الزواج من شخص يدخن ؟

[كلي احزان]

السلام عليكم بنات

ما رايكم بالزواج من شخص يدخن ؟؟

يعني هل هذا سبب قوي يستحق انج ترفضينه ، واذا قال انه بيترك السجاير هل توافقين او تنتظرين لحد مايترك وبعدها ترتبطين فيه

ارجوو التفاعل

 

[S.smsm]

ياعسل...

أهم شيء أنت .. وتقبلك للموضوع هذا
يعني إذا عادي التدخين وماتحسي إنك راح تتضايقي..فوافقي

أما إذا تكرهينه وماتحبي يكون في شريك حياتك ذي الصفه فريحي نفسك من عوار الرأس والقلق

وبصراحه انا سألت شيخ قالي إذاكان يصلي خلاص أهم شيء صلاته..

أما عن إنه بيتركه..
إذا تركه علشان سبب اول ماراح ينتهي السبب راح يرجعله..

ولو بغى بيتركه من دون مساعدت احد..

الله يوفقك.

 

[سووويتي]

ياعسوله الدخان مو سبب كافي لترفضين الارتباط في العريس يمكن فيه مواصفات مره حلوه بس يدخن بعدين اكثرهم يبطلون الدخان بعد الزواج

 

[El-NoOon]

والله الصراحه انا قبل كنت اقوول مابي وومابي
بس يوم ياني الخطيب وحبيته مايهمني احين اذا يدخن ولا لا
اهم شي صلاته واخلاقه ويحبني واحبه ههه


^_^

 

[زهره الروز]

يعني هل هذا سبب قوي يستحق انج ترفضينه

ايه وعن تجربه
،

واذا قال انه بيترك السجاير هل توافقين

لالالالالالالالالالالالالالا

او تنتظرين لحد مايترك وبعدها ترتبطين فيه

ايه يكون اضمن
ولك الخيار

 

[كلي احزان]

ياعسل...

أهم شيء أنت .. وتقبلك للموضوع هذا
يعني إذا عادي التدخين وماتحسي إنك راح تتضايقي..فوافقي

أما إذا تكرهينه وماتحبي يكون في شريك حياتك ذي الصفه فريحي نفسك من عوار الرأس والقلق

وبصراحه انا سألت شيخ قالي إذاكان يصلي خلاص أهم شيء صلاته..

أما عن إنه بيتركه..
إذا تركه علشان سبب اول ماراح ينتهي السبب راح يرجعله..

ولو بغى بيتركه من دون مساعدت احد..

الله يوفقك.

انا اكره التدخين وشكل الرجل وهو يدخن والريحه طبعا

الله كريم ومشكوره عالمشاركه اختي

 

[كلي احزان]

ياعسوله الدخان مو سبب كافي لترفضين الارتباط في العريس يمكن فيه مواصفات مره حلوه بس يدخن بعدين اكثرهم يبطلون الدخان بعد الزواج

احسه بدون شخصيه اذا يدخن ومايعرف يحل مشاكله ويلجأ للتدخين

بس ايش اللي يظمن انه يترك بعد الزواج ؟؟

 

[كلي احزان]

والله الصراحه انا قبل كنت اقوول مابي وومابي
بس يوم ياني الخطيب وحبيته مايهمني احين اذا يدخن ولا لا
اهم شي صلاته واخلاقه ويحبني واحبه ههه


^_^

شلون بتحبينه وانتي ماتعرفينه وقالولج انه يدخن

اكيد اهم شي الاخلاق والصلاه بس هذا بعد شي اساسي عندي

 

[كلي احزان]

ايه وعن تجربه
،
لالالالالالالالالالالالالالا

ايه يكون اضمن
ولك الخيار

ردج هو اقرب شي لي

بس وشلون تظمنين انه ترك يعني يمكن يكذب على اهله عشان يرتبط فيج ؟؟

 

[كلي احزان]

مشكورين ع المرور

 

[نونو لزيز]

انا خطيبي يدخن ..وماني عارفه اش اسوي معاه؟؟؟شكلي بتعب)::

 

[كلبوزه هانم]

حبيبتى اسالى مجرب الدخان مرض

انت فهميه وانت على البر انه يبطلها قبل الزواج لانك لاتطيقين ريحتها

وسعتها حتشوفى غلاوتك وتفتكى قبل الزواج من الدخان لانه لو بعدك انه يبطلها بعد الزواج ة

لاتحلمى بينفذ ابدا

 

[**ورد الجوري**]

هذا يعتمد على تفضيلاتك أنتي و تقييمك لعريس المستقبل

أنا من وجهة نظري فيه أشياء أهم من الدخان مثل الاخلاق وكيفية تعامله مع الناس
وصفاته بعد
أنا أعرف كثير رجال مدخنين وأخلاقهم مررة عسل مع زوجاتهم
يعني إذا جاك رجال محبوب واخلاق عالية وترفضينه عشان كذا صعبة لأن مو كل مرة راح يجيك رجال صاحب خلق ودين

بس أولا وأخيرا أنتي وشو الي ترتاحين منه

يعيني إذا كان يدخن بشكل ثقيل هذا الشي فيه نظر


الله يوفقك ويسهل أمرك ويتمم لك على خير يارب

 

[ام مشاري 1986]

اشوة ان زوجي مايدخن

 

[nla]

الامر هذا فيه وجهات نظر

انا وجهة نظري الدخان سبب قوي لرفض العريس ولكن ان وعد بتركه وكنت تضمنين ذلك فيمكن القبول ولك الاجر في ذلك لان الدخان حرام وفي تركه ومن ساعد على تركه اجر