الشمالي الشرقي ونومه لوحده ؟؟؟؟

[الله لايحرمنا]

السلام عليكم ورحمة الله وبركاته
ارجو عدم نقل الموضوع فانا احب هذا القسم واعشقه واثق كثيرا بمن فيه
ولا اعتبر مايمر بي مشكله لتضعوه قسم المشكلات
زوجي شمالي شرقي
من بعد ولادتي طفلتي الاولى ننام في نفس الغرفه ولكن اذا بكت خرحت بها
وفي ولادتي الثانيه اذا بكت طفلتي احيان اخرج واحيان لا اخرج بطلب منه لان الغرفه دافيه وباقي البيت بارد واحنا في الشتاء
ففضل هو الخروج من الغرفه خوفا على الطفله
والان بعد ماصارت الطفله عمرها 4 شهور وانتظم قليلا نومها لايريد ان يرجع للغرفه يفضل النوم في غرفه بنتي الكبيره عمرها 5 سنوات ينام على سريرها يقول انه ابرد واحسن ؟؟؟
احيان اسهر ع النت ويروح ينام في غرفة نومي بس اذا شافني نايمه ع السرير مااااااينام ويروح الغرفه الثااانيه واذا سالته ليش يقول بنتك ممكن تقوم وتزعجني ...
مارايكم ؟؟؟
الموضوع عادي عندي ولكن خوفي ان هالوضع يستمر او يكون عاده عنده طول العمر ...
​

 

[عاشقة الاحلام]

مدري اختي انا مو متزوجه بس مملكه بس ان شاءالله المجربات يفيدونك وكيف نظامهم بهالظروف
بس انا اشوف انك ماتطولين على هالحال رتبي وضعك ولازم تهتمين فيه عشان مايقول تهتم في الصغار ونستني
وربي يسعدك مع زوجك ويوفقك

 

[مشتاااقه]

ييييوه كثير يعانون من هذي المشكله

شووووفي اذا راح الغرفه روووووحي معه لاتخلينه ابدا نامي معه في غرفت بنتك
قولي ماتبي تجي ان بجي عندك​

 

[سموذاتي]

الله لايحرمناقولي امين الله لايحرمنامن نومهم معانا :40:لان بصراحه نفس المعااااااااااااااااااااااناه الله يفرجهاخلاص اناصايرمايعترف بالغرفه اصلا.:8:بس اناشمالي غررررررررررربي:31:وذالقيتي حل خبريني

 

[اخاف الله...]

اكبر غلط اللي تسوينه تتركينه براااحته
روحي عنده وهيئ له الجو المريح ونومي بنتك وخليها بغرفه جنبك وبابها مفتوح وحطي عندها وعندك الجهاز اللي اذا بكت تسمعينها

 

[اسيرة الايام]

ينقل للاستشارات الزوجية

 

[!! sama !!]

نفس المشكلة عندى بنت واحدة بتنام معايا فى غرفة النوم اللى على رأى سمو ذاتى مابقاش معترف بيها اصلا بس انا اوقات باسيب بنتى نايمة واروح انام معاه فى غرفته يعنى انتى ماشيها مرة تنامى مع بنتك ومرة معاه

 

[حنين احمد]

انا لا أدري ما الحل بس اتمنى الاخوات اللي يعرفوا يفيدووكم
اللهم اغفر لي ولوالدي و للمؤمنين و المؤمنات و المسلمين و المسلمات الاحياء منهم و الاموات
و صلى الله و سلم و بارك على سيدنا محمد و على آلة و صحبة اجمعين

 

[لمن يجرؤ]

والله ما عندي اي فكره عن هالمواضيع

ان شاء الله يفيدونك صاحبات التجارب

 

[دلوعةزوجي]

اكبر غلط انك تتركينه ينام لحاله والله اني اترك اولادي ينامون بغرفه لوحدهم حتى عمر ال9 شهور وبعد كذا اجيبهم عندي بالغرفه لانهم يبدون يحبون ويمشون
نومي بنتك بغرفتها ولو رفض زوجك روحي نامي معاه
ولوتركتي الوضع كذا بيعجبه الحال
تقبلي ردي وودي

