lulucaty
New member
- إنضم
- 9 يونيو 2007
- المشاركات
- 943
قصيده رائعه وخفيفة دم بصراحه اتمنى تعجبكم للشاعر (ابوخالد)
عندي حرمة بهذلتني كـل يـوم تقـول قـوم قوم طالع في المراية عـد شيبـك صـار كـم
بهذلتنـي قـوم قـوم كـل ليلـة وكـل يـوم بهذلتني عد شيبك صـرت جـد وصـرت عـم
قلت عقبـي ياعجـوزة ماعليـك اليـوم لـوم العقـل معـاد يفهـم والجـسـم مافـيـه دم
لعنبوك الشيب نعمة صرت أصلي وصرت أصوم لعنبوك الشيب آية الشيـب يعنـي العقـل تـم
قالـت انكـر يالعويـد مـثـل عـادتـك دوم كانه نعمـة ليـه تصبـغ بالسـواد وبالكتـم
قلت نصبـغ عشـان حنـا مـن روس قـوم فينـا نخـوة وشجاعـة فينـا صـدق وكـرم
مانبـي القـوم تحقرنـا وحنـا قـوم قـروم جاهزيـن للمنـادي إن صـاح قلـنـا نـعـم
قالت أشك فـي علـوم وأصدقـك فـي علـوم أشك تبغالـك عـروس أشـك بيـت بينهـدم
قلت ياخبلة إن بغينـا ماترانـا مـن الرخـوم إن بغينـا مـا فكرنـا ولا لهـا بنشيـل هـم
بس عقبي في مكانك قبـل توصـل للخشـوم ثم تشوفي علم ثانـي بعـده مـا ينفـع نـدم
قالت الله اللي حسيبك ماني لك مـن الخصـوم ولا بعدهـا بتكلـم ولا بعدهـا أقــول بــم
قلت الله الله يالحريم بعضكـن مثـل السمـوم إن سلمت من سم الأولـى الثانيـة سـم أطـم
وبعضكن مثل البحر تبغى مـن يعـرف يعـوم وبعضكـن أعمـاق بيـر شرهـا يجـم جـم
وبعضكن مثل القمر وبعضكـن مثـل النجـوم وبعضكن ماكنهـا الا عنزمـن وسـط الغنـم
بس أنا ما عندي نية أزيد مـن همـي همـوم حتى وإن قالوا دسم السم فـي وسـط الدسـم
والختـم صلـوا علـى طـه نبـي العـمـوم واذكـروا اللـي خلقنـا كلنـا مــن عــدم
منقوووووووووووووووول