الشك والتفكير بيدمرني وبيدمر حياااتي الزوجيه....

[latoofa20]

مرحبا خواااتي ..

شحالكن ..!!

احس باني ضايعه ... وما عندي حد اشتكيله ... وحتى ولو عندي .. استحي اقول مشكلتي لحد .. اخاف يتشمتون فيني ..

كنت اثق بريلي ثقه عميااااا .... مغمضه عيوووني ...

كنت اساله وين يروح ووين يرد ... ومتى بيرد ... طبعا كان عادي عندي يسهر لوقت متاخر ...

اصلا هو كان يتصل ويقولي عادي اتاخر ؟؟ وانا كنت اقوله عااادي ... عاطيتنك لقرين لايت ...

لني كنت اعرف بانه عند ربعه ..


يت فتره زادت بينا المشاكل ... كنت اقوله كلام حلووو .. وهدايا وغيره ... لكن هو ما يتجاوب وياي الا ف نفس الساعه .. ومن بعدها ينسى كل شي ... يوم كنت اقوله مشتاقه اسمع كلام حلو منك .. يقولي ما اقدر انتي اتسويلي مشاكل ... حتى ولو كنا متخطيين هالمشكله ومر عليها فتره طويله .. ما ينسى



ف نص رمضان اكتشفت ان عنده حساب فالفيس بوك .. وكان مسوي لي آد ك صديق ... من هالشي كشفته ..

دخلت وحصلت ان وايد عنده مدونات وصور له .. ولبنتنااا ...

وحصلته يكلم وحده من الجنسيات العربيه على العام ... وكاتب لها انتي عزيزه وغاليه ...

اتصلت وانا ابكي ... وخبرته شو مزعلني ... ووعدني انه ما راح يدخله ... وانا خذت ع وعده .. ولما طلبت منه الباس ... رفض وقال انا خلاص ما بدشه...

لكن للاسف بعدها باسبوعين اكتشفت انه مش قد الوعد اللي عطاني اياه ..

ودخلت حسابه ... من خلال رقم فونه ...

وشفت الرسايل الخاصه وتفاجات انه يكلم بنات .. وكاتب لهن كلام حلووو ... انا كنت اتمنى اني اسمعه منه...

وهن يعرفن ان هو متزوج ...

صدمني ... وغير ان كاتب لوحده ( انا قبل لا اتزوج زوجتي كنت احب اختها وكنت اريد اتزوجها .. لكن للاسف هي تزوجت وانا بعدني فالتدريب)

هاي حطمتني وخلتني انهااار ... وانتظرته لين ما صحى من نومه وواجهته وقعدت اصيح وكنت منهاااره ..

هو انصدم .. ومن الصدمه ما قدر يوقف ... وراح الحمام عزكم الله وتاخر .. بعدها رجع الغرفه وحاول انه يضمني .. لكن انا صديته ...

وما كان ينظر لعيني من خجله الشديد باللي سواه ...

بعدها قعد يراضيني ويقولي اخر مره ومن هالكلام .. وكان طيش وانا كنت احاول اجذب هالبنت فيني .. لا اكثر ولا اقل ..

وقالي كنت ادور حنان وكلام حلو وحب ... قلتله وانا ..؟؟؟ ما كنت ادور هالشي فيك ؟؟ قالي انتي ما تقوليلي ...

قلتله فونك يشهد والرسايل اللي كنت ادزها لك تشهد بكل كلمه حلوه كنت اقولها لك ... سكت .. وقالي علاقتي بس كانت فالنت ... ما تتعدى ... ومستحيل اسويهااا

المهم عدى الموضوع ... والنااار تحرق قلبي...

بعدها باسبوع دخلت المسن من فونه
وحصلته كاتب لوحده اريد اشوفج ولازم ومن هالكلام ... وليش قسيتي ع قلبي؟؟

وهالبنت كان يعرفها من زمان لكنه قطع علاقته فيهااا ... من بعد الزواج قطع علاقته ...

لكن تفاجات انه رجع يكلمهااا ... وهب وحده كان يكلم اكثر عن وحده ...

خلااااااااااااااااااااااااااص طاااح من عيني ... صرت ما اثق فيه ... واحس باني ما اقدر اكمل وياااه ... الشك يحرقني ... انا متعذبه ..


المشكله ان ريلي هب دووووم جدام عيوووني ... عادي يمر 10 ايام ما اشوفه بحكم عمله ...

