الغالي طعني ....

[وجه المرايا]

السلام عليكم

بدون مقدمات وبدوون لف ودروان والله ماعندي حد الجأ له غيركن
وادري والله انكن مابتقصرن بالشور عليه

بقولكن قصتيه وانتن احكمن وياليت اتقولن لي كيف اتصرف لاني خلاااااااص انطعنت من اقرب الناس اليه


الحمد لله والشكر يوم كنت بنت,, اهليه ماقصروا عليه في شي
كله عندي الشي قبل مااطلبه عندي ومب محتايه شي
بس زوجوني وانا صغيره عقب ماخلصت الثنويه تزوجت
والحين معرسه من كم سنه وعندي ولد الله يحفظه


والحين اكمل دراستيه والحمد لله الحمد لله على النعمه بعد في بيت زوجي مب قاصر علي شي
اكمل دراستيه الجامعيه والله يوفقني واخلص

ريلي شو اقووول مثل باقي الريايل عاادي اكبر عني بكم سنه
والحمد لله من كم سنه ماشفت عليه شي


<<<<<<<<<<< تعرفون شي يوم اقرى مواضيع الحرمات يشتكن من ازواجهن والخيانه اقول الحمد لله الله من علي بريااااال ماله هالسوالف ومب راعي حركاات قرعا على قولتهم والله لايحطني في موقفهن والله حتى كنت مااتخيل اني في موقفهن




شو اقول عن ريلي كيف اوصفه ريال سيده ماعنده منيه مناك مب راعي هالسوالف
يعني شو اقووول والله ماعرف ماعنده خرابيط وجيه <<<كنت اعتقد انه جيه


وانا الحمد لله مب مقصره فيه بس ياشر وانا عنده هدمته انا اعتني بهاا اغسل واكوي له مااخلي الخدامه اتصك ثيابه قبل مايطلع اطلع له ثيابه وادخنه واعطره


والحمد لله اني معتنيه بعمري يعني مب مقصره البس له اللي في خاطره
والميزانيه كلها لى العطر والدخون وقمصان النوم والبدلات وطبعا ماانسى هدايا حقه

بمناسبة ولالا هديه عطر ساعه .....


في يوووم
دخل الحمام يتسبح جان ازخ التلفووون وانا اجيك المسجاات شفت شي
ماعرفت قلت يمكن كتب رقم وماكمله او شي جيه الرقم كان (69)<< عندكم فكره عن هالرقم الاجانب يستخدمون مافيني اشرح زيااده


شكيت جان اطالع الرسايل الصادره وشفت مسج (( يابنت الناسس...............))

وعقب جيكت انه في مسجات صادره ووارده مسجات حب وغرام يالقهررررررر(( وانا عمره ماطرش لي مسج فيه جيه ,, عمره ماقال حبيبتي ولا الغاليه ولاشي عنده جموود عاطفي من صوبي ولا هيه بنت .......... ماقصر فيها يرشها من هالكلام الحلووو وانا مااناديه باسمه كله الغالي وعمري وحياتي ))يــــــــــــــاخسارة


تاكدت انها وحده من طريقة المسجاات وخذت الرقم وخزنته عندي .. هنيه ماعرفت اتصرف !!!


لا والقهر لاحظت انه يطلع اوقات متاخره اونه برمس واحد من الربع .....<< وانا على نياااااااااتي


لا والقهر انه في مكالمة صادرة الساعه 12 ونص فليل !!!!!!


