الخدامه... وبنتي... وانااااااااااا..

[لازورديه]

السلام عليكم.. شحالكن خواتي .. بدخل في الموضوع بسرعه..

انا متزوجه وساكنه عند اهل زوجي في ملحق.. وانا اصلا من ديره ثانيه.. وتزوجت

وجيت هالديره.. يعني مالي حد هنا.. المهم... وزوجي عنده اخو متزوج.. وانا عندي شغاله

واخو زوجي وزوجته عندهم شغاله.. بس الشغالات ماينامون في بيوتنا.. لان بيوتنا صغيره

هم ينامون.. في غرفه الشغالات.. اللي تبع بيت اهل زوجي.. لانه عندهم غرفه لشغالتهم..

برا البيت.. والحين صار فيه 3 شغالات في البيت.. شغالتي وشغاله اخو زوجي.. وشغاله

بيت عمي.. المهم... امس عمتي (ام زوجي) دخلت على الشغالات في غرفتهم.. فجاءه.. ولقت شغالتي

وشغاله اخو زوجي.. في وضع غير لائق.. لقت شغالتي حاطه يدها تحت ملابس الشغاله

الثانيه.. وبنتي.. الكبيره.. اللي عمرها 3 سنوات و4 شهور.. كانت عندهم في الغرفه..

بس كانت واقفه عند الباب.. ويوم شافو عمتي.. سوو نفسهم عاادي.. اصلا الشغاله حقي

كانت عندي في البيت مع بنتي.. بس يوم راحت الشغاله.. الغرفه حق الشغالات .. بنتي راحت.. وراها..

المهم .. عمتي قالتلي.. وقالتلي انتبهي على بنتك.. وراقبي.. وانا اصلا منتبه على بناتي..

(عندي بنت اصغر عنها وعمرها سنه ونص) ومعلمتهم انه فيه اماكن حساسه.. المفروض

محد يلمسكم فيها.. ومن هالكلام.. بس مره قبل فتره بسيطه.. كنا قاعدين انا وبناتي..وبعدين

قعدت بنتي الكبيره تلعب وفجاءه دخلت يدها.. تحت ثيابي.. وانا استغربت .. واقولها عيب..

وهي تضحك.. والشغاله كانت موجوده وكانت تضحك.. المهم.. انا احس اني كرهت الشغاله..

ومو طايقه اشوفها.. وماادري شو اسوي .. ووزجي ماقلتله لين الحين.. ومتضايقه..

ولااريد الشغاله تمسك بناتي حتى قدامي.. وعمتي تقولي.. لاتخربين على نفسك.. ان سفرتي

الشغاله.. انتي بتتعبين.. وزوجك (اللي هو ابنها) ماراح يجيبلك شغاله.. لانه جاب هالشغاله

بطلعت الروح.. وتقول ان قلتيله.. بيعصب.. ومعد بيثق في اي شغاله وماراح يجيبلك شغاله ابدا

وتقول مااظن ان الشغاله سوت في بنتك شي..هي تطلع شهوتها مع الشغاله الثانيه..لان الشغاله

تخاف تسوي شي في بنتك.. ولاتخربين على نفسك.. وراقبي الشغاله وانتبهي على بناتك.. بس

انا خايفه مره.. ومو قادره انسى الموضوع اخاف بناتي يتعلمون .. لان احس انه الشغالات يسوون

هالحركاات قدام الاطفال الصغاار.. لانهم مايفهمون.. وبناتي يحبون الشغاله ومتعلقاات فيها

انا ماني موظفه.. يعني متواجده في البيت.. بس اخاف يوم اطلع مكان واخلي بناتي عند الشغاله..

اخاف تنادي الشغاله الثانيه ويسوون شي قدام البنات.. لاني انا مستبعده انها سوت

شي في بناتي.. ساعات اقول.. خلاص بسكت عن الموضوع وبجيب كاميرات في بيتي.. وبراقبها

لاني يوم اطلع المستشفى او السوق.. ماعندي احد يمسك بناتي.. واهل زوجي مو فاضيين..

