الحل جزاكم الله الجنه

[الزين ولدي]

مرحبا خواتي
اتمنى كل وحده تساعدني الله يوفقها ويفرج همها
موضوعي
زوجي واهلي بينهم مشاكل كبيره وقالي اختاري يا انا وولدج يا اهلج
انا سكت وما ناقشته ابيه يهدى
الحين صارلنا اسبوع يقعد معاي ويسولف وياكل عادي بس ما يلمسني نهائي الحين خالصه دوره صارلي اسبوع ولا هامه عادي وطوووول الوقت ماسك تليفونه وقاعد تحت بالديوانيه انا ساكنه عند حمولتي
شالحل

 

[اولادي كل حياتي]

قوليله مستحيل اتنازل عن اهلي مهما كان واتنكر لهم وهم اللي ربوني وجابوني لهذه الدنيا مهما صار ماراح اتنازل عنهم ابداً
ـ وانت برضه زوجي وحبيبي وابو ولدي يعني اهلي عين وانت العين الثانية فكيف تبغاني اختار بين العينين ??
ـ وانت يعني هل ممكن تختار مابيني وبين اهلك ??
ـ بس انا مهما كان ماراح عمري اطلب منك ان تختار بيني وبين اهلك لانه مو منطق ولابالعقل هذول اهلك اللي ربوك ولما تكبر تقوم تتنازل عنهم كيف تصير??

 

[الزين ولدي]

انا قلت هالشي
بس انا ام زوجي عمتي وعلاقتها باخوانها ابوي وعمامي مو زينه فاول ايام عرس عمتي كان فيه مشكله بين زوجها وابوها اختارت بيتها وزجها وما دخلت بيت ابوها لمدت سنه
فزوجي يذكرني بموقف امه اللي هي عمتي قلتله عمتي غير جدي كان متزوج وعمتي ماتبي تقعد مع زوجة ابوها وكانت علاقتهم مو زينه
وقلتله ان عمي عوضهااا عن كل شي بالدنيا فاختيارها كان صح بالنسبه الوضعها انا غير

 

[دموعي شي معتاده]

قولي لي له انا مااقدر اضحي لافيك ولابااهلـــي
هذي امي اللي حماتني 9شهور وربتني وكبرتني
وابوي اللي صرف علي دم قلبه عشان اكبر وابره

واخر شي اتنكر لهم
قولي له انا لو اشوفك تقطع اهلك مارضيت لك
لان لو مافيك خير لاهلك مافيكم خير فيني

ونفس الشي انا لو مافيني خير في اهلي
مافيني خير فيك

والله يهدي النفوس

وراي اولادي كل حياتي على راسي ذهب

 

[توتونجد]

يا كرهي لاسلوب الرجال الي كذا

اذا مصر على رايه ولا والله حياتي اهلك اهم واولا فيك

الزوج بدله عشششششششششششششره

والولد بداله عشششششششره

بس الام ما تتعوض

الله يهدي فيما بينكم​

 

[داريين]

قولي له الدنيا سلف ودين
بكره لو تركت أهلي بكره بناتي يتركوني
والله يصلح حالكم
ولا تنسي الاستغفار​

 

[هنوهم]

الله يعينك ويساعدك استخيري وربي يعطيك الصلح

 

[سما الصفاء]

الا الأهل ياحياتي هم هم السند والعزوة

لاتنازلين عنهم مهما كان

 

[استعدت نفسي]

قوليله انت تقدر تستغني عن اهلك

 

[رازيا]

قوليله على شرط انت بعد تستغني عن اهلك وتطلعني ببيت لحالي
اكيد ما راح يرضى عموما انا من راي لا تعملي مشاكل معاه هذي الفترة
وامسكي سورة البقرة يوميا والاستغفار خليه على لسانك على طول
وصدقيني هو بس يهدد ما راح يعمل شي
حاليا تنازلي شوي ولا تروحي بيت اهلك اكتفي فقط بالاتصالات والاطمئنان عليهم
وزروريهم بالمناسبات فقط وبعدين مع الدعاء والاستغفار والصدقة والتقرب من الله
صدقيني راح يرجع يقولك ارجعي زوري اهلك

 

[رازيا]

اقصد سايريه وخذيه على قد عقله واضحكي عليه بكم كلمة حلوة وبعدين راح يرجع يطلب منك تزوريهم

 

[@أحلى دنيا@]

لااله الا انت سبحانك اني كنت من الظالمين

 

[استغفرالله@]

انتي داريه وحاولي ماتفتحين هالسيره معاه وانشاء الله يندم ويعتذر منك

 

[الزين ولدي]

جزاكم الله الجنه

 

[ود الامارات7]

1. الله يعينك