يعني كلهن دلائل انه يرمس وحده ,, وانا اعتقدت انه ملاك ومافيه منه


اتلخبطت الدنيا في ويهي اول ماقريت المسجاات قلبي يدق يدق وفيني انفضه ارتجف وابا ازووووع

والله ماتوقعتها منه ياليت كل الناس خانووني ولا هووووه


الحين خواتيه دخيلكن خبرنيه كيف اتصرف في هالموووقف والله اني محتارة

طبعا ماواجهته في هالشي لاني ادري اني ان تكلمت ولا قلت كلمه بصيح

وبعدين انا دووم معدومه الشخصيه عنده


يالله ان شاء الله ماتنحطن في هالموووقف

خواتيه ادعوليه انه الله يفك كربتي اللهم أجرني في مصيبتي وابدلني خيرا منهااا


اسميه صدق بنات ال,,, ماخلن حق بنات الحلال شي


الرجاء كله وحده تدخل اتقول رايها لو ماعندها شي تدعيلي
لاني والله صدق مب عارفه اتصرف وانا احبه ولاافكر اني اطلب ... عشان وحده تاخذ على البارده المبرد صدق مايحلى في عينهن الا الريال المعرس


........ لين الحين ماحصلت حل حاطه جمر في جوفي وساكته مابينت له شي بالعكس قمت اترتب اكثر واتفنن في الفراش بس فيني غيض ومب عارفه اواجهه
جيكت على الرقم وطلع باسم هندي :no:
وماعندي طريقة امسكه فيها بالجرم المشهووود عشان اواجهه

عطوني طريقة اقدر اتجسس عليه اكفشه :icon28:​

وخبرووني بالدورات اللي اسجل فيها عشان تنفعني وطريقة الاشتراك بعد :sly:

 

[روضــ ام ــه]

الله يعينج ويسخرلج ريلج لج
بس بعدني ما أنصحج تواجهينه الحين اتري
وصبري عليه اشوي
وترى الحال من بعضه يالله فيييييييييييينييييييييييييي حره من هالريايل
حشى مااااااافي وحده مرتاحه الله يصبرنا

 

[قلم اخضر]

فديتج يالغاليه والله انه هالريايل ما يستاهلون كل الي انسويلهم اياه :icon28: :icon28:
والبيزات الي تشتريبهن هدايه حق سي السيد سيري ودفعيهن حق دورات الدكتوره ناعمه والإخت موزه خلفان صدقيني وااااااايد بتستفيدين وابركلج من هدايا حق انسان ما يقدر قيمتهن بعدين يا حبيبتي سويلج هواد على قولة اميه يعني يمعي من وراه الي ترومين عليه وشغليهن في اي شي مب تصرفينهن عليه هذيل ( يعني منكم واليكم ) هالريايل ياعيوني ما يترس عيونهم الا التراب ....
اولا فيه رابط في قسم الصحه النفسيه للأخت القلب الكبير دشيه وحلي الإستبيان عشان تعرفين انتي اي نوع وريلج اي نوع
بعدين سجلي في دورة استراتيجيات التعامل مع الزوج الخائن انا عن نفسي ما بمدحها لوما اني سجلت فيها وبصراحه يزاها الله خير الدكتوره على هاي الخطوات السحريه والله انه الريال اتغير يااميه ( ريلي ) بس حبه حبه والموظوع يبا صبر ولا تعيشين نفسج في فلم هندي وتيلسين ليش؟؟ وشحقه؟؟ وانا في اشوه قصرت ؟؟:dunno::sadwalk: :dunno:
الغاليه نحن مب مقصرات في شي الا هالرياييل الي مب عارفين قدر الي عندهم من نعمه
وعليج بقيام الليل والدعاء فيه لأنه ربي ما يرد دعوة المظلوم :c016:
واياني واياج يحس انج عرفتي اي شي كل مره تستويلج فرصه تعرفين شي عرفي وسجليه في مكان سري واتبعي هاي المعلومات بعدين بطريقتج مووووول لا تحسسينه بشي
والله يعينا ويعينج على ما ابتلينابه

 

[munaa]

الله يعينكن ويصبركن

 

[دهن الورد]

لاحول ولا قوة الا بالله صدق غصة والله

وطعنة قوية الله يعينج يا اختي الغاليه

اختي سجلي في الدورات نمي شخصيات

لازم اتكون شخصيييييييييييييييييتج قوية ترا الرياييل ما يحبون الحرمة اللي شخصيتها ضعيفة

شيء في المنتدى موضوع اسمه اسرار العشيقات اقري بتستفيدين

واذا تقدرين سيري عند الاستاذة ناعمة بتليج اتردين ريلج غصبا عن اللي خلفها

وبينسى شيء اسمه هاااايج


الله ان شااءلله يوفقج يااااااااااااااااااااااااااااارب يا اختي

وطمنينا عليح

 

[aldana]

برافووووو عليك .... لا تبينين له شي واستمري في الاهتمام فيه ... خلك سعيده ومفرفشه ولا تظهرين امامه انك متوتره او متضايقه أو حتى شاكه فيه ...

