الجنوبي الغربي ..... ومرضي

[قلبي النازف]

السلام عليكم

كيفكم؟؟


لي فتره ابغى اكتب الموضوع بس ما اقدر بسبب الصداع وهذا هو موضوعي الي ابغى اسالكم عنه وفي شي ثاني كمان





انا مخطوبة "مملكة" وفرحي في العيد ان شاء الله تعالى

انا ياجماعه عندي صداع نصفي واللي عندهم هذا الصداع اكيد عارفين معاناتي

اخر نوبه جاتني قبل اسبوعين اليوم جمعه ليه تقريبا 13 يوم وانا صداع متواصل بس قبل يومين

بدا يخف مو راح يخف بس اذا اتعرضت لصوت عالي كمبيوتر تلفزيون على طول اتعب

عارفه طولت عليكم بس عشان تفهموني

انا خطيبي جنوبي غربي طبعا الفترة هذي اللي فاتت عانى معايه كثييييير لاني دخلت طوارئ مرتين من شدة

الالم ما اقدر اتكلم وصلت معايا للبكى"للعلم انا مني دلوعه واتحمل كثير بس الالم الله لا يذوقه لاحد"

المهم انا صرت اخاف انه يمل او يحس انو ايش هذي حتجلس كدا تعبانه او او او والله ماتتخيلوا قدي ايش

بدات اخاف عشان الكل يعرف كيف الجنوبي يحب الدلع الفرفشه الضحك وانا الاسبوعين اللي فاتت كنت جدددا

شخص ثاني بسبب ظروفي

احسه معد صار مهتم زي اول حتى كلمة كيفك دحين مافي زي كانه اتعود او طفش طول الايام هذي مادخل

حتى بورد وهو مهو كده هو حنون طيب فرفوش

طيب انا ايش اسوي هذا شي موبيدي

كيف اوصله انو موكل مره يكون كده الوضع كيف ارجع اهتمامه كيف اعمل هذا كله عشان اقدر اكون

مطمنه تعبت من كثر التفكير

 

[قلبي النازف]

رررفع

 

[hifa mm]

الله يشفيك ويعافيك
أسأل الله العظيم رب العرش العضيم أن يشفيك ويعافيك ومرضانا ومرضى المسليمن



أنا مو مره خبيره في الأنماط

بالنسبة للجنوبي الغربي سهل مو صعب ويمكنك كسب قلبه بسهوله

أنا أنصحك إنو حتى وإنتي في قمة تعبك حافضي على تعابر وجهك ونظرات عيونك له

ترى والله لها تأثير عجيب عليه

خليه يحس إنو فارسك إللي لازم يخلصك من هذا العناء

لأن الجنوبي معروف عنه إنو فارس النساء ​

 

[ساحرة العيوون]

دقي عليه الحين وخليك مرررررررررررحة لابعد حد

جيبيله نكت وفرفشة دقي ونسيه وبس

ولاطولين مره

شوفي كيف بيرجع زي اول ان شالله

والشي الثاني

بينيله ان تعبك ذا مره في السنة مودايم

بس انا مافهمت وش بيكون الم الصداع ؟

ع العموم اتمنى اني ساعدتك

ربي يشفيك شفاء لايغادر سقماً

 

[قلبي النازف]

اهلين هيفا
والله بالنسبه لي احاول بس مرررره ما اقدر والله العظيم صعب اتكلم بالجوال وبس اجلس بالظلام

 

[قلبي النازف]

هلا ساحره

هذا صداع نصفي لمن يجيني يجي في نص الراس

بس مرررررررررررررررررررره شديد ماتقدري علي الاضاءه ولا الصوت ولا اي شي

يعني اجلس في الظلام تقريبا كللل اليوم عيوني مقفله من دوا لدوا واحيانا اتنقل المستشفي من كثر الالم

ومشكورين على النصايح

 

[روان 2009]

حبيبتي يمدحوا الحجامة ،،وربي يشفيك ويعافيك،،

لو كتبتي في قوقل علاج الشقيقة حتذهلي من كثرة العلاجات في الطب البديل والله هو الشافي،،

 

[حجازيه ذوق]

اذا دحين خفيتي
كلميه واضحك وفرفشي معاه وخليك رومانسيه وبنفس الوقت مرحه
نسيه الايام اللي راحت بيني له انك مو كل يوم تعبانه بس لاتخبي تعبك عنه لانك بكذا رايح تتعبي
اهم شي عوضيه اذا بداتي تخفي من الالم
ارسلي له مسج رومانسي وخليه يتصل واذا اتصل فرفشي معاه واضحكي واتدلعي عليه

ربي يكتب لك الشفاء عاجلا غير اجل

 

[صمت وخجل]

اولا الله يشفيك والي عندك هو الشقيقه نظمي نظاام غذائي صحي واعملي حجااامه وان شاء الله باتتحسني والجنوووبي الغربي حساس وسهل بس لاتعااد تبيني له مررضك كثير وقت الي انتي بخير ارسليله سوولفي معه عشان اذا مرضتي يفتقدك ..​

 

[لحن الفراق]

الله يشفيك يااااااااااارب
ويرفع عنك​

 

[Nooooora]

اسأل الله العظيم رب العرش العظيم أن يشفيك

طيب إنت بتتابعي مع دكتور لأنو في أدوية تمنع الصداع بإذن الله وفي أدوية وقت حدوث النوبة وطبعا ممنوع الشوكولاته والجبنة

كل الرجال بصفه عامة مايحبو يشوفوا أزواجهم مرضانين كانو بيدهم استغفر الله لكن فترة وتعدي لا تشيلي هم قد كدا بالعكس خليك على طبيعتك وكلميه عادي ولا تعتذري كتير لأنو مو بيدك ولمن يزورك كوني فرفوشه ولاتفتحي موضوع الاسبوعين اللي راحوا كتير عشان هوا لا يحس إنو الموضوع كبير ويحطو في بالو

 

[ساحة امل]

الله يشفيك --------------
انا عندي القلب واحاول قد ما اقدر افكر بالطرق الايجابيه يعني قوي علاقتك مع الله-------------

وتعالجي يمكن السبب في اذنك لانه تجيب الصداع----------------

علاجك لنفسك قبل زوجك عشان تتقوين على طاعة الله ---------------

الله يشفيك ويشفي مرضى المسلمين يارب

 

[نزف العيون]

ارقي نفسك

 

[ميعاد عواد]

عليك بالحجامه لعلاج الصداع
ماراح تندمي وكرريها اكثر من مرة
والله يعجل بشفائك

 

[خلآص...!]

لاتخافي ولاعليك شر
انا زوجي جنوبي تقريبااا ومعي الصداع النصفي وحاسه بكل اللي قلتيه واكثر
هي فتره وتعدي وصيري فراشه معه لانه حنون وطيب بالعكس يهتم فيك وقت تعبك
يخاف عليك واذا خفيتي انتي بنفسك طلعيه وطلعي نفسك من اجواء التعب وهو يتجاوب
لاتحاتي انه تغير او او على العكس كلنا بني ادم اذا صار الجو مرض واكتئاب تتغير نفسيتنا
مو بس الجنوبي او الشرقي او او .. مالها خص الانماط
انتي بيدك ترجعي الحب والموده مو الرجال اللي يرجعها انتي تفرفشي وتدلعي الجنوبي مايبيله تعب بالعكس مريح الله يوفقكم ​

 

[arradia]

الله يشفيك عاجلا غير آجل
ويسخر لك زوجك
ويسعدكم في حياتكم