الحقوا عليه قبل لاااااااااا

[^فديت امي^]

:39:السلام عليكم يااخواتي الحلوات المشكله وما فيها احس اني يا بنجن اويجيني بروووووووود
بنتي الله يهديها اعمرها 3 سنين لمن تشوف الاكل كانها شايفه شبح او باكلها سم
ماتاكل والله مااني مقصره اسوي الاكل علشانها يقعد الين ينكب احس الله بيعاقبني على النعمه بس وش اسوي ابغاها تاكل تعبتني وش اسوي معها
تحب تاكل شويه بطاطس
لحمه من غير رز احيانا تاكل وافرح اجي اطالع القيها راميتها
تشرب حليب بالشوكلاته
بس عندها مقدره تقعد جيعانه فتره طويله وش اسوي معها
هل بيجي يوم والقيها تاكل متى بعد مااجن:2:​

 

[يادنيتي حسي]

اشتري لها فتح الشهيه من الصيدليه وحطيها بحليب الشوكولاته للي تحب وسويلها حركات تحببها باالاكل مثل بطاطس مقليه في كيس صغير وربطيه لها وشوفي

 

[^فديت امي^]

مشكوره ياقلبي ماخليت شي قالت الدكتوره لازم اول شي تاخذ حديد والله خلصت على مدى شهرين علبتين فروز حديد وماشفت اي تغير مدري وش اسوي والله اموت قهر لما اسوي الاكل واجلس معها ياالله ناكل والعب معها بخلص اكلك من ذا الكلام وتقهرني واعصب عليها واشيله

 

[عاشقةالطبيعه]

اختي الغاليه الحين لمن تغصبيها على الا كل تنفر منه
ولمن تشوفك مهتمه فيها ولي ما اكلت ودائما تتكلمي امامه انها لاترغب في الاكل فسوف تنفريها منه

الطفل غالبا في هذا السن يرفض الاكل
انتي اعطيها الاكل وضعيها امامها وهي بتاكل الي تقدري عليه لاتحاولي فيها تاكل اكثر
ومع الا يام راح تطلب الاكل بنفسها
والفيتمينات بتضرها ما انصحك فيها

 

[بنت الدرر]

والله نفس حركااااااااااات بنتي


اصلا سرت ما استشيرها ولا اسوي لها اكل


فا شافتني مطنشتها سارت تجي وتطلب مني توست بفول السوداني او توست بحلاوه طحينيه


وتشرب معاه عصير


واصلا تاكل وجبه وحده باليوم



الله يصلحهم​

 

[مآمه آحلى قمرين]

آخ يا قلبيالحال من بعضه تصدقي بنتي ما تاكل مره كنا مسافرين قعدت ثلاث ايام ما تاكل اخر شي جن جنوني قلت لزوجي وديني البيت بنزل خلاص عشان اصرخ عليها براحتي مجرد ما جيت بيتي صرت زي المجنونه طحت فيها ضرب لين قلت بس تعبتتتت نفسيتي معها تخيلي عمرها اربع سنين ووزنها 12 كيلو بالله هذا جسم ؟؟! الله يعني بس ع فكره قلبي جربي معهاالحلبه بالحليب وان شاء الله تجيب نتيجه

 

[كبرياء لا ينكسر]

بنتك زي ولدي ماياكل لدرجة اني خفت يموت وصرت اععطيه الماء بالقطاره حقت الدواء ومره تعب وصار يرجع دم لان المعده فاضيه وتنومنا بالمستشفى وشافته حرمه كبيره وقالتلي شيلي الغذايات منه ولدك فيه عظيم وديه لمره تعرف للبزران وديته كذا وحده الين رحت لوحده الله يجزاها خير قالت عنده العظيم الاقصى وهو اخطر من العظيم العادي ويمكن يذبح الطفل ورفعته باصابعها وبعدها تحسن شوي والحين احس انتكس لانه يقولون احتمال يرجع للطفل الله يعيننا ويقر عيوننا فيهم

 

[براءه طفوله]

نفس الحاله والله كأنك تتكلمين عن ولدي ، وآخرتها اليوم صياح وهواش وسمعوا الجيران أصواتنا عشان بس أبغاه يتعشى ،كل طرق الترغيب والترهيب أستخدمتها وبرضو مافيه فايده
الله يعين بس

 

[ℓάⓝόό]

حطيله الاكل وروحي خليه لحاله بعضهم يتدلع اذا شاف امه تحاول فيه وخليه عند التلفزيون عند اي شي يحبه برنامج افلام كرتون اي شي

جربي

 

[هيدروجين]

اسمعي
بنت اخوي الحين عمرها شوي وبتوصل السنه
لسه من شهرين قامت تاكل
ولا على طول مسكره فمها بس حليب حليب حليب
وراح ابوها وطلب لها
وسبحان الله وهم مافر ماشفناها لا كل شي تبي تاكله ماشاء الله
والحين يعطونها فيتامين وفتح شهيه والحمدالله الحين صارت عادي مثل الاطفال
انتي طلبي لها والله يستجيب دعائك
ومالها الا العافيه

 

[قمر بلامنازع]

لاتغصبيها .. ورغبيها ..بطريقه الترغيب .. والمكافاة