الشك ذبحححَني :(

[ليليان :$]

السلام عليكم ..


بدخل في صلب الموضوع على طول ..

انا قبل كنت مخطوبه لقريب مني وكانت بيننا مكالمات هاتفيه وبعلم الاهل

واكتشفت انه يخونني مع قريبتي وكان يحلف لي انه ما يخون الين ما تأكدت بنفسي وانكسرت ونفسي عافته ، عموماً القصه تفاصيلها مؤلمه وانا قفلت عليها ولا صار لي نفس اتكلم فيهاا ,, مو هنا المشكله

انا من النوع الي كان يحسن الضن ، اخلق عذر للي يغلط او شيء من هذا القبيل .. لكن هذا كان قبل لا اتعرض لصدمة الخيانه ..

من بعدها صرت شكاكه واقدم سوء الضن .. حتى بـ اهلي وصديقاتي اشك

واقول بداخلي مافي احد صادق ..
صرت اخاف ينلعب علي مره ثانيه واصدق , وثم انصدم

والله الخيانه توووجع

المهم / انا الحين تقدم لي واحد واحس ربي عوضني فيه الكل يمدحه وسمعته طيبه بين الناس والحمدلله .
وهوا مضاف عندي على " البلاك بيري " وبيننا تعارف

يَ بنات .. اشك فيه بشكل مو طبيعي / على اتفه شيء يجي ببالي مليون شيء وشيء
حتى يوم يقول لي كلام حلو .. اجلس اوسوس وقول شكله يعرف بنات غيري
واليوم يطلبني اكلمه مكالمه وحده , وصور لي رقمه مكتوب بـ ورقه ورسله على البلاك بيري , سألته ليش كاتبه بـ ورقه !!؟
قال : وربي ماني حافظه وعشان العمال ومدري ايش . ضاق صدري وسوست مررررررره وشكيت انه من النوع الي يرقم , واحس الصيحه واقفه بحلقي من الضيقه , مدري هوا انا ظالمته معي لاني مريت بتجربه وانصدمت وانعكست على شخصيتي ونفسيتي هالصدمه . او لا شكوكي بـ مكانها ..


ملاحظه : ما كتبت هالموضوع عشان يجي احد يقول لي حراام تكلمينه , ومايجوز ..والخ
ويزيد همي هم .. انا سألت وتطرقت عن هالموضوع وعرفت انه مافي مشكله .. وطبعاً سمعت هالكلام من الدكتور البرفسور / طارق الحبيب + سليمان العوده , على اليوتيوب

الي ابغاه منكم : النصيحه من اهل الحكمه .. جزاكم الله خير

وشكراً لكم اخواتي ..​

 

[ليليان :$]

سبحان الله وبحمده ,

 

[بنوتة بلادي]

شوفي حبيبتي... ما راح اقول لا تكلمينه... انتي كبيره و فاهمه و عاقله... و ان شاء الله يكون كلامكم في حدود معرفة شخصية الإنسان اللي راح ترتبطين فيه... و اتمنى يكون هذا بمعرفة أهلج... و يكون في حدود للكلام يعني ما في حبيبي و فديتك و قلبي و عمري...

بالنسبة للشك... انا نفسج... من بعد ما تعرضت لموقف من وحده... و هالكلام من سنين صرت ما أثق في أحد... بس شو قمت أسوي... احاول ابعد وساس الشيطان عني... خاصة اني اكتشفت ان معظم شكوكي كانت مجرد ظنون خاطئه عن الناس.... و الله احيانا كان إذا أحد يقول عن شي... اقول لنفسي شو الكذب... أكيد هي تكذب... و بعدين يطلع الكلام صح...

نصيحه قولي لنفسك انا ما أشك...و لا تسمحين لنفسك تتبع شكوكك... يعني ممكن تقولين لنفسك... خليني أشيك موبايله... ليش حاط هذي الصوه في البي بي... شو يقصد بالكلام اللي كاتبه في التوبيك... كلما الشيطان يقول هالكلام... تعوذي من ابليس...

