الحل الخاطئ

[تقوي الهجر]

سبحان ربي وبحمده سبحان ربي العظيم000000فعلا الكتابه في هالمنتدي المبارك له رهبه حبيت اخواتي اكتب لكم في اختصار ال صار معاي والله ما ادري هو في حل لي ولا لاء قريت كثير من قصص الخيانه وكيف الحل والصراحه اغبط كل وحده مازال موضوع خيانة زوجها في ايدها سبحان الله شوفوا وين وصلت لاني سرت استبعد انه في رجال في الدنيا مايخون لكن جهلي وقلة معرفتي ضيعت مني زوجي في بداية اكتشافي لامر خيانته فضحته عند القريب والبعيد وطبعا هذا اكبر غلط سويته بس من غير قصد لاني ما ادري شسوي وهو كان ينكر لا وبعد يغلط علي ويصرخ ويقول انتي مجنونه وشكاكه سكت وتصبرت لكن ماكنت مرتاحه أدور علي الدليل القاطع وتصدقون كنت القاه وواجهه وينكر وكنت اصدق لاء كنت ازعم التصديق لاني كنت ابي بيتي والستر لحد ماجا اليوم ال كنت انطره تصدقون انه جا واعترفلي انه يحب وحده ثانيه لكن متي اعترف يوم انتهت قصة حبهم وتدرون اشسوي فيني علي سابب تافه قالي روحي انتي طالق فعلا انا مقهوره لاني صبرت علي واحد مو كفو ومقهوره لاني ماكنت اعرف الحلول الصحيحه لوضعي ونفرت زوجي مني لحد ماكرهني000ال احب اقوله لاتتسرعون في اتخاذ القرارات خواتي ولاتستهينون بالسفر تراه هدام البيوت ودورا الحل عند الناس الصح

 

[zenah]

الله يعوضك انشالله باللي يسعدك ويقدرك