الفزعه ياحريم

[حواء السعوديه]

زوجي سافر له اسبوعين لشرق آسيا ويجي يوم الاربعاء الصباح أستقبله:2: ولا أروح للجامعه:19: عندي دوام هل يستاهل اني استقبله ولا أزعل عليه لانه أول سفره له بعد زواجي

 

[ياعمري ابيك]

روحي جامعتك ... واذا جيتي عاد رحبي فيه بس مو تصير مخفه وتعملي له حفله هههههههههههه وحركات كانك تقولي له شكرا على سفرك ههههههههههه طيب هو راح لشرق اسيا وشاف نفسه انتي انتبهي لجامعتك .....

 

[نغم الورد]

لا ياااااااحياتي
إستقبليه وحسسيه أنك مهتمه فيه ياعمري
والله يوفقك

 

[نضوج أنثى]

انا مع الاخت ابيك عمري

 

[غندورا]

رايي تجهزين ولا تتجهزين الثقل يعني مثل مايقولون صنعه ضبطي امورك من الى بيتك ونفسك بخري البيت ورتبيه على التمام وغرفتك ترتيب ناعم مش اوفر كنك تستقبليه وعطري كلشي وروحي جامعتك وارجعي كانو عادي امورك وحياتك ماشيه واذا جا سلمي ورحبي ولكن لاتطولين جالسه معه يعني سوي نفسك مشغوله بشي مهم او بمطبخك حوسي واذا ناظر فيك او لحقك سولفي بطريقه مختصره,,,ويعني كيف السفره ؟ وعسى انبسطت؟
واذا سالك وش سويتي بغيابه اخترعي اي شي حتى لو ماسويتيه جتني فلانه او طلعت للسوق مع اهلي بينيله انو عايشه حياتك من دونه
والله يوفقك

 

[دلع قلبه]

طيب ليه ماتستقبلينه؟؟
يعني وين المشكله سافر وانتي زعلانه مثلا؟؟
او لانه سافر بالحاله!!
اذا الاولى كملي زعلك
واذا الثانيه مااشوف الموضوع يستاهل تزعلين وتثقلين
من حقه يعيش حياته اقرئي موضوع الاستاذ ياسر الحزيمي بيفيدك كثثير بإذن الله..

 

[نور1199]

روحي جامعتك جامعتك اهم دامه ما عمل حساب لزعلك

 

[وحيده في دنياي]

نظفي وروحي الجامعه
ولما ترجعين استقبليه استقبال حلو
لكن مو انك ميته شوووووووووق
خليه هو يبين لك شكثر مشتاق لك

 

[الــحــائــرة]

حبيبتي انتي ادرى بزوجك اذا هو يستاهل ولا لا؟
ترى مو كل شي تستشيرون فيه مع احترامي
يعني اذا قالت لك وحده لاتستقبليه ماراح تستقبلينه ولا اذا قالوا استقبليه بتستقبلينه
حبيبتي هذي حياتك وانتي ادرى وش بينكم قبل يسافر وش صار وش ماصار حنا ماندري عن شي ومثل ماقلت هذا زوجك وانتي ادرى

 

[زوجة تـــوتـــو]

بخاطري اقولك استقبليه وبنفسي ماابيك تستقبليه بس بقولك لو انا سافر زوجي بصراحه راح

استقبله واذا كان يوم سافر ماعندك مانع اقولك استقبليه بس اذا كنتي زعلانه بكيفك شوفي

اللي تبين بس صدقيني لو الوحده منا مسافر زوجها راح تستقبله لان كل وحده تبي حياتها

تمشي بسلام يعني مسكت على السفره احس السفر اهون من المعاكسات بنظري انا

والله يوفقك باللي فيه الخير

 

[ام نصيب]

روحي جامعتك مايبط الكبد الاسفراتهم

 

[ام نصيب]

واكرفي بالجامعه حتى تهلكي من التعب وردي البيت ونامي والله اني شريره بس شوفي الوضع بعد كذا واحكمي الله يستر لا نوهجك

 

[MINT]

جاي من السفر في (الصباح) يعني جاي ينام روحي الجامعه احسن بشرط قبل لاتمشين رشي عطر قووووووووووووي فوااااااااح عند بداية بيتك وداومي =)

 

[حرم عزيز]

السلام عليكم
يسعدلي مسائكم يابنات حواء
انشاءالله انكم بخير
انا من المتابعين لهذا المنتدى وانا اعتبره الصديق اللي اخذ منه بس مااعطيه
واليوم سجلت في المنتدى وهذه اول مشاركه لي

حبيبتي انا انصحك انك تستقبلين زوجك اكسبيه وحطي مفاجات له خليه ينبسط
منك لان الرجل اذا في راسه شي راح يسويه رضيتي او انرضيتي
واذا احتجتي اي افكار انا مستعده ..

 

[حواء السعوديه]

يعطيك العافيه حرم عزيز
ياليت تعطيني افكارك
يعطيك العافيه

 

[الريم 2008]

اختي كانه رايح عمل يعني شغل الا استقبليه وهلي ولاحبي
امااذا رايح ينبسط ومالقى غير هاالمكان انت ادرى

 

[حواء السعوديه]

شكرآ لمروركم
الله يعيييييييييييييييييييييييييييييييييييين

 

[أستغفررر الله]

ماااااااااااااااااااااااااااااااااايستاهل