وساعات اقول بمسك الشغاله وبهزئها.. وبقولها ياويلك ان سويتي هالحركات قدام البنات

بس عمتي تقول يمكن تحقد وتسوي شي للبنااات.. من وراك.. وساعات اقول بسفر الشغاله..

وماراح اجيب شغاله.. الا بعدين ان فكرت احمل مستقبلا.. بس بحاول اقنع زوجي يسويلها .. غرفه

بروحها مو مع احد وبحط فيها كاميرات وفي بيتي بعد..وفكرت ان سفرتها الحين.. وجبت وحده

وحطيتها في نفس الغرفه حق الشغالات..بيعلمونها هالحركاات.. والله محتاره.. انا مشكلتي يوم

اطلع ماعندي حد يمسكهم. لانهم الله يهديهن مزعجاات.. خصوصا الصغيره.. بس بعد

احس مايصير نسكت عن هالشغالات.. الي يسوون هالحركات .. لان هم يدرون انا احنا درينا..

والله متفاجئه من شغالتي.. مره طيبه وتحب بناتي.. ولا شفت عليها.. شي حتى يوم يمرضون بناتي

تحزن.. وتخاف عليهم.. بس والله ماني طايقه اشوفها كرهتها.. وزوجي مثل ماقلتلكم ماقلتله

اقوله.. بس على فكره انا كلمته قبل فتره في موضوع اني اركب كاميرات في بيتي مراقبه..

بس هو رفض.. وبقوه.. ماادري شو اسوي.. خايفه على بناتي.. من هالشغاله.. بنتي ماحبيت

اسالها كثير عن الموضوع مابيها.. تنتبه للموضوع.. او يعلق في بالها..ساعدوني

 

[النجمة الحالمه.]

الله يعينك يااختي مادري والله شقولك
المشكله ما نقدر نستغني عنهم مع انو مشاكلهم وبلاويهم احيانا تكون اكتر من فايدتهم
بس انا افضل انك تسوين غرفه وتكون وحدها والله انوا اللي يخرب الشغالات ويعلمهم ويفتح عقولهم الا اذا اجتمعو مع شغالات الله يعينك وييسر امورك....
تقبلي مروري

 

[أم فاطم]

الله يعينك عزيزتي
الباب اللي بجيك منه الريح سده واستريح
وشر الخادمات الله يكفينا شر الخادمات
انا من رايي اذا في مجال تستغني عن الشغالة استغني عنها لان في شي اهم وهو مصلحة البنات
صحيح ان شغل البيت متعب لكن راحة البال اهم
شوفي عمتك اذا بتقبل تعطيكي شغالتها اذا كنت مشغولة كثير
والله ييسر لك الخير ويصرف عنك الشر

 

[الشيوخيه]

الله يغربل هالشغالات لولا الحااجه جان رفسنااااهن ..

اتحملي على بناتج ثم بناتج ثم بناتج .. وقوليلهن هالاشياا حراام وهالشغالات مايخافون من الله وبيدخلون النار ولاتسمعون كلامهم .. وامنعي بنااتج من دخووول غرفة البشكااره لو شووو ماااصااااااااااار .. لو ماكنتي موجوده في البيت البشكاره اتكووون فبيتج مب اتشل البنات اتوديهن حجرتهــا .. وهدديها بهالشي ان شفت بنااتي فحجرتج او شفت شي موحلوو ومب عايبني .. بسفرج وبخليلي الباابا يضربج .. او اذا سويتي شي في البنات بوديج البوليس ..
هدديهـأ وخوفيهـا وسالفة الكاميرا واايد حلوه يااخالتي قمااشه


والله يعيينج ويعينا عالبشااكير


دمتي بود

 

[لازورديه]

فديت مروركن.. الطيب... والله انكم ريحتوني شوي..

