الحقيني ياأختي ناعمة ؟

[عاشقة الهمم]

السلام عليكم ورحمة الله
أختي ناعمة

ماني عارفه كيف ابدء او كيف اتكلم
وهو انه اخوي االمراهق شاف بابا مسكر السياره وقاعد يكلم
بعدها شك اخوي وقام لقى الجوال وقام يفتش بالجوال ولقى رقم لدوله عربية صادر ومنه مكالمات بالسجل
اكثر من مكالمة
الحين اخوي منهار لانه هالشي صادر من ابوه اللي هو قدوته ومثله الاعلى
راح اقولك عن ماما مو مقصره معها وبشهادة بابا من ليالي رومانسية وغيره
طبعا مو معقوله اني راح اقول لامي باخاف عليها من الصدمه
كذلك اهو ابوي امو مقصر معاها وظيفته متقاعد وقاعد بطالي

ممكن بيااختي تعطيني شنو اسوي بالمشكله اللي طاحت على راسي
وكمان معاي رقمها شنو لازم اسوي معها
ساعديني الله يفرج لك دنيا واخره

 

[عاشقة الهمم]

الله يسامحكم ولا رد


ولو دعاء

 

[قوت القلب]

الله يكون بعونك ادي الله يهديه

 

[دمعة حزيينة]

يحزنني ان يصدر من والدك مثل هذه التصرفات
رايي انك اتكلمي اي احد من اقربائك يكونوا واعيين مثل اعمامك يكلموا ابوك وينصحوه ويوعوه بنتائج هالشي اللي يسويه واذا ما ارتدع عليهم بتهديده واذا انتي واعيه ومتفاهمة مع والدك فاتحيه بالموضوع بكل ادب او عليكي بتهديد تلك التي يكلمها والدك ولا تنسيه من الدعاء له في جوف الليل

 

[نعومه كول]

انتي تلعبي ولا من جدك
اولا ايش دراكي ان امك تسوي ليالي رومنسيه
وغيره وغيره
واذا كان الموضوع من جد الله يهدي ابوكي

 

[نعومه كول]

ددمعه حزينه
ايش هالراي تبغي البنت تحاسب ابوها
لو ابوها زنى والعياذ بالله
مالها حق اولا يتجسسو عليه هي واخوها مخطئين بالدرجه الاولى
وبعدين ماباقي الاهي
اصغر عيالك هو عشان تفاتحينه بالموضوع
هددي البنت ايوه معك حق
بس تهدديها ايش بتقولي لها
طنشي الموضوع وان شالله شي عابر وبيمر

 

[نور كندا]

ياالهى شو بيصير للرجل كل ماكبر بيصغر عقله نصيحتى لكى لاتقولى شىء لاامك وتوجعيلها راسها اتركى الامور عالتيسير يمكن تكونو خاطئين وان بعض الظن اثم وبعدين لما الرجل بدو يعمل شى غلط لن يوقفه اخوكى او امك او اى شىء للاسف طنشوا وعيشو حياتكم وخلى امك تدلع نفسها وتعيش حياتها كملكة وتنبسط واتركوا الامر لرب العالمين

 

[دمعة حزيينة]

ددمعه حزينه
ايش هالراي تبغي البنت تحاسب ابوها
لو ابوها زنى والعياذ بالله
مالها حق اولا يتجسسو عليه هي واخوها مخطئين بالدرجه الاولى
وبعدين ماباقي الاهي
اصغر عيالك هو عشان تفاتحينه بالموضوع
هددي البنت ايوه معك حق
بس تهدديها ايش بتقولي لها
طنشي الموضوع وان شالله شي عابر وبيمر

يا عزيزتي ليش نحرم عيالنا من انهم يناقشونا حتى لو كان ابوها شو يعني هو اتصرف غلط وهو القدوة لكل الاسرة يمكن اذا بنته اللي هي قطعة منه قالتله باسلوب مؤدب اكيد بيستحي حتى لو صارخ عليها ونفى كل شي بس صدقيني هو من داخله بحس انه سوى شي غلط وهذا من وجهة نظري وانا احترم وجهة نظرك بس حبيت التوضييييييح

 

[عاشقة الهمم]

اشكركم على ردودكم اللي فيه شي يجبر الخاطر
وبعدين اختي نعومه كول او حار ليش مااحاسب ابوي اذا غلط وليش اسكت عن الخطا مويقولون الساكت عن الحق شيطان اخرس وشنو فيها اذا ناقشت ابوي بمثل هالموضوع وصححت وضعه مو احيانا الانسان يمر بمرحله يكون فيه مغمض ينتظر شخص يفتح له عيونه وينير له طريقه بغض النظر عن عمره اوكبره

وبعدين انا كلمت من الرقم نفسه وطلعت لي بنت من دوله عربية
وغيرت صوتي لولد وحاولت تشبك معي على اني ولد
وايضا عاتبت اخوي على انه يفتش من وراه وانه ماله حق
بس هذا الشي ماينسكت عنه لازم فيه رادع له
وجزاكم الله كل خير


ارجو ان ترد علي اختي ناعمه انتظرها

 

[قلبي مشتاق لك]

الله يهديه واتمنى اختنا ناعمة ترد عليك

 

[عاشقة الهمم]

وبعدين يااختي نعومه كول
انا صديقة ماما وكمان متزوجه فهي ماتخش عني شي وانا كذلك
وبعدين اتمنى تراعين غيرك ومشاعره بردودك

 

[عاشقة الهمم]

اتمنى اخت ناعمه تبدي رائيها
بليز الله يفرج لك دنيا واخره

اخت محتاجه منك نصيحه