الحل مع زوجي وامه

[ليدي الإمارات]

السلام عليكم ورحمه الله وبركاته

هذي اول مشاركه لي ،،

انا متزوجه من رجال متزوج قبلي ومطلق وعنده بنت ( وانا بكر )

احين متزوجه من سنتين وعندي ولد

ام زوجي متحكمه في زوجي لدرجه مب طبيعيه

وهو وراها يمين يمين شمال شمال

وهي من النوع المتسلط ودايما تقوله كلام عني ويصدقه وويسويلي مشاكل على اساس كلامها

ووصلت بيني وبينه انه يمد ايده عليه ومب اول مره يمد ايده علي ،،

وهي عادي عندها بالعكس ،، تشجعه على هالاسلوب ،،،

وزوجي كانت له سوابق ( خمر وحبوب )

واحين عاطل عن العمل

دايما يهينني ومايحترمني

ولا يصرف لا علي ولا على ولدي

واحين انا في بيت اهلي ولا سال عني

افكر اني اطلب الطلاق لاني مليت من هالحياه

ومن المشاكل معاه ياني الظغط ،،،


ابا رايكم خواتي ،،،

 

[ليدي الإمارات]

ارجوكم ابا رايكم ///

 

[مرمريسا]

الله يفرج همي وهمك يارررب

 

[shooda]

استخيري الله ياقلبي وتوكلي على ربك وصدقيني ربنا حيكتبلك الخير ودائما ادعي

اللهم اجرني في مصيبتي واخلفني خيرا منها ..

 

[ليدي الإمارات]

أمين يارب

ربي يسمع منكم

 

[ليدي الإمارات]

بنات بلقيس ،، ابا اسمع رايكم ،،،

 

[فتاه بريئه]

والله ماعندي شي اكتبه بس ماحبيت ادخل ومااكتب شي الله يفرج همك وهم كل وحده مهموووومه

 

[انسانه متفائله]

الله يفرج همك

 

[مدمنة صبر]

يالغلا استخيري وربي اعلم بمستقبلك ووش بيصير لو استمرتي معه وش بيصر لو تطلقتي منه احنا بشر بس نخفف عنك

ثم توكلي عليه واحسني الظن به وكثري الدعاء لله ان كان خير ترجعين له وان كان شر ربي يصرفه عنك ويعوضك

الله يهدي زوجك ويامصرف القلوب اصرفه قلبه على طاعتك

 

[احلى سمايل]

حبيبتي الله يفرجها عليك موضوعك صعب شوي يبغى لك أخصائية اجتماعية تساعدك للنهاية ما أقدر أعطيك رأيي أيا كان لأن بينكم ولد وقلتي يأكل حبوب وهذي بحد ذاتها مشكلة الله يعينك ويرشدك للطريق الصواب معاه

 

[الدنيا دنيئة]

الله يفرجها عليك وييسرلك همك

 

[[ الملكه ]]

الله يفرج لك كربتك
والله يختي الحال من بعضه اناا قبل يومين تهاوشت معه ومد يده علي
وللين صابره وساكته ما علمت احد

انتي شوفي عل ممكن يتغير او لأ
واذا ماراح يتغير انتي قادره تتحملين الوضع او لا
واستخيري ربك و قرري

 

[حبكـ أنا]

لما شفت مووضوعك تضايقت لاني تذكرت حالي اللي مثل زووجك مافيه له حل غير انك تصبرين اذا تحبينه وتجنبي اهله قد ماتقدرين
انا كان ماله اي شخصيه عند امه واخوواته يحركوونه مثل مايبون ويتدخلون في حياتنا الشخصيه ودايم هم الصح وانا الخطا لحد ماجاء اليوم اللي خيرته بيني وبينها وكانت نهايتي الطلاق حسبنا الله هو نعم الوووكيل

(حسبي الله ونعم الوكيل في كل من تسبّب في هدم بيتي ، وصدقوني لن أنساهم من الدعاء في كل سجدة أسجدها لربّي حتى أموت ، وأنهم ظلموني ودعوة
المظلوم ليس بينها وبين الله حجاب فأسأل الله إن يُريني
فيهم وفي أغلى من لديهم مافعلوه معي عاجلاً غير آجل
وعند الله تجتمع الخصوم )

قال رسول الله صلى الله عليه وسلم

( من خبب بين امرأة وزوجها لن يجد رائحـة الجنة ) أي من أفسد ..

هذا وعد الله على كل من فرق بين زوجين ,,,



نصيحه تبين تعيشين مع هالنووع من الرجال ابعدي عن اهله قدر المستطااع

ادعي قولي اللهم كما رددت موسى لأمه في اليم ويوسف لابيه فرد الي طليقي ردا جميلا

 

[ليدي الإمارات]

مشكورين وايد على مروركم

يا قبل فتره يهدد ،،

ان امه اهم شي وهي يمينه وشماله !!!

واذا انا فكرت اطلع بيت روحي بيتزوج علي ،،



.
.
.

تعبت من التفكير ،،

ربي يفرج همي وهم كل مهمومه يارب ،،،