الله يسعدكن.. انا برتاااااااااااااااااح.. ان زوجي

ركب كاميرا..بس الله يهديه رافض.. ماادري شو اسوي

 

[حبيبي ربي]

اختي العزيزة هالانسانه شاذة تعرفين شو معنى شاذة يعني خارجه عن حدود الفطرة السليمة
يعني مثل ماهي تقيم العلاقات مع بنات جنسها بتقيمها باجر مع بناتج
شي طبيعي ولا تتعجبين...والدليل ان بنتج متاثره وسوتها معاج
اختي انتي مب موظفه يعني حاجتك لها مب ذيج الضرورة و السوق مب اهم شي في الدنيا وتتدبر باي طريقه
ريلج بيعصب ولا اي شي مب مشكله باجر ينسى وانتي وشطارتج بتخلينه يجيب غيرها لما تحتاجين
وللاسف ام زوجج موقفها مب حلو ابدا ابدا هالزمن محد يفكر في العيال غير الام والاب وللاسف باقي الاهل ماقاموا يهتمون بمصالح عيالهم
باجر بنتج لما تفقد عذريتها_الله لايقدره_ لان خدامه لعبت فيها فما بيفيدج شي
واسمحي لي

 

[Step For Change]

اختي انا من رايي ان هالشغالة ما تيلس في البيت ولا دقيقة يعني انتي وام زوجج متاكدين من اللي هي تسويه كيف تتقبلينها في بيتج

ما دام انج ما تشتغلين سفريها وانتي مريحة بالج ولا تفكرين تخلينها ولا يوم زيادة
اتحملي هالفترة واكيد ريلج بيقتنع انه اييب لج شغالة ثانية وصراحة ام زوجج غلطانة لما قالت لج اسكتي عن الموضوع لان السالفة ما ينسكت عنها ابدا يعني الشغالتين لازم يتسفرن احسن عن ما تزيد مشاكلكم

 

[ترانيم الألم]

انتبهي ياحبيبتي على بناتج.............انتبهي ...........وحده وسخه مثل هاي مابتفرق بين طفله صغيره أو وحده كبيره..........هذولا بهايم اهم شي عندهم تفريغ الشهوه واكيد انج سامعه عن قصص الشغلات لعبو في اطفال صغار بهدف الا ستمتاع وتفريغ الشهوه...........سفريها هاذي نجسه وشاذه وكلمي كنتج بعد تنتبه على اولادها..........مو مهم تجيج شغاله عقب كذا ولا لا المهم تفتكين من شرها هالقذره......شوفي كيف هي مثال سئ لبناتك يوم شافت الحركه الي مب زينه من بنتج قاعده تضحك القرده ..........وهذا قدامج كيف وراج..............وشي ثاني انتبهي تتركين بنتج معاها لو ايش يصير شيلي بناتج واطلعي فيهن مهما كانت روحتهم معاج ثقيله ولا انج تتركينهم لوحده وسخه ماتدرين شتسوي فيهم.........نصيحه انتبهي.............

 

[بنوووووته كيوت]

حسبي الله علييييييها
حرام عليييييك وش حاجتك تحطينهم مع الشغاله وهي كذا
وسخه ياختي خافي على بناتك
واسمحي لي لو كنتي خايفه علييييهم ماسكتي للشغاله
لو الشغاله على قولتك تحبهم وتخاف عليييهم
ماسوت هالحركه قدام بنتك
اختتتتتتتتتتي بكرى اذاصار شي
بكرى لبنتك محد نافعك
واللوم بيجي فوق راسك وزوجك بيفقد الثقه فيك
سفريها الله لايردها هالحقيره
والله يسر لك امرك يااااااارب,,,,,,,,,,

 

[ظلال]

أقل اللي بيصير الله لايقدر هو إنها تنقل لكم المرض من هالحركات الشاذه حاولي تتخلصين منها
قبل لاتكبر البنت ويرسخ في ذهنها هالحركات وتصير تسويها لأختها أو أحد ثاني وتكبر معها
لأن هالسلوك يكتسب ماهو فطري ألآن بنتك قاعده تكتسب هالحركات منها..