رمز الرقم في جواله يدل على علاقة غير شرعية والله أعلم ...وتحديداً حاولي تهتمين بهذا النوع المحدد اللي انتي فاهمته ...قومي بتطبيق هذا الوضع في كل مرة أطلبيه ...

واحذري تواجهيه ...خلك سنعه وراقبيه من بعيد .

 

[بسبوسه]

الله يلهمك الصبر والثبات ويهديك للصواب
اختي الغالية ..

طيراااان على التسجيل بدورة الاستراتيجيات للتعامل مع الزوج الخائن

هونيها وتهووووون وكل شي له حل

واعلمي انها ليست نهاية الدنيا وان كنت ترينها الآن هكذا

 

[ألوان]

الله يعينك الغاليه من الأفضل أنك ما تواجهينه حاليا أصبري شوي وفكري عدل 00 وأنا ما عندي خبره في هذه المواضيع ان شاء الله خواتي بفيدونك أكثر والله يسخر زوجك لك 0000 آآمين​

 

[وجه المرايا]

ام روضه

لو انولع صبوعنا العشر شمع مابيعيبهم


قلم اخضر

المشكلة يالغاليه اني ابا امسك عليه شي كيف مااعرف كيف اسجل مكالمااته او شي من جيه ماعندي فكرة
وبعدين خاطري اسجل في الدورة بس ياليت حد ايقولي كيف


دهن الورد
كيف اسجل في الدورة وهل بيطوفني شي لان التسجيل متاخر


الدانة
خخخخخخخ من عرست ماطلبت من هالشي
بس صح خاطري شوووو يعني
بحاول اخليه يطبق علي خخخخخ

بسبوسة
نفس السؤال يتكرر كيف اسجل لاني مااعرف خخخ

خواتيه اللي عندها اي فكرة كيف اتجسس عليه لاتبخل ابها علي
الحين اقوول ليتني في امريكا عشان اشغل مخبر خاااااص خخخخ

كل الشكر خواتيه على الوقفه ورجاء خبروني كيف التسجيل

 

[عنقود عنب]

يا اختي لا تتجسسين ولا شي

وش راح يفيدك التجسس غير حرق الاعصاب والقهر

واحسن شي انك ما واجهتيه

راقبي تصرفاته من بعيد الى بعيد .... لكن لا تروحين انت اللي تدورين على الشي

خلي كل شي يصير بشكل طبيعي

اذا هو مو متغير عليك ولا مقصر في حقك ..خلاص ..يمكن نزوة وتعدي

يعني انت لو ما شفتي الرسايل كانت مرتاحة الحين صح ..

حاولي انك تشغلي نفسك بدراستك واتركي فكرة التجسس عنك

سجلي في الدورات وان شاء الله تستفيدي

تحياتي

 

[full moon]

آآآآآآآآآه يل قهر شكل قصتيه يالله من الرياييل بصراحه ودي اعيش بدون ريال بس اول شي افكر فيه العيال.....الله يعينج

 

[اميرةحقيقية]

ووييييييييي حياتي عورتي قلبي ربي يسخر لج زوجج ويسعدج ااااااااامين

 

[وجه المرايا]

احس انه لازم اعرف شو يستوي وراي
فيه علاقااات محرمة ولالا ابا اتاكد من هالنقطه
مابا اكون مثل القطوه المغمضه
هوه فعلا مب مقصر معاي لا في الفراش ولامادياا بس ماابااا هالشي يكون سبب اني اتغاضى عن تصرفاته
بس احس انه قلبه مب معااي وهذا معور قلبي


