الزوج الشمالي الشرقي الخائن....كيف أتعامل معه؟؟

[حب وغرام]

اكتشفت أنه على علاقات هاتفية مع أكثر من وحده ولقيت المسجات

لكن ما واجهته وهذا من أكثر من 3 أشهر تقريبا وخلالها غيرت من نفسي وتعاملي وياه

أنا جنوبية وقريت وااااايد عن شخصيته وطبقت كل الطرق إلى عرفتها والحمد لله النتائج واضحه

بدأ ينجذب لي....لكنه مستمر في علاقاته وموبايله ما يسكت من المسجات طول الليل....

أنا بديت أضعف صراحه وتعبت...وصلت لمرحله ما أعرف كيف أتعامل وياه...

أبغي نصايح واضحة لطريقة التعامل مع الشمالي الشرقي الخائن...لأنه كل الي قريته عن الزوج الشمالي الشرقي في الحالات الطبيعية يعني من دون خيانة...​

 

[الواثقة2010]

ماقصرتي وبعد يخون !!


الله يعين .. ان شالله الاخوات يفيدونج

اقري اكثر في مواضيع الخيانة والشمالي وعسى ربي يوفقكم ويهديه

 

[عصفورة الساحات]

ياريت حد يفيدنا فى الموضوع ده

 

[ماعدت أنا]

الله يهديه ويسخره لك ويبعده عن الحرام , اكثري من الدعاء له بالهدايه , وانا افضل عدم المواجهه لانه لو واجهتيه بتسهلي عليه المهمه وراح ياخذ راحته
ياريت الللي عندهم خبره يفيدوكي والله يفرج همك

 

[زهراتي الثلاث]

هلا باختي,انا بعد زوجي نفس زوجك وهو دايما يقول ان المرأة اللي تكشف زوجها يخونها لو تروح بيت اهلها والله ما الومها,تروح وتخليه يراجع نفسه لكن انتي اعطيه الثقة وحسسيه بكذا وفي نفس الوقت فتحي عيونك وذكريه بربه وان عنده زوجة واهل واللي يدق باب الناس بيدقوا بابه,والجاي لله بالدعاااء دائما,,,,,,,,والله ماحد يضمنهم هذولا الرجال مهما سويتي

 

[رومانتيك]

الله يعينك ويصبرك هو اللي يصبرنا على الشمالي وفائه وعدم قدرته على الخيانه عاد يكون شمالي صعب المراس وخائن بعد حياه مريره

 

[احساس مؤمنه]

الله يكون بالعون مع هالشماليين وان شاء الله يفيدونك اهل الخبره

 

[عذاريب]

الله يعيييينج حبيبتيييييييييييييييييييييييييييييييييي والحال من بعضه ما اعرف شو اقولج غير الله يهديلنا ازواجنا انشالله ويبعد عنهم بناااااااااااااااااااات ورفقاء السوووووووووووووووء ياااارب

 

[لاتعذر باحتياجك]

حسبي الله عليهم بنات الحرام


الله يسخره لكي حبيبني


وانشاءالله نلقى جواب

 

[سمو الأميرة]

اللي أعرفه أن الشمالي نادراً ما يخون ..
لكن شكلج طورتي من نفسج للأفضل .. و هذي أول و أهم خطوة ..

و طالما أنج جنوبية .. حاولي تكتسبين بعض الصفات من النمط الشمالي .. مثل قوة الشخصية و الاستقلالية ..
و السعي وراء النجاح ..
انسيه لفترة من الوقت و فكري في نفسج .. كيف تصيرين شخصية ناجحة و قوية .. عشانج انتي مش عشانه هو ..
و يوم بتخلين نفسج انتي الأولوية .. و بتلاقين أنه هو انتبه على التغير اللي صار معاج و رجع يهتم فيج .. واجهيه بكل قوة .. و قوليله انته ما تخاف على سمعتك تتشوه عند الناس .. الله بيكشفك عاجلاً أم آجلاً .. و أنا ما أريد أكون مرتبطة فيك و تتشوه سمعتي معاك ..
و شوفي كيف بينصدم من هالكلام ..

 

[اسيرة جنون زوجي]

انا ابي حل نفس الشي زوجي شرقي وخائن كيف اسجل مع د.ناعمه في الدوره ​

 

[ريما المدينه]

سجلي مع ربك أحسن لك من ناعمه هو ربك ورب زوجك ورب ناعمه أستغفري وصلي في أخر الليل ودعي له أن الله يهديه


صدقيني راح ترتاحين وألحي على الله في الدعاء راح ترتاحين نفسيا

كوني مع الله يكن معك أعذريني قسيت عليك في الكلام بس كلو عشان مصلحتك

الله معك يا اسيرة جنون زوجي

 

[نور14موون]

الشمالي اذا خان مستحيل يعترف او يعتذر واذا صراحته بيهجم عليك ويطلع لك مليون سبب وعذر له
من وجهة نظري افضل طر يقه انك تتركيه وتشتغلي علي نفسك وخليه يشوف انك جذابه ومميزة وان الكثير يمدح فيك (لانه يحب الشمالي ان تكون زوجته مميزه ومحط انضار الاخرين )
لا تصارحيه بالخيانه ابدا وجمعي الادله بس لاتواجهينه فيها الا في الوقت المناسب
افضل طريقه توصليليه النصيحه عن طريق القصص والسوالف من دون توجيه التهمه له مثلا قوليله (اعوذ بالله زوج صديقتي طلع تبع خرابيط وبنات الله يحفظنا من هالزمن الصعب )(افف طاح من عيني زوج صديقتي بس سمع ابوي بالسالفه صديقتي عصب وده يادبه ليش قهر قلبها وجرحهها من فعايله )
وهكذا .............
ولا تنسي الدعاء والصدقه وصلاة الليل لها مفعول السحر علي نفسيتك وبيتك
والله يحفضك من كل شر

 

[نجمة الياه]

الله يصبرك ويكون بعونك حاسه فيك حبيبتي
لانه شي يكسر قلب الحرمه ويحسسها بالنقص حتى لو تسوي كل شي له
ما اقول غير
حسبي الله لا اله الا هو عليه توكلت وهو رب العرش العظيم
اقرري هذا الدعاء سبع مرات وان شاءالله يكفيك ما اهمك

 

[ظلم شين]

ﻻتضعفين استمري مافي يوم وليله يتركهم استمري واصبري

 

[*عاشقة الجنة*]

خذي شريحة ثانية وغازلية شوفي وش يبي من هالعلاقات
عليك بالجنس وكثرة الدعاء الله يفرج كربتك