 

[لازورديه]

حسبي الله علييييييها
حرام عليييييك وش حاجتك تحطينهم مع الشغاله وهي كذا
وسخه ياختي خافي على بناتك
واسمحي لي لو كنتي خايفه علييييهم ماسكتي للشغاله
لو الشغاله على قولتك تحبهم وتخاف عليييهم
ماسوت هالحركه قدام بنتك
اختتتتتتتتتتي بكرى اذاصار شي
بكرى لبنتك محد نافعك
واللوم بيجي فوق راسك وزوجك بيفقد الثقه فيك
سفريها الله لايردها هالحقيره
والله يسر لك امرك يااااااارب,,,,,,,,,,

فديتج.. كيف تقولين اني مب خايفه .. على بناتي.. من يوم مادريت وانا ماخليتها

تمسكهن.. ومااكلت ولا نمت.. بس ماحبيت.. ابين لها شي.. اقصد الخدامه.. عشان

اتصرف معاها.. وانا واثقه.. وعارفه شو اقول وبعد تفكير.. انا من امس وانا .. في

بالي بسفرها.. بس ابا اادبها قبل.. ومو عارفه كيف.. وهي احسها خايفه.. والشغلات

الثانيين احسهم بعد خايفين.. وكنتى مو موجوده.. هي في بيت اهلها.. ويمكن طول هناك..

لان اهلها بعيد شوي عنا... مو نفس المنطقه.. وشغالتها موجوده.. حسبي الله عليها..

كرهتهم كلهم.. الحقيره..

 

[pretty woman]

حبيبتي طلبتك بناتك اغلى ماعندك خليها تروح أنسانه قذره لاتتركيهاعندهم
تحملي عشانهم
تقبلي تحياتي................

 

[تحيه للعلم]

سؤال لازورديه..............................

ريلج ليش رافض تحطين كاميره؟؟؟؟:sly::sly:

 

[دونيا123]

الله يفرج همك

 

[لازورديه]

سؤال لازورديه..............................

ريلج ليش رافض تحطين كاميره؟؟؟؟:sly::sly:

ماادري بالضبط.. بس هو تقليدي ويقول محد من اهلنا حط قبل.. وانه شغلتها شغله..

ومن هالكلام.. ويقول شيلي بناتج معاج وين ماتروحين.. حتى السوق.. قلتله بناتي مزعجاات

وانت ماتتحملهم وترجعنا على طول ومابعد خلصنا.. يقوم يدور ويلف..

 

[قلب ذاكر]

انا صار لي تقريبا نفس الموقف مع ولدي وبنتى
لا تخلين خدامه تراقبهم او تمسكهم او تنومهم او تسوي لهم اي شي

الخدامه للتنظيف وبس اذا كنتى تبينها تطبخ براحتج بس عيالج لا والف لا امانه في رقبتج
حبيبتي لا تنغرين بهالناس اللي تشوفينهم لابسات ومتسنعات ورايحه ومخليه عيالها بالساعات مع الخدامه تري
ماراح يصيدون خير وخليج انتى غيرعنهم

اللهم استودعتك ذريتي وذرية المسلمين جميعا دايم اقولها

 

[لازورديه]

انا صار لي تقريبا نفس الموقف مع ولدي وبنتى
لا تخلين خدامه تراقبهم او تمسكهم او تنومهم او تسوي لهم اي شي

الخدامه للتنظيف وبس اذا كنتى تبينها تطبخ براحتج بس عيالج لا والف لا امانه في رقبتج
حبيبتي لا تنغرين بهالناس اللي تشوفينهم لابسات ومتسنعات ورايحه ومخليه عيالها بالساعات مع الخدامه تري
ماراح يصيدون خير وخليج انتى غيرعنهم

اللهم استودعتك ذريتي وذرية المسلمين جميعا دايم اقولها

ان كان عن التنظيف مقدور عليه.. من كبر بيتي.. انا شايله هم يوم اطلع

مع اني والله طلعاتي محسوبه.. حسبي الله عليها.. الحقيره.. المشكله

انا ان سفرت شغالتي.. مااظن كنتي وعمتي يسفرون شغالتهم.. عمتي تقول

انها كبيره وماتتحمل الشغل.. وعيالها كلهم كباار.. واغلبهم متزوجين.. بس

عندها ولد عمره 7 سنواات.. بس الشغالات مايحبونه لانه كبير ويفهم..

