الشرقي الرجل النظامي الحنون

[جنوبيه مزيونه]

مرحبا الساع

كيف حالكم
شو اخباركم؟
شو مسوين؟
اليوم حابه ارمس لكم رمسه حلوه عن الرجل الشرقي بحكم تجاربي صحيح انا جنوبيه ودايم مختلفين بس برضوا الشرقي شخص حلو بس نفهمه
في البدايه خواتي انا قريت كثير ولقيت اشياء كثير بس هم بعد احب اضيف لكم

الرجل الجنوبي دره بس كيف نحافظ عليه
صدقوني الشرقي انسان روعه واذا عرفتي تتعاملين معه بيصير مثل الخاتم بصبعج<<خوش والله:blush-anim-cl:

زين بقولكم

الشرقي انسان نظامي حيل يموت في النظام يموت في الترتيب ويعشق المرأه العامله وصدقوني احلى لحظه لما يحصل شي جدام عيونه بدون مايطلبه يعني تكونين انتي مسويتنه قبل يامرج فيه
يحب الاهتمام فيه
سمعوني الشرقي انسان مو اجتماعي وعشان جي لازم تتأقلمين مع هالوضع بس والله حنون واااااااااايد وحبوب واذا حب يخلص بس يحتاج منج تبادلينه الحب واحلى لحظة في حياته يوم ترمسين له انج مبسوطه ومرتاحه معاه
يموت في اللسان الحلو انتي شو بيضرج لما ترمسين له كلمات حلوه صدقيني بأسلوبج الحلو ينفذ لج اللي بخاطرج بدون تردد
يموت في الكلام الحلو يعشق الرومانسيه والشموع يتمنى لو بيته كله شموع
انسان رومانسي وبعد حنون حيييييييل وجريئ اثناء العلاقه الحميمه
يحب يستمتع بكل شي مو انتي ملكه زوجته وحلاله يبي يستمتع معاج وينبسط بكل شي
انتي بس خلي لسانج عسل وصدقيني بيمشي معاج تمام
بس اذا عصب منج بشي او صار بينكم هوشه ولا مشكله ينقلب 180 درجه يتغير وفيه شوية حقد وينجرح بسرعه ومو بسهوله ينسى
الرجل الشرقي يموت في المرأه اللي في بيتها اللي قايمه فيه وبعياله وحبوبه مبتسمه كلامها حلو لبسها حلو ريحتها حلوه
يحب تتنوعين في الملابس
يحب التجديد في غرفة النوم
انسان يحتاج اللي تفهمه وتعرف كيف تتعامل معاه
غيووووووووووور حيل مايحب حد يشوف زوجته لانها ملكه وحده
يبا كل شي له
انسان بيتوتي يحب البيت يحب يكون يم زوجته وعياله يطلع معاهم يروح معاهم يسافر معاهم حياته اكثرها لبيته كريم حيل ومايبا ينقص احد من بيته شي
عاداته وتقاليده مايتخلى عنها شو ماأستوى لانه شرقي اصيل
يندم ويضيج صدره لي زعل احد منه يتأسف ويعتذر
بس برضوا يبا زوجه تعتذر وتعترف بالغلط لي غلطت
يعشق كلمة ابشر من عيوني وعذابه انه لي امرج بشي سألتي ليش شو السبب يباج تقولين ان شاءالله وترضين برمسته شو ماصارت صدقيني اذا مارضيتي وظليتي تناقشين بيزعل وبتستوي مشكله بس لي رضيتي وقلتي من عيوني بيزيد غلاج وبيسوي لج شي يسعدج وانتي ماراح يضرج شي
ع العموم هاي اشياء بسيطه ولي عوده بدقه اكثر لي لقيت تفاعل برد لكم:icon31:

 

[بحر العفة]

واااااااااااااااع النجدة انا والشرقي بزحمة هههههههههههههههه

حبيبتي كونك جنوبية تقدري تتأقلمي مع الشرقي
بس انا غربية
حياتي دائما في تغيير كل شوي جديد
العادات بصوب وانا بصوب ماعندي عادات
فوضوية نوعا ما
الانظمة يالهوي منها اقعد الف حواليها لين تجي فرصة واكسرها
اممممممممممم وش كمان
ايوا حقت مغامرات وهذي تذبح الشرقي

عاد الشرقي عكس كل اللي كتبته
الشرقي صديقي ممكن لكن اعيش معه بتصير مضاربات انفجارات واحد دماغه طار والثاني مع اسرع دراجة تلاقيه شارد والشارد هنا طبعا الغربي هههههههههههه امزح مو لهادرجة
بس مو سهل اتعايش مع شرقي

 

[جنوبيه مزيونه]

الله يكون بعونج بس الحينا انا ابتديت اتأقلم معاه
ربي يوفقج ويسعدج

 

[مشاااارق]

عزيزتي

يوجد تجمع خاص للأزواج ذو النمط الشرقي .... يمكنكِ المشاركة فيه وهذا هو الرابط

~~~ الـــشـرقـــي رجـــــــل الأصــــالـــــــة ~~~ (

​