الحب قبل الزواج

[متى تشرق الشمس]

السلام عليم ورحمة الله وبركاته

كيف الحال يااميرات وملكات بلقيس

عندي صديقه في حيره من أمرها تطلقت بعد 15 سنة زواج وعندها اولاد منه وبعد مرور سنه من طلاقها وقعت في شباك الحب .

المشكلة حدثت عندما فتح موضوع الزواج فهو راغب فيها وطلب منها ان تفتح الموضع مع اهلها ووافقوا الاهل ولما بلغته بالموافقه رد عليها ان يبغى يتقدم لها بدون خواته وامه بس مع اخوانه وسألته ليش ؟؟؟

تتوقعون ايش الرد ؟؟؟؟

قال : انه متزوج على الرغم ان سبق وقالها ان مطلق!!!!
وان خايف من خواته يبلغون زوجته الاولى
وان امه رافضه الزواج من امرأه مطلقه وعندها اولاد

وطلب منها ان يعقد القران وبعدين يبلغ اسرته الكريمه .....!!!!!

شنو رايكم ياخواتي بالموضوع احس ان هذا الرجال غير جاد بطلبه ؟؟؟

بانتظار تفاعلكم

مع تحياتي ،،،

 

[احاسيس منثوره]

انا رأي لا تفتح على نفسها باب ما تقدر تسكره احسن يخبر زوجته و خواته مو مهم بس امه وزوجته لازم يعرفوا احسن لها هيه ليش تسبب لروحها المشاكل

 

[باقة امل]

تستخير

 

[ريم الهاشمي]

اعتقد اهم شي الاستخارة الحين وربي يسهل امورها يارب

 

[عيوني أنت]

أنا مع الاخوات تستخير واذا ارتاحت لازم أمه تعرف أهم شي

 

[mhmoha]

اللي هذا اوله ينعاف تاليه لانه كذب عليها من الاول وقال انه مطلق اذا كذب قبل الزواج وش بيسوي بعده والحياه فيها عروض احلى من كذا واساسا الزواج مو كل شي خليها تهتم بحياتها وبعملها وتتانى لانه الانسان اذا طلع من صدمه لابد انه يعطي نفسه الوقت الكافي والاختيار بشكل سليم

 

[السنع كله]

ماخاب من استخار ولا ندم من استشار

الله يوفقك



​

 

[متى تشرق الشمس]

اشكركم حبيباتي على تفاعلكم بالموضوع

وبصراحه اهي كل يوم تصلي صلاة استخاره وموراضيه تقتنع انها تعيش من غير زوج واهي تتخبط مب عارفه ايش تسوي الله يعينها:dunno: تبي شخص يوقف بجنبها ويتحمل معاها مسؤلية اولادها

احاول اقنعها بانها ما تستعجل وترمي نفسها عليه واهي مو راضية تقتنع :no::no:.

ابغي منكم الاستشارة كيف اقنعها ان اتخاذ قرار الزواج بعد صدمه كبيره (الطلاق ) صعب شوي يحتاج وقت بصراحه حب ما كمل شهرين موكفايه لمعرفة الطرفين ولا لكم رأي ثاني ؟؟؟:sadwalk::sadwalk:

مع تحياتي ،،،

 

[شمس الرياض88]

الدعاااااااااااااااااااااااااء الدعااااااااااااااااااااااء

 

[وردة وفله]

اولا الاستخاره ثانيا كثير من ناس نعرف تقدمو لهم ناس وحطو اعذار وبعدها اكتشفو انهم كذابين بس يبون الحرمه تقبل وياعالم على النيه خليها تتاكد من السؤال عنه زين لان في هذا الزمان مال احد امان احسن ماتندم بعدين وتحسب عليها تجربه ثانيه تجرحها وتعقد عيالها والله الموفق

 

[متى تشرق الشمس]

اشكركم حبيباتي على المرور وتفاعلكم مع الموضوع

اختي ورده وفله كلامك مضبوط 100% وهذا اللي بوصل لها ومو راضيه تقتنع تقول احبه

بصراحه الوحده ما تعرف زوجها الا بالعشره مااقول الا الله يعينها ويوفقها بالخير

مع تحياتي ،،،:shiny: