الحمل والم الاسنان

[المستغيثة بالله]

مين تعرف شي عن الم الاسنان اثناء الحمل وش ينفع معاه دون ان يسبب اضرار للجنين والله تعبانة مرة وخايفة اخذ اي دواء يسبب الله لا يقدر تشوه للجنين بس والله اتالم من امس مواصلة ماني قادرة انام اخذت حبة بندول اكسترا خف الالم بس ماراح عايدي اخذ حبة ثانية ولا يضر وجهت السوال نفسه لام حميدة بس هي غير متواجدة الحين وانا اتالم ماني قادرة استنى الين تدخل فقلت اسال اخواتي يمكن احد عندها خبرة اوتجربة تفيدني واقدر انااااااااااااااااااااااااااااام

 

[فتاه بريئه]

الله يعينك في وحده من قرايبي دايم اذا حملت اسنانها توجعها

بس مايسير تاخذين اي حبوب الا بعد سؤال الدكتووره علشان

الجنين لايتأثر ولا شي وانشا ءالله تخف وماتحتاجين لحبوب

 

[الشعلة الحلوة]

أنا بعد كل ثلاث أيام أسناني يألموني وأصبر إيش أسوي
أحسن زوري الطبيبة

 

[القاسية الحنونة]

سلامتك يالغلا ..انا دايم تعورني والله بس مااخذ شي اخاف
وافتكر وحدة من قريباتي لمن تعورها اسنانها تحط عليها معجن يخف مؤقت ..والبنادول ياليت ماتاخذينه اضمن

 

[رمش هيمانة]

انتي شكلك ماتاخذين حبوب الحديد مع الفوليك

ولا حبوب الكالسيوم عشان كذا اسنانك تؤلمك لان الطفل يمتص الكالسيوم منها ,,وبعدها تصير ضعيفة وتتكسر


ممكن تعوضي بالاكل حليب طازج وتمر وصفار بيض مسلوق ...يعطي الطفل كالسيوم


دعواتك لي بالولد السليم الصالح

 

[انثى كالقمر]

ممكن يكون نقص كالسيوم


يوه اتذكر بحملي انط نط من الالام وابكي زي الكهرب تولع بس كنت احط زنجبيل مطحون على نفس الالم واسيبه ومابلعه والا فلفل اسود والله كان يهدي بس مايروح الالم

 

["حورية الأرض"]

حبيبتي انا جربت وجع الاسنان ومت منه بالذات مع الحمل مااقدر استخدم شي
وكل مارحت مستشفى تعذروني لادروا اني حامل

ومانفعني من بعد ربي الا دكتورة في مكة في مستشفى ( البترجي)
وصفت لي ابرة ضد الالتهاب والالم
( اسمها امكسولين) والثانية ( ديكسل) سعرها ب20 ريال الوحدة
وجلست يومين اخذ الابرةابرة في الصبح وابرة في المساء يعني اربع مرات مرتين مرتين
والحمد لله خفت الامي واوجاعي والالتهاب لدرجة انه فكي انتفخ وصار بالونة
بس ربك كريم رحيم والحمدلله

 

[جنون بيبي]

الله يكون بعونك..

انا لما كنت بالشهر الخامس جاني الم فضيع لدرجه انو مانمت يومين من الالم في الاخير رحت عند دكتورة اسنان قالتلي كيف تحملت عندك التهاب شديد وكتبتلي مضاد عادي يستخدموه الحوامل هجد الالم اللهم لك الحمد..


زوري دكتورة افضل يالغلا..

 

[الناصحه الامينه]

اختى
الام الاسنان وتسوسها اثناء الحمل دليل على نقص الكالسيوم
انتبهي
لان هذا يعنى طفل اسنانه ضعيفه فيما بعد
دعمى الكلس عندك وراح تلاحظين ان اسنانك تقوت وماعاد فيها مشاكل
لاحظي حتى حساسية الاسنان بداية ضعف ونقص كالسيوم
اكلمك من تجربه
والله يعافيك ياغاليه ويتمم حملك بالسلامه

 

[الحنيـــــــــن]

أنصحــــك أختي بشرب الحليب
والله قعدت أسبوع وأنا أصيح من الألم
وسبحان الله الألم كان يجي بوقت محدد
كان يجي الساعة اربعة العصر
وقمت أشرب حليب كل صباح والحمد لله
أختفى الألم
لانه الجنين بحاجة للكالسيوم فيقوم يسحب منك
وانتي ماتعوضي النقص
فلازم شرب الحليب
الله يسهل لك

 

[حبيبة روحها]

ذكرتيني بالذي مضي كلت حبوب كالسيوم وراح الالم