الحمل ونفلونزا الخنازير

[نعووومه 14]

السلام عليكم يا حلوت
انا وحده حامل وخايفه على نفسي من انفلونزا الخنازير لأني سمعت انه يكون اخطر شي على الحوامل
طمنوني الله يطمنكم اذا كنتوا سامعين عن حامل تعافت من المرض لأن الناس العاديين ممكن يتعافون لكن الحوامل غير
ولا حظت الأيام هذي انتشاره بشكل كبييييييير وكل ما لها وتكثر الحالات
الله يبعدني واياكم والمسلمين اجمعين عن هذا المرض ويرفع عنا هذا الوباء

 

[نعووومه 14]

حراااااااااااااااااااام عليكم ولا وحده ردت طمنتني ولو بكلمه
الله يسامحكم

 

[أم عايشه 2009]

ويي فدييتج انه مااعندي فكره لكن حبييت ارد علييج واطمنج

ولا يهمج قلبي ماافيج الا العاافيه انشاء الله وكل مااخذييتي رووحي فحصي بالمستشفه

عشاان تتطمنين اكثر حبيبتي رييحي رووحج ولا تحاتين شي ترى انتي حامل ومو زيين لج انج

اتسوين جذي حق نفسييتج ترى الجنين يتضرر فكريي فييه والله يتمم علييج ع خير انشاء الله

 

[نعووومه 14]

جزاك الله خير ياقلبي
ياحبيلك يا أم عايشه
أن شاء الله اخذ بنصيحتك معك حق فديتك والله
ومااقول إلا توكلت على الله
قل لن يصيبتا إلا ما كتب الله لنا

 

[أم الغالي*]

الله يكتب لك حملك

بس انتي اخذي سبل الوقايه وتجنبي زحمه الاسوواق

والله يقينا ويقيكي من كل \شر

 

[دلع ريلي]

باذن الله مافيج الا العافيه

 

[sosoooo]

الله يحمي الحوامل ان شاءالله والاطفال لان مناعتهم ضعيفة ولازم الحامل تبعد عن الاماكن اللي فيها تجمعات مثل الاسواق والملاهي تصدقون رحنا انا وزوجي نقضي لرمضان واشوف الناس ماشاءلله كلهم لابسين قفازات نايلو وااااااضحك عليهم الا زوجي يقول لاوالله احنا اللي نضحك ماوقينا انفسنا مثلهم لانها تعدي حتى باللمس

 

[watyn]

توكلي على الله ياقلبي ولاتروحي مكان مزحوم..

 

[oscarlady]

توكلي على الله ..وخذي بالاسباب ..ولاتوسوسين كثييير وتفكرين..لأنه سبحان الله كانك تبرمجين مخك انه يستقبل المرض بكثرة التفكير والقلق..ادعي ربك يحفظك وثقي بالله وان شاالله مايكون إلا كل خير..والله يجلاه عن المسلمين ياااارب عاجلا غير آجل في هالأيام المباركة

 

[*ملكة الحب*]

اللي كاتبه ربي بيصير لو تسوين اللي تسوين

توكلي على الله

 

[نــ ووو ف]

الله يحفظك ويحفظنا

 

[without_horizon]

حبيبتي الله يعافينا ويعافي جميع المسلمين انا الصراحه اعرف وحده صارلها وهيه حامل ولين الحين تعبانة حتكمل شهر .. واخرجو الطفل بقيصرية ..ادعيلها الله يعافيها ان شاء الله ويردها لاهلها سالمة يارب. انتي لا تفكرين في المرض بس حاولي ماتروحي اماكن مزدحمه لين ماتخلص فتره الحمل .... والصراحه انا كمان سمعت انه كثيييير متعب للحامل لانه مناعتها تقل والله يحفظنا ان شاء الله

 

[o.o]

مسكييييينه الله يشفيها ...
سمعي اهم شي لا تروحين المستشفي اذا انتي بخير
ومافيج اي اعراض لانه المستشفى الواحد يروح لها لشي ويمرض من بشي ثاني ...
اذا حد يكح او يعطس ابتعدي عنه واذا طلعتي للجمعيه او مكان دايما ودي معاج مناديل الديتول .. ولا تمسكين ويهج الا لما تغسلين يدج
وادعي وسمي قبل ماتدخلين المكان قولي بسم الله الذي لا يضر مع اسمه شئ في الارض ولا في السماء وهو السميع العليم ..واقري المعوذات وسمي على نفسج اذا طلعتي
المشكله العيد جاي وافكر اني ما اعيد اخاف ....
الله يستر علينا ويحمينا انشالله

 

[الشوق وبس]

بإذن الله ما بيصيبج شيء..

اتخذي إجراءات الوقاية..وبإذن الله ..الله بيحفظ لج البيبي..

 

[أخصائية إدارة]

مشكوره اختي على الموضوع والله يجزاك خير ويجعله في موازين حسناتك​

 

[دانة_بوظبي]

حافظي على روحج .. وادعي ربج انه يبعد الامراض عنج ..

وان شاالله خيـر .. لاتفكرين واتوسوسين ..