الله يوفقك

 

[سلفرادو]

لا تخربي على عمرك ترى الشك يطفش الرجال​

خليكي واثقه من نفسك ودايما قولي لنفسك انا مافي مثلي اثنين واذا خانك هو الخسران ​

لا تخلي اللي فات ياثر عليكي عودي نفسك انك ماتغاري ومع الوقت بيصير من طبايعك ماعليه بالاول مثلي وبتتعودين ​

ولاتمي تساليه وليه وليه والله بيمل منك وانتو بعدكم في بدايتكم​

 

[المــهــا]

الله يفرجها علي وعليك وعلى المسلمين ياحي ياقيوم

سبحان الله وبحمده سبحان الله العظيم​

 

[مستبشر]

ممكن أقول من أسباب وجود الشك التعارف عبر وسائل الاتصال الحديثة فليس غريباً أن الذي يكلمك يمكن يكلم غيرك لا أتهم أحد بعينه ولكن أقول ممكن ومعقول ومتوقع أن الذي كلمك يكلم غيرك .
فالذي يريد شخصاً في عالم البلاك أو غيره من دون علاقات قد يكون متوهماً
والنصيحة فاظفر بذات الدين تربت يداك وكذلك أنتي اظفري بذي الدين تربت يديكي

 

[سهم العشق]

اصابع يدك يا اختي مو زي بعض وان شاء الله ما في حاجه 00 والله يريح بالك 00 ​

 

[ليتني افهمك]

ادري بالي تمرين به صعب وبعض الوقت ماتقدرين تتحكمين بنفسك غصب يقعد يوسوس الشيطان

مريت بالي مريتيه وحاسه بك يالله كنت اعيشش صراع نفسي صعبب حيل كنت اشك بكل تصرف يسويه
يعني مثال بسيط ادا دخل الفيس بوك اقعد افتش بقاءمه الاصدقاء عنده افتح الصوره عنده واشوف الردود
يمكن ترد بنت هههه تفكيري سطحي وغبي حتى لا جا يغير صورته بالمسنجر اقوله ايي شكله وحده
عندك مضيفها طلبتك تغير صورتك اما انا يوم كنت خاطبني ولا فكرت مره تغير الصوره عشاني ههههه
يااااليل وباقيي مواقف كثيره احس جبت له الصمرقع بس الحمدلله الله هداني فكرت بالي سويته
وماكان في فايده لي ابد الي قاعده امارسه بحق زوجي
قاعده اقول لنفسي انا استخرت ربي وارتحت له وملكنا على بعض ليش اخرب على نفسي هدي مجرد وساوس لن نفيدني بشي .. وسبق ان قالي مره لو ان راعي سوالف ماراح اتزوجك بالعكس ليش اربط نفسي فيكي لو انا مثل ماتقولين كان كملت حياتي عزابي كل يوم مع وحده واسوي الي ابي .. بس تزوجتك لان ابي اتزوج واعفف نفسي ..

الحمدلله اول مره اكمل شهرين ماتعبثت بجواله .. كل ماتجيني فكره بطاله اغير المكان الي انا فيه واشغل نفسي باي شي
الله يسخر لكم الخير اينما كنتم اجمعين

 

[ليليان :$]

اللـه يسعدكم ..

وربي ما تتصورون قد ايش صايره شكاكه

قرررفت من نفسي خلاااص . وربي على اتفه شيء اشك ويضيق صدري

احس انـه حس اني انا من النوع الشكـاك كل ما اسأله ..
مرات يرسل مسج للكل ويكتب فيه تحت " اهداااء خاااص " آجيه و اقولـه ، لمين هـ الاهداء !
يقول لك يعني لمين
بحآول ابعد الشك والوساوس الي براسي بس وربي وربي خايفه اني ابعدها واحسن النيه وانخان مره ثانيه , من جد بعدها راح اتدمر وما اعرف ايش راح يصير فيني كمآن ​

 

[توكلت ع الله]

الا بذكر الله تطمئن القلوب الحاي لرب العالمين ​

 

[ذابحني عناده]

سوال
انتي كنتي متزوجه والا مخطوبه ؟
كم لك مطلقه ؟

لاني اعرف هذا الاحساس واعرف قد ايش تجلسي توسوسي مره شي صعب

انتظر اجابتك

 

[ليليان :$]

اهلين ، ذابحني عناده ، منوره صفحتي

لا انا كنت مخطوبـه لي سنتين من ولد خالي وفسخت خطوبتي في عيد الفطر الي فات ,
والحين تقريباً لي 3 شهور مخطوبـه لـ هذا الي معذبته معي بـ شكي ​

 

[حياتي حزينه]

صلي صلاة الاستخاره ققبل لا توافقين مرة ومرتين

وابعدي عنك الشك لساتك في البدايه وماتعرفين عنه كثير

وشيلي من بالك قصتك مع خطيبك الاولي وانسيه بتاتا

وبالتووووووووووووفيق اختي ​

 

[ليليان :$]

تسلمين عيوني ع المرور

 

[الراسيه11]

