وزوجك

بالعكس اقعدي وعيشي حياتك بالطول وبالعرض ولا تخلي وجودها يهمك لانك لو تطلقتي ماراح ترتاحين وبتمين منقهره

انشغلي بحياتك وعيالك وقد ماتقدرين اذا كان موجود عندك لاتزعجيه بالمشاكل وتتكلمي عنها بالعكس خليه ينبسط بالجيه عندك

هذا اللي عندي الحين وان شاء الله البنات يفيدونك

 

[الجروح]

أختي أذكري ربك .. واتعوذي من الشيطان

واجلسي بيتك وربي عيالك ولا تحرميهم من الجو الأسري


وزواج زوجك مر عليه سنين مو شهر أو شهرين يعني المفروض إنك تكيفتي عالوضع

أعرف إن الموضوع صعب عليك لكن تجاوزيه عشان عيالك

وزوجك ما أذنب ذنب كبير .. كل اللي سواه إنه تزوج بالحلال وما راح لطريق الحرام

وبمعرفتك وموافقتك ..

عيشي حياتك وكأنه ما تزوج واشغلي وقتك بتربية عيالك والتقرب من رب العالمين واكثري من الاستغفاااار والدعاء



أسأل الله أن يفرج همك ويسعدك
​

 

[التسامح طبعي]

أكثري من الأستغفاااار

وعسى ان تكرهوا شيآ فهو خير لكم

أختي

ولله كثييييير حريم ماجاههم الخير والمحبه الا بعد زواج ازواجهم

 

[نوتيلا لمار]

يابنت الحلااال حراام عليك تضيعين عيااالك وبعدين هي مو توها عروسها لها أربع سنين وجايبه ولدين مشاء الله
وذحين جاايه تقولين ماأتحمل إنشغلي بعياالك وزوجك غيري معاملتك معااه وصيري إنساانه ثانيه بحياااتك غيري كل شي متعوده عليه سجلي بدوراات ثقفي نفسك زبطي بيتك إعزمي جااراتك سوي حفله مع عيااالك تمتعي بأبسط الأشياااء فالحياااه ~ حراام تهدمين اللي بنيتيه

 

[شنكوته العسل]

البنات طبعا ماقصروا وانا مع معظم كلامهم بس اهم مافي الموضوع انك تكوني في بيت بعيد عنها تماما حتى زيارات الاخوان لبعض تكون محدوده وقولي لزوجك لا يجيب طاريها قدامك باي شي والعكس كمان لا يجيب طاريكي قدامها وعيشي مرتاحة الخاطر ولا تكدري على نفسك بالعكس فكه يوم عندك ويوم عندها اليوم اللي عندك دلعيه واليوم اللي عندها دلعي نفسك ولازم تنشغلي بوظيفه طالما انك جامعية واكيد ماراح يمانع طالما ان الثانية تشتغل وربي يوفقك وييسر امرك​

 

[دانة الشام]

لو فعلتي ذلك وطلبتي الطلاق تكوني بذلك قدمتي لها أجمل هدية !!! ... بالله عليكي زوجك ورفيق حياتك من لما كنتي في 15 من عمرك هل ستقدميه لها على طبق من ذهب؟؟!!! هذا زوجك قبل أن يكون زوجها ... لم يتغيير شيئ سوى أنها ستسكن في منطقتك ..كل ماعليك فعله هو أن تضعي حدووووووود.. وتساعدي زوجك على العدل..وصدقيني إن كانت نيتك سليمة ربك لن يضيمك.. لاتتواجهي معها..لاتسأليه عنها.. اخرجي من الغرفة إن كان يتحدث معها.. لاتسمحي له بأن يأتي على ذكرها في بيتك.. أنتي بشأنك وهي بشأنها.. وماشاء الله مواصفاتك ممتازة كوني واثقة من نفسك وابتعدي عن ترهات الحياة .. ترفعي عن المشاكل والخلافات .. اهتمي بأولادك واشغلي وقتك وصدقيني بالدعاء ستجدي أن الأمر أهون مما قد تتوهمين.. ربي يختار لك الخير.