 

[latoofa20]

وبخصوص المسن ريلي انكر علاقته بالمسن ... وانا هو ما يعرف شي ... مع انه محد يمسك فونه ... او يدش حسابه ....
واول ما راويته عصب ومسحه وقالي ما اعرف شي عنه

 

[latoofa20]

معقوله ولا رد؟؟؟

 

[درب عسير]

السلام عليكم. ..
اقتربي منه وحاولي أن تحاوريه بدون انفعال ، بعدها كوني زوجة حقيقة وانسي ما حصل!
إن لم تقدري فاستخيري واكثري الاستغفار ، وانظري إن كان الطلاق حل أو هروب من المشكلة ، دائما نفتش ونتورط والعناد من الرجل يزيد ، حفظك الله

 

[wa7da co0ol]

يالغالية مااحد دحين ماعنده حساب في الفيس ومااحد مايكلم بنات ومستحيل بتقعدي تراقبيه طول الوقت وعلى كل وحدة بتقولي ليه بييوعدك ويرجع انتي استودعيه الله وادعي اللهم سخر لي زوجي واجعله لايرى احدا من النساء غيري وابعد عنه بنات الحرام والحلال عشان لايتزوج

افتحي حساب في الفيس زيه لكن لاتضيفيه وقوليله الفيس مرة حلو سويلك عالم خاص عشان يحاول يعرف انتي مين ضايفة واش تعملي

قويلول ببساطة انت اذا لقيتني اكلم شباب ماتصبر علي زي ماانا اصبر بتطلقني على طول هذا اذا مابهدلتني قبلها حط نفسك محلي وكيف ردة شعوري انا لما اشوف الاشياء دي

لكن اذا ماخفت من الله بتخاف مني انا اذا ناقصك شي او انا قصرت في شي تعال قولي ونتفاهم لكن انت اخذت حلول تانية وانا اذا واجهني شي او نقص بتخليني اختار حلول تانية انت بيدك الموضوع وانت اختار

واتركيه ولاعاد تكلميه ولاتعاتبيه وادعيله

الله يسخر زوجك لك

 

[رازيا]

مع وحده كووووول

 

[احلى سمايل]

الله يعينك
الرجال والله يخوفون صرت من كثر ما أقرأ أخاف من زوجي وعليه وصار الشيطان يوسوس لي وصرت أفتش وراه
صدق الرجال أشغلونا الله لا يشغلنا إلا بطاعته

 

[كاتمة الاحساس]

الله يصبرك يالغالية .....
على فكرةمب بس أنت الي أتمريم بتجربة صعبة مثل هاذي أنا بعد نفس الشيئ وأكثر بعد بس طاااااااااااااف وما يهمني المهم أكون مع عيالي وبس لان يا حبيبتي خذيها قاعدة الريال لو شو أتسوين لها ما يترس عينها الريال يبي أم لعيالة وتربيهم أحسن التربية ويمنع عليها كل شيئ والثانية اتكوم عشيقها وعالوصف الي يبية اتكون فريييييييي لوبيصرف عليها عااادي عنده اما المسكينةالي يالسة فالبيت ما يصرف عليها وإذا عطاها بيذلها ذل
لا تركضين وراء ريلج خليه على رااااحته وانتي عيشي حياتج بطالعات وعزاااايم
وكوني دايما مستانسة لو أتنعكر مزاجج
صدقيني بموت قهر وبيستغرب منج ليش مطنشتنه
اللهم سخر لنا أزواجنا وأبعد عنهم بنات الحرااااااااام

 

[كاتمة الاحساس]

:37:أسمحووووووولي في أخطاء في الكتابة عسب ميتةمن الجوع وقاعدة أكل السباجتي ههههههه

 

[دانة سبيع]

شوفي حبيبتي انا حاسه فيك وعارفه شكثر انصدمتي فيه اتوقع انك حسيتي انك مع شخص يشخصيتين وحده معك والثانيه من وراك وطالما انها من وراك خليها تكون في الخفا وانتي توكلي على ربك وادعي تذكري انك انخلقتي عشان تعملين لأخرتك مو علشان تلحقين وراه وتفتشين وتأكدي كل مافتحتي ملفه او محادثات راح تتعبين طيب طالما انك صارحتيه وانكر وحاول يراضيك هذا دليل ع حبه والله لو واحد ثاني كان عصب عليك وقال هذا شي ما يخصك تبين ولا بيت اهلك وما اظنك تبين تخسرينه طولت عليك بس خلاصة الكلام لا تدورين وراه وادعي بهالدعا((اللهم اني استودعتك قلبي فلاتجعل فيه احد غيرك)) واذا كنتي محلفته ما عاد يخون وخان قولي له انا حلفتك ومستحيل تخون ابني داخله الوفا بطريقة الايحاء وان شاء الله تنفع معه والله يوفقك

 

[فاقدة أختها]

انــــا مع كاتمة الاحساس ..