الخَطا إن زَاد .. قَل الإحترام

[الاميره..]

يعني تحسِبني بنادي إن مِشيت
لا ورَبي ما أنادي لِك حرام​

إحترمتِك حِيل .. لكنِك خطيت
والخَطا إن زَاد .. قَل الإحترام​

جِيت أتفاهَم مَعَاك وما هقيت
إنَّ قلبك ما يرد حتَّى السلام​

هذا وإنتَ أمس جارحني نسيت
عالقليله خَل يمر عالجَرح عام​

حِس فيني قول لو مَرَّه شبغيت
آنا شاعر ليه ما صِرت الهيام​

عنِّي ياما في مشاويرك لهيت
وكِنت أتضايق وما فِيه إهتمام​

مِنِّك إنتَ حَق ولا باطِل خذيت
أصحَى مِن جَرحٍ على جَرحٍ أنام​

آنا أتْكَلَّم .. وإنتَ ما إستحيت
قِمت عَنِّي بادي دُروب الخصام​

يا حبيبي تونِي اللِّيله دريت
إنَّ قلبك يِجهَل آداب الكلام​

جِيت كِلِّي إحتِرام ولِك عَنيت
رحت عنِّي وما بقى فِيها إحترام​

​

:icon26: مما. رآآق . لي :icon26:​

 

[::لحن الغروب::]

روووووعة تسلم اناملك

 

[الاميره..]

الروووعه بطلتك حبيبتي
نورتي