الشمالي الشرقي مهم جدا جدا جدا

[بنت الفلاني]

السلام عليكم جميع

اممم ما ادري من وين ابدا بختصر لكم قصتي

انا مطلقه واتعرفت ع وااحد بموقع زواج وتواصلنا بالموقع وبعدها جوال وحبيته وحبني

ولنا الحين خمس شهور الرجال يبي يخطبني بس انا ارفض واطول المده لاسبااب خاصه

المهم خلال الخمسه شهور اكتشفت انه شمالي شرقي وانا جنوبيه غربيه يعني شتاااان

مابين صفاتنا

وبصرااحه بديت اهون ولا ودي اتزوجه لانه شمالي شرقي وانتو ادرى بالشمالي بس ما اعرف

الطريقه المناسبه شلون اقوله خلاص لانه يلح دااايم علي انه خلاص يبي يتقدم وانه

مل من الانتظار فكرت اكلمه بهدوووء واقوله حنا مانصلح لبعض وانا استخرت ومن هالكلام ومافي نصيب بس خفت

يحقد علي لانه من خمس شهور يزن يزن خلاص ابي اتقدم وانا اقول مو وقته

وفكرت اخليه يخطب وبعدها ارفض

للعلم انا كنت متزوجه غربي يعني منفتح بقوووووه ومافي شي عنده اسمه ممنوع او عيب وتعودت ع هالحياه 8 سنين

تكفووون عطوني حل احس اني توهقت

 

[بنت الفلاني]

رررفع

 

[شراع الاماني]

طيب هو متزوج والا لا

 

[أحساس امرأه]

هالحين خفتي من نمطة وماخفتي من ربك وانتي تكلمين رجال غريييب ؟عجبي
ولعلمك الشمالي اذكى منك بكثييييييييييييييييييييييييييييييير وتاكدي انه بس يتسلى
والامومعقوله رجال يتزوج وحدة تكلمة ؟ انتي مطلقه لازم تتعضين الناس ماترحم
ترى ان تتزوجتية بتطلقين للمرة الثانية ؟
اغلب زواجات النت فاااااااااااااااشله لان مايلجأ لها الا الطالحين والطالحااات
الا من خلال شيخ ثقققققققققققققة هو الوسيط بينكم ؟ وهذا قللللللللللله ​

 

[بنت الفلاني]

اي متزوج وزوجته مواافقه بس لها شروط طبعا في الرضوه

 

[بنت الفلاني]

احساس امرأه مشكوووره عزيزتي ع النصيحه بس ابيك تعرفين انا مو غبيه صح كلمته بس حاطه حدود ما يتعداها بالكلام وحتى صوره لي ماشافني بس اتكلم معاه بخصوص الزواج

وبعدين ماعندي استعداد اتزوج على عمااي مثل زواجي الاول وبالنهايه يفشل ابي شخص اعرفه زين وافهمه قبل يتقدم

ولو ماشفت حالات زواج نحجت بفس هالطريقه والا ماكان سويتها

معليش واعذريني انا ما اشوف فيها اي غلط اني اكلم الشخص اللي ناوي يرتبط بي

وانا مو صغيره او مراهقه ناضجه واعرف وش قاعده اسوي


وعطوني حل يابناات شلون اقوله خلاص ما ابييك بس بطريقه تناسب شخصيته ما اتحمل الشمالي الشرقي

 

[دروب الليالي]

طيب اختي مدام بكل سهوله تعرفتي ع الرجال والوضع فري ومكالمات اطلبي واحد نفس نمط زوجك الاول الي منفتح ع قولك
(وين احنا عايشين ياربي سترك تاكدي ان مابني ع باطل فهو باطل) وانت تقولين توهقتي راس مالها تغير رقم جوالك وانتهى الموضوع
الله يهديك

 

[بنت الفلاني]

اررحموووونا وش فيكم وش الجريمه اللي سويتها خيرر ان شاااء الله كلمت واحد يبي يتزوجني وش ذالعقووول عليكم اكيد انتو شرقياات ههههههههه

وبعدين ولا ودي اعمم بعضكم اذا شافت كابووس دقت على شيخ تبي تفسير وجلست تكلمه

انا حاااطه حدود بمكالماتنا ولا نتعدااها وبعدين انا تعرفت عليه بموقع العفاف والموقع محترم والقائمين عليه شيوخ ونااس ثقه


ارحمووونا بس من هالعقلايات المتحجرره

والف شكر ع النصاايح لبى قلووبكم

 

[الشتاء الدافئ]