ما أدري كيف ابدا لكي الكلام رايي من راي اختي مستبشر انا وحدة ارفض بشدة الارتباط عن طريق الاتصال لان نهايتة الفشل صديقتي الروح بالروح ارتبطت بشخص عن طريق الهاتف و الفاحعة والصدمة الكبرى بعد الزواج كل اللي يقولة لها و يسوية يسوية مع جارتها شيء بلتوث شيء رسايل حب شيء تواعد
فياأختي الي تجرأعلى مراسلك سوف يتجرأ على غيرك و خاصة ان مجتمعنا غير معروف فية هذا النوع من التعارف و شبابنا يرفض بشدة يرتبط بوحدة كانت تراسلة لو غيرك يسأل هذا الرجل هل تحب ترتبط بوحدة كنت تراسلها يقول بكل بساطة لا الي تكون معي مكالمة او رسايل قبل الزواج اكيد تسويها مع غيري وحتى لو تم الزواج يقوم على الشك من الطرفين
فيا أختي نصيحة صادقة تركي عنك الرسايل اللي تبي تهدم حياتك انت تاسلي بنيه صافية و صادقة بس هؤلا ءذئاب يراسلوك لاهداف فيانفسهم بعدين هو رجل ماراح يلحق به اي اذى يأخذك اليوم ينكد حياتك و الكلمة هذي تبي تمر عليك في اي خلاف بينك و بينة مثل ما كنت تكلميني تكلمين غيري
وبعدين لو تتزوجين بشخص ثاني ما تعرفتي علية عن طريق الرسايل هذا الانسان اللي كنت تراسلية ماراح يتركك في حالك بينط في وجهك كل لحظة
فارجو انك تبتعدي عن هذة العادة و المراسلات اللي بدون فائدة لانها دمرت بيوت حريم على ذمة رياجيلهن وشلون انت لسى توك في بداية الطريق يعني الفكرة اللي تبي توخذ عنك تبي ترتبط بكي لاخر يوم في حياتك
نصيحتي لك بأختصار لاترتبطي بشخص عن طريق المراسلة لانة زواجك بهذة الطريقة بتكون بداية المشاكل
كرري هذا الدعاء سبع مرات ليزيح الله هذا الهم من صدرك
(حسبي الله لا اله الا هو عليه توكلت وهو رب العرش العظيم)

 

[تشكرات]

حبيبتي ليليان ...كان المفروض ما تتسرّعـــي بالخطوبـــه الجديده

( حتى تستوعبي الصدمـــه الأولى ) ...فالنفس البشريّه ( تعتبر

تركيــــبه الــــهـــيّه معقّده ) سبحــــان خالقها ...

فكان لازم أن تعطـــــي لنفسيّتك ..ولعقلك الباطني ( فرصـــه )

لترتــــاح..

عمومــــآ الله يوفقك ...أمّـــا الآن فعليكي ( الدعــــاء والالحاح فيه

وعشان ترتاحي أكثر وأكثر ...انتي عمومآ حطّــــي في بالك ( أن

كما أنّ في هذه الدنيـــا ناس سيئين ..أيضآ فيهـــا ناس طيّبين

ومحترمـــين ...يعني الدنيا ما تخلو من الصالحين ...وأدعي الله أن

( يكــــــــــــون خطيبك ...وجميع من تتعاملين معهم من الصالحين )

وربنا يوفقك حبيبتي ...

 

[ينت الكويت]

اختى الغالية

الشك بداية علاقة فاشلة للزواج من اول شي تشكين بكل كلمة يقولها لك

انا من راي استخري واذا ارتحتى بالاستخارة توكلى على الله

ولن يصيبنا الا ما كتب الله لنا​

 

[ماسة الجمال]

والله انتي اللي جيبته لنفسك ولا من الاساس مافي علاقه بين رجال او وامراه
لاعلى اساس تعارف ولا غيره الى عن طريق واحد هو الزواج هذا الرباط الوحيد بين الرجل والمراه هذا شي واضح لاتقولي الدكتور العلاني قال كذا والفلاني قال كذا كلام الله واضح بكتابه الكريم واللي له الحق يشك هو بنت تكلم رجال غريب عنها اش تتوقعين يضن فيها
سكري باب التعارف اللي هابين فيه هالايام وربك بيوفقك ان شاء الله وبعدين اش دراك ان اللي يقوله كل صح لك بالجوال وبعدين تنصدمين فيه بعد الزواج وكلي امرك لله هو العالم بما ينفعنا

الله يصلح لكي امرك بالدنيا والاخره

 

[ناصرة المظلوم]

لاتعليق

 

[نقااء الثلج]

للرفع