العطر والاولاد

[أميرة خيال]

السلام عليكم يالحبايب

انا عندي عيال الله يصلحهم واعمارهم 13 / 11 / 9
مافيه لحد الان مشكلة ولله الحمد
انا كنت لما عيالي الله يحفظهم قبل ما يروحون للمدرسة الصباح كنت اناديهم عندي وارتب شعورهم وادهنهم واعطرهم !!!
ومرة كنت احكي زميلتي قالت انتبهي لاتعطرينهم ترى العطر يثير اللي فيهم بلا " الشاذين " الله يحفظ عيالي وعيالكم وابناء المسلمين يارب
وصرت خلاص مافيه عطر بس يتروشون الصباح ويغسلون ويلبسون نظيف ومافيه عطر وقلت لهم بلاشي عطر يسبب حساسية ع الصبح وقلت بعدين في مرحلة قادمة افهمهم

بس حبيت انقل المعلومة لام العيال الله يحفظ عيالنا يارب

 

[ام لموووو]

ايش بلا الشاذين مو صحيح انا واخواني واحنا اصغار لييين كبرنا واحنا نتعطر \ بس الافضل للاطفال عطر مخصص لهم على شان مايجيهم لاقدر الله ربو

 

[pink star]

الله يجزاك خير على التنبيه

 

[ميدوحياتي]

مشكوووووووووووووووره حبيبتي

صادقه صارالزمن يخوف لازم ننتبه لكل شي

 

[خلآص...!]

من متى العطر يثير الاطفال ؟؟؟
كل من قال شي بنصدقه !! وين عقلنا استغفر الله
المعروف ان العطر للصغار يجيهم ربوو مو اثاره ؟​

 

[wafaa salem]

مين قال ان العطر هو اللي يثير الشاذين ومين قال انك بمنعك للعطر تمنعي الشاذين من عيالك---ما به موضوع عطر ولكن موضوع مراقبه مستمره ومتابعه وصداقه بين الام واطفالها

 

[ملكة الجوري]

استخدمي لهم دهن العود ...لاتستخدمي عطور للكبار لان بعض العطور النسائيه او الرجاليه يكون فيها مواد ((اثااااااره)) وهذا شي معروف...ومو شرط الشواذ يكونو صغار..يمكن اللي يشتغلون في المدرسه يكونو كذا... لاتستبعدون الشي هذا قبل مايطلعون اقري الاذكار عليهم وقولي استودعكم الله الذي لاتضيع ودائعه..اعيذكم بكلمات الله التامه من كل شيطان وهامه وكل عين لامه وتوكلي على ربك وبس....

 

[ّٲدمنټ حَٻڱّّ]

اعوذ بالله زمن يخوف عاد ياكثر مانسمع بقصص المعلمين مع الطلاب

الله يسترنا ​

 

[*999*]

يمكن على حسب نوع العطر

انتي عطريهم بعطور خاصة لهم

 

[حلاتي بجمالي]

عوديهم بعد صلاة الفجر والمغرب يتحصنون ويذكرون الاذكار وربي راح يحرصهم ان شاءالله

 

[فلسفة صمت]

لا حبيبتى مو صحيح

 

[أميرة خيال]

انتو الحين ليش شبيتو علي وكل وحدة ترد بأسلوب اعوذ بالله يفتقر لأي نوع من أدب الحوارالا القليل منهم
انا حبيت انقل لكم نصيحة مو مني من اكثر من وحدة والشاذين اللي اقصدهم ممكن من المدرسين من احد الطلاب الكبار من السواقين ليش انتم في المدينة الفاضلة ولا تبون تحطون راسكم في الرمل الشر حوالينا وقريب عندنا
الحمدلله احصن عيالي ويصلون الفجر ومنبهتهم من كل الامور هذه وعلاقتي كويسة مرررة معاااااهم ومفهمتهم وش حدود الاعلاقة مع الاخرين الله يحفظهم يارب .
بس الواحد يسوي الاسباب ياناس
وانتم حرييين تعطرون عيالكم الصغار ولا ماتعطروهم

 

[حبيبة روحها]

يمة لانشاءلله حتي العطر لالالا

 

[¨°مسڪٌ أبيِض•◦॰]

أشكرك علي تنبيهـك وأنا فهمت قصدك أثارة الكبار من مدرسين أو سواقين أو عمال النظافة
أستودعناهم الله وأن يكفييهم من بـه شــر وأن يشغله بنفسسـه عنهم ...

 

[أميرة خيال]

يالبى قلبك يالمسك الابيض فاهمتني وش اقصد اشكرك
الله يحفظ عيالنا يارب وعيال المسلمين

 

[تفــآصيلـ]

ما هو بالعقل..
ما ينفع هالكلام!!

ما اقتنعت
=)

 

[sosocaty]

اوافق صاحبة الموضوع 100 % عن تجربه


ما ودي أقول تجربتي لكن نصيحه أسمعوا كلامها لا تعطرون لابناتكم ولا أولادكم


والله خير حافظ

 

[أميرة خيال]

اشكرك يالغلا على توفقك معي
والله يحفظ عيالنا وعيال المسلمين يارب

 

[يفداني بقلبه]

حصنيهم اختي واستودعيهم الله الذي لا تضيع ودائعه
قبل لا يطلعون تعودي دايما حتى نفسك وزوجك وبيتك لازم تستودعينه عند الله
ويحفظه سبحانه​

 

[سر الخواطر----=]