ياليت حد يخبرني كيف اسجل في الدورات

 

[غدير الحب]

عزيزتي

اهم شئ ثقتج بنفسج ماتنهز لانج مب مقصرة فيه
خلج مبتسمة واعتبري هذا تحدي واكييد بتنجحي فيه
واذا زوجج ماتغير عليج يعني هذي نزوة مب شرات بعض الاخوات
الله يعينهن
الحين خففي شوية من الاهتمام يعني لاتبخرين له اوتعطريه
لاتنظريه وايد ويوم يسالج شوصايرقول لي له قلبي مب مرتاح وبس خليه يفكرشوسالفتها
حاولي بعد ماعرفتي انه يرمسها بالليل تطالبينه يغلق التلفون لانه وقتج معااااه
ولازم يحترم هالخصوصية وانه ربعه مالهم حق يتصلون عليه

بين فترة وفترة ارمسي عن سالفة الي يخون زوجته وكانج سمعتيها من ربيعتج اواهلج وانه خسرها بالاخير
وادعي جدامه انه مايصيبج الي اصابهن
لانج وقتها مابترحمي حد

واهتمي بذاتج اكثر
اطلبي اكثر
حاصريه بمعنى فجاة يطلعج مكان يوديج عندحد
يعني اغلب الاوقات يكون جدامج
وبالاخير خلج متفائلة ماعليه اي ضربة تراها توجع بس الاهم نتعلم نداويها

والله يسهل عليج

 

[ليليان وبس]

حسبي الله ونعم الوكيل .. والله هذا آخر الزمن .. حتى الرجال اللي تثقين فيه وتحسين أنه ما يخون .. يصدمك ويخليكي تفقدين الثقة في كل الناس.. والبلا اننا مش مقصرين معهم .. يعني سوينا ماسوينا بيخون .. ياليت يذوقون من نفس الكاس اللي يذوقونا منه..
هذا الرابط فيه كيفية الأشتراك بالدورة .. أنشالله تستفيدين منها يارب.. والله ودي أسجل فيها بس الحالة المادية هالفترة ماتسمح..

http://www.niswh.com/vb/showthread.php?t=5303

 

[nfharby]

الله يعينك ويصبرك
وعلى قولتهم لاتشتكيلي وابكيلك

 

[وجه المرايا]

غدير الحب
المشكلة ان تميت المح له بيحس اني اعرف
ريلي مشكلته يعرف اللي في خاطري من نظرة ومااقدر اجازف بالهشي لين اعرف شو مستوي بالضبط

ليليان شكرا وبشترك في الدوره ان شاء الله

 

[وجه المرايا]

يااااااااااااربي والله احس اني بمووووت قلبي بينبط
قبل شووي زخيت تلفونه اونه الولد يلعب به ودقيت عليهاااا
يعلهااا ياربي ماتوفق في حياتي ولا اخرتها الحراميه



دخيييييييييييييلكم خبروووني كانت المسجات والارقام هنيه بس يوم سمعتها صوتها كرهتته
خلاص ماباه بسير بيت اهليه اكرم لي وابررررررررررررك

 

[اجمل فراوله]

الله يعينك اختي والله يسخره لك والزمن دا نادرا لما تلاقي الرجال الرزين

 

[روانه]

الله يعينك حبيبتي ........ والحال من بعضه...... كلنا في الهواء سوا

بس انتبهي لاتتهورين وتطلعين من بيتك.....

انتي اصبري شوي وشاوري اذا فيه احد فاهم وعاقل من اهلك

واستشيرهم وادعي والله يعينك ويعيننا .... والله مجربه اللي قاعده تقولينه

وحاااااااااااااااااااااااااااااااااااسه فيك...

مايطعن وبس.... الا يفع المراره ويفجر القولون ويقتل القلب والروح والجسد

الله يصبرك ويصبرنا... اللهم آآآآآآآآآآآآآآآآآآآآآآآآآآمين