الفزعه الله لا يهينكن

[اميرة السحر]

السلام عليكم ورحمة الله وبركاته

كيفكم خواتي ان شاء الله بخير

بصراحه هذه اول مشاركه لي هنا

وابي فزعتكم تكفوون وربي اني اكتب الحين مشكلتي وانا

دموعي على خدي مادري وش اسوي

المشكله هي زوجي

اول كشفته وهوكان يكلم وحده بالجوال من قبل تقريبا ثلاث سنوات

وحلفلي بالله ان العلاقه بس مكالمه وعدني انوه مايعيدها

ورضيت وسكت وماعلمت احد بهذه المشكله علشان اولادي مابيهم

يضيعون بننا والحين هو مدمن نت ومدير لاحد هالمواقع الي فيها اختلاط

وراضيه بحكم ان الحين مافيه احد مايدخل النت العالم كلها مدمنه نت

بس المشكله اني شاكه انه يكلم بنات في الماسنجر والرسائل

ومادري وش اسوي اذا كلمته زعل وقال انتي شكاكه ومادري ايش

واذا اسمريتي على هالحال اوضاعنا مراح تستمر

وارجع انا واسكت مادري وش اسوي قسم بالله اني مريضه واحس

اجلي قريب كله بسبب التفكير والقلق انه يكلم احد غيري

مادري وش الحل المشكله ماعندي احد اشكيله همي بعد الله سبحانه وتعالى

الا انتم تكفوووووووون ابي حل مابي اولادي يتشردون وحياتنا تنتهي

المشكله اني احبه وماقدر على فراقه



بانتظار ردودكم واقتراحاتكم

دمتم بود​

 

[زوجة الخطير2]

الله يعينك ويسخره لك انشاء الله ما عندي ذيك الخبره بس ما حبيت اطلع من غير ما ارد

 

[اميرة السحر]

الله يجزاك خير

وينولك الي في بالك


بنتظار اخواتي

 

[اقدار مكتوبه]

طيب حبيبتي احا مافهمنا هل تبين تتاكدين انه يكلم او تبين كلام يهديك ويريح اعصابك

 

[نضوج أنثى]

حبيبتي استعيني بالله واشغلي نفسك فيه صدقيني كل مانشغل أنفسنا بالدنيا كل ماتزيد همومنا انصحك عشان ترتاحي وتعيشي لا تفتشين وراه ولا تقولين يخوني وتشغلين بالك في أمور تخرب بيتك الشي هذا بينه وبين الله إذا كان إنسان طيب معاك ومو مقصر لاتفتحين على نفسك باب إنتي في غنى عنه لانه لو فرضنا مثلا الله لا يقدر إنه يكلم بنات وش بتسوين بتواجهينه بينكر وإذا ماانكر في رجال وقحين بيقولك انا حر عجبك اهلا وسهلا ماعجبك روحي بيت اهلك أو يوعدك مايعيدها زي االمره اللي راحت وبكل الاحوال انتي تشغلي نفسك في شي يسبب لك هموم وبتصيرين نكديه وبيبعد عنك أكثر من توكل على الله فهو حسبه ادعي إن الله يشغله بطاعته ويبعده عن الحرام واستغفري الله وإن شاءالله ربي يسخره لكم

 

[اميرة السحر]

هلابك اختي

لا انا متاكده انه يكلم بنات في الماسنجر

بس انا ابي حل يريحني

يعني وش السوات في هالحاله

 

[هيل وقهوة]

http://www.niswh.com/vb/showthread.php?t=317432&page=3

 

[اميرة السحر]

نضوج انثى

الله يسعد قلبك يارب

ياليت اقدر اشغل نفسي بشي بس المشكله اني فاضيه

لا شغل ولا مشغله والشيطان دايم يغلبني بالتفكير السلبي

والتنبيش وراه بعد مايخلص من الجهاز

 

[ندوووش2007]

طنشي ولا تهملي نفسك ابد وبلعكس خليكي هاديه امكن نزوهاو شي في راسه بس انتي خليكي مهتمه بنفسك ... لان لو ترك البنات بيرجع يطالع فيك ترا الرجال تفكيرهم مو زينا ..
ولا تشيلي هم ترا نحد يسوا اذا طيب معاكي خلااااااااااااااااااص لا تنبشي ...

 

[رقة ونعومة]

الدعاء ......الدعاء """""""""والاستغفار

 

[اميرة السحر]

الله يجزاكم خيييير


وربي اني محتاجه لدعواتكن

ونصايحكن ودي احد يسمع مشكلتي

ياخذ ويعطي معاي

ماعندي احد اشكيله

وزوجي راسمته اجمل صوره عند اهلي

ومابي احد يدري وش يصير بيننا من اهلي

او اهله

 

[وفاوووي]

اختي بجد تبين ترتاحين لاتنبشين وراءه اهم شي انه هو مايسوي شي قدامك ويقهرك
طيب هو كيف معاملته معك؟؟؟بجد الرجال مايصلحله النت لانه مثل البزر اذا طاح بشي ماقام منه
وانتي اهتمي فبه وسوي الي عليك لا تقصرين معه واصبري عليه وصدقيني ربي بيعوضك الدنيا هذي كلها هموم وماتلقين وحده ماتشكي من زوجها والوحده اذا شافت مصيبة غيرها بتهون عليه مصيبته
يله قومي مسحي دموعك وعيشي حياتك مع عيالك واكثري من الاستغفار والدعاء​

 

[اميرة السحر]

لا هو تعامله معاي زين

ومو مقصر في شي

وقدامي مايسوي شي

ويمسح كل شي وراه

وهذا الي قاهرني

 

[ريما النجدية]

اصلا واضح إن زوجك مايكلم بنات ويحبك ويداري مشاعرك والنت كلن يدخله حتى الأطفال بطلي شك وعيشي ومشي حياتك

 

[اميرة السحر]

طيب ليش مايفتح ماسنجر قدامي

واذا جيت اجلس جنبه قفله

وجواله برمز قفل

 

[خلود بكر]

الله يهديه يارب بس من جد لاتواجهي اي انسان مخطئ بخطائه خاصة لو تبغي العلاقه بينكم تستمر وتكون حلوه انتي اشغلي نفسك على نفسك واولادك وثاني شئ غيري من نفسك ثقفي نفسك بهذا المنتدة وبرتاحين كثير اقري بقسم الزوج والزواج وشوفي اشلون بتتغيري وحياتك بتكون افضل

 

[الزوجه الاولى]

حبيبتي الجئي الى الله ادعيه في الثلث الاخير من اليل ان يهدي زوجج ويبعده عن الحرام سبحانه قال وقوله الحق ادعوني استجب لكم

 

[حلى قهوة]

الله يعينك ويفرج لك

ويهدي الرجاااااااااال كلهم مافيه احد مرتاح صدقيني

 

[اميرة السحر]

الله يجزاكن الخير يارب

على ردكن ومساعدكن لي

وربي كنت محتاجه لكن

ولا لي احد بعد الله غيركن

دمتن بود​