ومااظن يسوون شي قدامه عمتي واثقه.. وكنتي مااظن تسفر شغالتها توها جايبتها

وعندها ولد واحد وعمره سنه و8 شهور.. يمكن تخااف ان ريلها مايجيب شغاله

ماادري عنها.. المهم نفسيتي تعبانه.. وان شاءالله اني بصلي الاستخاره..



شكرا لتفاعلكم معاي..جعل انا واياكم على سرر متقابلين.. في الفردوس الاعلى.

 

[اميره حبيبي]

الله ياخذهم هالخدامات والساعه الي عرفناهم فيها..
انا كانت عندي خدامه للاسف سحاقيه:
شلون عرفنا انا بعد نفسج ساكنه بيت الحموله وفي غرفه خاصه بالخدم..
المهم خدامتي مع الطباخه دايم خادمه التنظيف تفتن عليهم بالاول اشمئزينا وقلنا بنسفرهم وتالي قلو قرب الرمضان (السنه الي طافت) ومحتاجينها ولازم انا اودي مالتي بس انا بدوام وحزتها ظروفي ماتسمح اجيب غيرها المهم زفيناهم وقلنا بنحط كاميرا طبعا ماكو فايده صوتهم واهم يسون........ يكون عالي ومن الصبح شخلناهم وخلينا المكتب الخدم يزفهم المهم اهم كانو 3 بعدين جابو خدامه صارو4 والفتانه سكتت طبعا قبل كانت برا الموضوع الحين لقت لها رفيجه تسوي وياها...

عقب احنا قلنا يمكن طخو..
بس ياغافلين لكم الله اثاريهم الاربع مع بعض المهم انا ولدي ابو 4 سنين من بديت اعلمه على الحمام العام بالصيف لاحظت انه الولد قام يسوي اشيا غريبه يدخل ايده ويضحك وينطرنا اذا طالعين من الحمام متسبحين يسحب الفوط المهم شكيت ورحت سألت عن السحاقيات بس يحبون الحريم او بعد يحبون الصغار وقالولي هم في نوعيه تشتهي الصغار..
المهم رحت حق زوجي وقلتله على كل شي من الالف الي الياء
المهم مسكنا الصبي وسوينا معاه تحقيق (شارلوك هولمز)
ولا سكوتلنديار ..المهم مني مناك قال الخدامات يفصخون جدامه ويسون جذي وجذي واعترف عليهم ..

المهم مانمنا هذيج الليله وحجزنا من النت حق خدامتي ومن الصبح كنسلنا اقامتها وماصدقنا نطيرها من البيت والطباخه والثانيه كلهم راحو وغيرنا الطقم كامل بسثنائي ماعندي خدامه من6 شهور اداوم واجابل العيال وانظف واغسل واسوي كل شي وصج تعب بس اهم شي عيالي... وبعد حملت وعلى طول طرحت من الشغل والكراف..
انتي على الاقل موموظفه وعيالج وين تروحين خليهم معاج نفسي وين اروح ساحبتهم معاي شسوي ماثق باحد..
والله يعين هذيلي مساوليه ومحاسبين عليها....

 

[haven]

الله يعينج حبيبتي
بس انا معاالخوات طالما انج مو موظفه احسنلج تسفرينها وتريحين
نفسج

 

[الأسطـــــورة]

ياعزيزتي الفاضلة

بيتك ملحق يعني (( صغير)) ومنتي موظفة ليش الشغالة اللي من هالنوعية؟؟؟

وتبغين تركبين كاميرا ليه؟؟؟ انتي منتظرة انها تسوي شي لبناتك؟؟

ترى انتي راعية ومسؤؤلة عن رعيتك بعدين ترى عواقب الموضوع كبيرة لوخربت اخلاق بناتك حتى لو سافرت الشغالة لانهم بيكونوا حافظين الموقف وصعب تنسيهم اياه

يااختي الفاضلة خافي على بناتك لان اساس التربية من الصغر

يعني لو اكتشفتي ان الشغالة تتحرش بزوجك كان طيرتيها اليوم قبل بكرة صح والا لأ ؟؟

اصبري على تربية بناتك وراح تؤجري ان شاءالله