بكل بساطه ارسلي له رساله قولي استخرت وارفض فكرة الزواج حاليا لاني وجدت نفسي غير مستعده نفسيا ..وارجوا ان تقطع اتصالك بي والله يوفقني واياك ..وعلى طول غيري رقمك او قفلي الجوال وطلعي شريحه ثانيه وانتبهي تضعفي او تتراجعي ولا يأنبك ضميرك لان الرجال مايهمهم وماراح يضيع وقت بيدور غيرك ..موفقه

 

[أم رزونه]

الشمالي الشرقي مو صعب لو فهمته ، مع العلم إني ما أأيد الزوج عن طريق النت ...
بعدين أستخيري قبل كل شي ...​

 

[بنت الفلاني]

اهلين ام رزوونه والله ياقلبي استخرت وكنت مرتااحه جدا جدا

وبيني وبينك الرجال مافيه اي عيب الا انه انه شمالي شرقي

وبذكر لك اشياء اكتشفتها فيه وماعجبتني

مره قلتله المدينه اللي بتسكني فيها مالي احد فيها لا صديقات ولا اقارب بس مو مشكله بتعرف ع الجيران وبكون صداقات وبتسلى معاهم اذا صرت عند زوجتك انجن الرجال قال انا ما احب المره اللي تطلع من البيت
ولا اثق بالجيران وانتقي صداقااتي بعنايه ومستحيل اتركك تخرجين من البيت وانا مش مو جوود

ومره كان يرسل ع الجوال ولا رديت وبعدين كلمته قالي وينك قاعد ارسل وماتردين قلت معليش كنت اشوف مسلسل العشق الممنوع قال اسمعي انسي هالمسلسلات معي ولا راح تشوفينها قلت ليش قاام يسب بالمسلسلات التركيه وانها هابطه ومن هالحكي قلت يووووه ما اتحمل هالعيشه قال ما تتحملين اجلسي ببيت ابوك من الحين ماعنده مجامله وللعلم هو مش مطووع بالعكس دايم يروح السينما مع اخوياه ويحب الافلام الاجنبيه بس تعرفون تحكم الشمالي الشرقي

والعبايه قالي تغيرينها وتلبسين عباية راس وجاونتي مثل زوجتي الاولى قلت انا طول عمري البس كتف ومو متعوده ع الراس قال تعودي من الحين

قالي ممنوع تسافرين بروحك لازم انا اوديك وانا اخذك

غيور بشكل مش طبيعي جنني

واللي يشكون انه لعاب انا متأكده انه مو لعااب من اول ما كلمني وهو مصر اعطيه رقم ابوي يقول انا ابي موافقة اهلك وبعدها بصبر لو تبين سنه بس ما اقدر اصبر كل هالمده ولا عندي ثقه انه ابوك ممكن يوافق علي بس انا ارفض اعطيه الرقم لضروف خااصه

وقسم بالله انها كاسره خاطري زوجته احسه قاااسي معاها مايوديها الا بيت اهلها وبس ماعندها صديقات طبعا انا لي خمس شهور اكلمه يوميا واعرف كل شي عن حياته وغير هذا كل شهرر لازم تعطيه من راتبها مع انه مو محتاج راتبه زين ماشاء الله

 

[بنت الفلاني]

تكفوون صبايا اللي متزوجات شمالي شرقي شرايكم هل فيه امل يتلين واجيب راسه بيوم من الايام تكفووون من اليوم مطنشته يتصل ويرسل ولا رديت حامت كبدي منه

 

[بنت الفلاني]

المشكله ذكرت كل عيوبه ونسيت السلبيات

الرجال محافظ ع الصلاه في المسجد هذا اهم شي ولا يدخن وحنوووون ووظيفته حلوه وشكله مقبول وعمره مناسب لعمري يعني مو شاايب

وزوجته طيبه طيبه اهم شي لأني ودي نكون خوات بعدين وموافقه ع الزواج شكلها حامت كبدها منه وتبي الفكه هههههههههههههه

بس لاحظت انه كريم ع نفسه فقط وكل يوم رايح احلا مطعم بس مع اخوياه اما زوجته مستحيل

تكفووون شورو علي والله اني محتااره والله رفضت عريسين في هالمده عشانه

 

[قطـــــريه]

اختي انتي قلتي ماتقدرين تستحملين .. شوفي اختي في رياييل خلوقين لكن صعب الواحد يتحملهم .. انا صراحه صب فيني لمن قلتي عيوبه صج تنرفز .. شوفي ناقشيه فيه هالامور اللي قلتيها وخذيها حجة وقلي له معليش انا ماتحمل هالطبع سوري وماقدر اكمل معاك الشوار والله يوفقك مع وحده تستاهلك .. ونصيحه دزيه مسج لانه ممكن يخورها بالحجي ويغلط .. وغيري رقمج فترة او كنسليه لانه بيتم يتصل فتره ويسندرج .. مع اي مستغربة ليش طولتي كل هالمدة وانتي عارفة عيبه .. وبالتوفيق