 

[عقدالجمان]

هذي والله مشكلتي يحب ينام لحاله بمجلس الرجال ...والنتيجه راحت الشغالة ونامت معاة والحين حياتنا على الهاويه انا ابي حل خروني

 

[غدا نلقى الآحبة]

غلط تعوديه ينام لوحده وبغير غرفة نومكم ,,

حتى لو بنتك صغيرة وتبكي وماتخليه ينام ع الاقل خليه بغرفتكم وعلى سريركم ونوميه ,, خليه مايقدر ينام الا لما تنوميه ,, ولما ينام ,, بتروحي مع بنتك لغرفة الجلوس بتسكتيها وبترضيعها وتدهنيها بزيت زيتون واقرأي عليها وعوذيها ..

ولما تهدى وتنام بنتك بترجعي بتنامي معه بغرفة نومكم..

 

[جنه الخلد]

اه الله يعين ع الشمالي الشرقي ياما رجال يزعجونهم صغارهم ومتحملين ...

 

[لمياء\/لمياء]

عزيزتي آنا كمان زوجي شمالي شرقي..
و من أول ما تزوجنا و حنا ناااااادرا ما ننام في نفس الوقت..
آنا من كثر التعب اللي يطلع فيني بالليل مقدر أقعد بعد الساعة ١١:٠٠ المساء..
لإني أتعب من الحوسه طول اليوم بالبيت!! و هو لو يقعد طول اليوم برى
مستحييييييييل ينام على طول.. (التلفزيون حقتنا مقابل السرير) يكون قاعد جمبي لكن
يعني لازم يناظر التلفزيون لغاية ما يجيه النوم و ساعات ينام الفجر..
و إن جاه نوم ما ينام إلا لما تخلص التمثيلية أو الفيلم اللي يشاهده..
و ساعات يجيب له أكل و كذا يعمل حفلة عالسرير و آنا ناااااااااااااايمة..


آنا تعودت عليه و معطيته حريته

 

[كفاني وحسبي]

قولي اللهم اني اعوذبك من هجره وجفاه واجعل المكان الىينام فيه بعيد عني ما يرتاح فيه ويرجع لي فى مكاني ويكون هين لين ودود رحيم
الله يسخره لك ويحنن قلبه عليك

 

[الله لايحرمنا]

مشكوووورين على ردودكم
الله يصلح الحااااااال والاحواااااااااااااال يارب

 

[يوم مشرق أخر]

الشمالي يقتنع بالمنطق
و هو يحب اعادة الحقوق لأصحابها
لذلك
اذهبي في وقت النوم و اطلبي منه النوم في غرفه النوم
اذا رفض او صمت
اخبريه ان هجر الفراش هوا عقاب في الاسلام(اقرائي عن الامر ليسهل عليكي اقناعه )
قولي له انه من حقي ان تنام بفراشي
قد يصمت انتظري حتى يرد عليك
اذا طال صمته
قوليه له من اليوم ان شاء الله نرجع ننام على نفس السرير
اجلسي مقابله ، اتصلي معه بالعين ، تكلمي بصوت منخفض ،حدثي عقله لا قلبه ، نادية باسمه الصريح حتى ينتبه ، ابقي مبتسمة برضى، لا تبدي اي حزن او غضب اثناء الحديث او بعدة ابدا
حدثيه بثقه و انت متأكده انه سيلبي طلبك
و سيستجيب بحول الله تعالى
موفقه

 

[لليله سكون]

الحال من بعضه الله يعين

 

[مابقى لي اسم]

زوجي مثل زوجك شمالي شرقي و كنت امر بحالات مثلك
بس ماكنت اتركه يخرج من الغرفه اناا اخرج في طفلي وينام وارجع عنده او مااتركه ينام غير بعد سهر خاصه معي من مداعبات وغيره ..يعني ينام مايفكر بشي ..


المهم ماتتركيه ينام او يتعود يروح المجلس ...ربنا يساعدك