 

[خلود بكر]

الله يوفقك ويبرد على خاطرك طبعا ممكن يجي في بالك ان انتي الي عانيتي ونحن ماجربنا او من هذا الكلام لكن بقولك كلمه تزوج علي مو معناتها نهاية العالم وتبغي تهدمي بيت بنيتيه 15 سنه ماشاءالله لاااااااااااااااااااااااااا ورب العزه صعب مااعرف العشره ماتهون والدنيا دار ابتلاء اصبري وثقي باان الله معاك وتوكلي عليه بس بيتك لايتخربيه هو اتزوج وبراحته اهم شئ لاينقص شئ عليك بالعكس اكسبيه اكثر وربي يسعدك

 

[رندا كووول]

البنات ماقصروا ..لالالالالالالاللطلاق

 

[ام صبا الاموره]

فكري ياأختي اذا تطلقتي راح تتزوجي واحد متزوج وقد تكون اخلاقه سيئه
وزوجك علي كلامك مافيه عيب الا الزواج الذي حلله ربي ولا لنا فيه حيله
بس اطلبي العدل وان لايذكرها ابدا
وعليك بالاستغفار والصبر وانظري الي الاولاد بعين الام

 

[هواك ضيع خطاك]

حبيبيت نصيحه من اخت لخته تذكري انك انتي الاولى يعني انتي الملكه وخلاص الزواج وتزوج الافضل انه تكون قريبه له افضل من بعده كل اجازه او اوف عنده يشتاقله ويتمنى يشوفها وانتي ارع وعشرين ساعه بوجه وتحدث مشاكل وهي لا كل الوناسه والسعاده عنده خليه تذوق الي تذوقينه والتعب الي تسوينه له وازيلك يكون عندك يوم اوف او بريك علشان تريحين منه وتطلعين على راحتك وحاولي انك ماتسوين مشاكل وادعي مالك الا الله وراح تلقين الفرج وادعي هالدعوه مره حلوه وتريح بنفس الوقت اللهم ارزقني رضاك والجنه والافضل قبل الفجر والله يفرجلك همك وغمك ولاتتركينه تراك انتي الخسرانه بتخربين بيتك وتخسرين عيالك

 

[فقدتك.]

جزاكن الله كل خير على النصيحه

بس والله محد يحس بالنار غير واطيها

فيني حرقه والم
انه وعدني مايجيبه وكان وعده قدام اهلي واخواني
والحين يقول انه مافي شي مكتوب بالعقد

اخ قلبي نار صاير ماأدري وين اروح
اهلي اللي مودارين عني
ولا العذاب اللي بعيشه معه طول السنين الجايه

 

[زوجة المسافر]

الله يفرج مابك لكن
لالالالالالالالالالالالالالالالالالالالالالالالالالالالالالالالالالالاللطلاق
وتعوذي من الشيطان وتقربي لله اكثر

 

[الزوجة الأولى]

اخيتي
ان صبرتي فانت المستفيدة وان تطلقتي فهي المستفيدة

 

[خلآص...!]

زواج وتزوج خلاص .. اعرف الحرقه اللي بداخلك لاخر يوم بقلبك لان ثانيه جت تتشارك معك بزوجك .
بس انتي قلتيها اهلك ولاكانهم موجودين > يعني مالك بعد الله الا زوجك وعيالك
خليها تعيش بعيد عن عينك ماتجيلك ولاتشوفيها
وعيشي لنفسك وعيالك .... زوجك اذا دخل عليك رحبي وابتسمي ولاكانه متغير عليك شي
واذا طلع شوفي نفسك في عيالك واسعي لتربيتهم وسعادتهم
والله يقويك ويرحمك ويصبرك