 

[لباب]

مابني على باطل فهو باطل
الله يهديك
والله عقول متحجرة ارحم مليون مره من عقلك

 

[جوجو ابوظبي]

مراااحب والله انا الشايفه البنت ما سوت جريمه تعلمت من تجاربها بالحياااه وهالمره ماودهاا تفشل زي اول وبعدين منو قال ان الشمالي الشرقي ما يناسب اجنوبيه الغربيه انا وزوجي متناسبين ومتفاهمين ونحب بعض خاصه اني كنت مطلقه من قبل وزوجي حتى وربي بياخذ ع نيتك انتي استيري ربي كم مره وربي بيده التوفيج وموفقه

 

[Bounty~]

الله يهديش

من 5 شهور تكلميه ؟!!
و الحين بس اكتشفتي انه ما يصلح بعد ما تعلّق فيش ؟!!!!

حرآآآم عليش

 

[انا رائعه]

ياقلبي انتي قررتي تتركينه وجايه تطلبين الطريقه المناسبه
الموضوع ما يحتاج كل هذا
ماتبين تغيريني رقمك لانك تستخدمينه في اشياء ثانيه ..اذا ارسلي له رساله زي ماقالو البنات و قوليله مانصلح لبعض و سكري جوالك فترة شهر

 

[مزوح وتروح]

خافوا الله
مين قالكم والا افتاكم انو اللي تبغى تتزوج واحد لازم تكلمه وتفهمه؟ في شرع مين ؟
اختي مصيبة اذا انك فعلا توصفي نفسك بالعاقله والفاهمه وانتي بتعاكسي شاب > والا حتى شايب
ايش فرقتي عن بنت 18 سنه ( وإن كان الواحد ممكن يقول مراهقة مو بيدها ) لو نسألها ليه تكلمي شباب حتقول حبيته وحبني وحنتزوج !!!
لاتقولي موقع عفاف ولا غيره
العبرة مو باسم الموقع ولا بالقائمين عليه
العبرة بالشباب والبنات اللي داخلين!!!!!!!!!
والا واحد كلمتيه 5 شهور وحبيتيه وتقولي اعرف حدودي !!
اي حدود ؟ انتو خليتو فيها حدود ماانتو تكلمتوا عن الزواج ايش باقي اكثر من كذا تتكلموا فيه ؟
عيب والله عيب

واتمنى من الاخوات لما يردوا يراعوا ان اللي يناسب مجتمعاتهم وعادي عندهم انوما يناسبنا لا شرعا ولا عرفا ولا عادة !!
انا نصحتك من التمادي في هذا الاثم > الا هل بلغت اللهم اشهد

 

[أم رزونه]

الشمالي الشرقي كذا بس اللي تعيش معه ترتاح إذا فهمت أطباعه وطريقته في التعبير من حبه لها ... اساساً المسلسلات كلها حرااااااااااااااااااااااام و خصوصاً المسلسلات التركية أدري أن كثير طايحين فيها بس هذا ما يغير من الموضوع شي خاصة المسلسل غذا كان يعرض نساء أو موسيقى فهو حراااااااااااام ....

والشمالي الشرقي يحب يكون هو البطل اللي ما تسون شي إلا بأذنه وهو اللي يسويه لك بعد ... مثل السفر لحالك ما يحبه لانه شديد الغيرة ... والعباية فيه اشكال كثيرة من عبايات الراس ممكن تختاري شكل مقبول وساتر في نفس الوقت ...

اما كلمته انه ما يحب الحرمه اللي تطلع من البيت لو كاتب لك ربي معه نصيب بتلقينها مجرد كلمه وعادي بيطلعك بس مو كثير لانه رجل يحب البقاء في بيته ولا يحب أن يجلس لوحده لانه يشعر بالوحدة لو جلس لوحده في البيت ... بعدين انا زوجه شاملي شرقي اعيش وكاني ملكه معه كل اللي ابيه يجيبه ويراعيني مره ...

بس لا تنسي انه متزوج واحتمال كبير متضايقة من موضوع زواجه عليها ... أنتي قرري اما تعطينه رقم ابوك ويكلمه ويتم الموضوع او أطلبي منه انه ينساك وانسيه أنتي بعد ... اهم شي الموضوع ما يطول اكثر من كذا ... اطلبي منه فرصة أسبوع أو أسبوعين بدون أي إتصالات بينكم علشان تاخذين قرار ما تندمين عليه في المستقبل


ممكن أسفسار ...
انتي تقولي استختري ومرتاحه ... استخرتي في قطع علاقتك فيه ولا في أنك تعطينه رقم أبوك ؟؟​