الجزء الباقى من( مش عارفة ابتدى منين حكايتى مع زواجى)

[حيرانه جدا]

ما لحقتش اهنأبرجوعى لبيتى الا وابتدى الشك يتسرب الى قلبى من ناحيه زوجى وتصرفاته يتأخر لوش الفجر يوميا بحجة الشغل والجرى وراء لقمة العيش. شويه شويه حبيت اتأكد من شكوكى فتشت جواله وعينت من يراقبه هو شخصيا و كل الادلة اللى انتو اكيد متخيلنها فى الظروف دى اثبتت لى خيانته كان مصاحب فى الفتره دى واحده من ايام الدراسه الجامعية متجوزه و عندها بنت كانت تسيبها عند الجيران على ماتخرج معاه ويروحوا كافيهات هو وهى و واحد صاحبه اللى كان مشجعه على المشى البطال ده كله ويجالسوا بنات السوء قال ايه عشان يا عينى جوزها بيسيبها لوحدها ويروح شغله يا عينى صعبت عليا! طب اعمل ايه انا ؟اولع فى نفسى يتركنى انا مراته ويروح يفسح مرات غيره المهم توالت خياناته ومغامراته وسفريات بحجة الشغل طبعا فى خلال هذه الفتره اتولدت انسانه تانيه جوايه انسانه مثل القطه الشرسة كلها عناد كنت احقد عليه لما يقترفه فى حقى من اخطاء و لما حاولت مره المح له على اللى بيعمله اول ما اكتشفت خيانته ليا كان لاول مره يتجرأعليا ويمد ايه طبعا صدمنى بتصرفه الذى لم اتخيله هو يعنى ما ضربنيش بس لوى ذراعى بشده ودفعنى بقوه فى الحيطه وشتم وعلا صوته بشده على طريقه( خدوهم بالصوت قبل ما يغلبوكم)طبعا زادت المشاجرات والخناقات بينا شويه نتخاصم شويه نتصالح ومره اهلى يتدخلوا يهدوا الامور ومره اسكت وخلاص واحط همى فى قلبى وادعيله لعل وعسىربنا يهديه وكنت كل ما اقول خلاص هو هيبطل اتفاجئ انه له عشيقة جديده انصدم وقلبى ينجرح المهم مر الوقت وجبت ابنى التانى طبعا بعد خناق وصدام لأنه ما كانش عاوز يخلف دلوقتى بججه الظروف الماديه ولأنى عارفه ناواياه الخبيثه انه عاوز يوفر فلوسه ويصرفها على مشيه البطال صممت على الحمل اهو ابقى استفدت منه بأى حاجه و أحس أنى حققت حاجه عاوزاها وأشغل نفسى بعيالى وخلاص واتركه لربنا طبعا اخواتى كانوا بيساعدونى بالمال لأن استمر فى بخله لانه مش بيرضى يعطى لى مصروف شخصى ابدا حتى لبس الاولاد او لو حدثت لنا مناسبه عائليه تستلزم منا بعض المصاريف كل ده مالهوش دعوه بيه ولا بيخرجنا ولا يودينا مصيف ولا حتى العيال يعرفوا يعنى ايه نادى عايش لنفسه وبس.لكن ما حدث فى الشهور الأخيره وبالخص بعد ولادتىابنى التانى هو ما أزاد الطين بله الاول بعد الولاده امتنع عن تسجيل الولد فى الصحة واتحجج انه مش فاضى وكنت وقتها عند اختى اقضى فترة النفاس طبعا اثار هذا المشاكل من كل ناحيه وحاولت اسجله انا ولكن مانفعش لان ماكانش معايا كل الاوراق المطلوبه لدرجه ان هذا ااثار شكوك موظف الصحه من ناحيتى المهم عدت الفترة المسموحه للتسجيل وكده بقه ابنى ساقط قيد كل ده ليه لان البيه مش فاضى لمراته وعياله ولان امه زعلانه ان ماجبتش بنت ولان العشيقه اللى كانت معاه وقتها سلطته وشحنته من ناحيتى ان ليه خلفت تانى ما هو اصل معظم امور بيتى كان بيمشيها عشيقات زوجى وامه واللى عرفته مؤخرا ان زوجه اخوه بتعمل لنا سحر باستمرار لخراب البيت ده وده شئ اتأكدت منه بنفسى (اصل استغفر الله ربنا لما يحابيها بجمال الخلقة تماما فكانت شديده الغيرة منى) بعد كده اضطر زوجى دفع رشوه حتى يتمكن من تسجيل الطفل طب ما كان من الأول يا ابن الناس لأ طبعا لازم يطلع عينى ويقرفنى و اخواتى يتدخلوا عشان يعمل اللى المطلوب
منه اغلب أمور حياتى ماشيه بالطريقه دى وسبق ان تتطاول عليا بالضرب فى الشهر التامن من حملى برغم من حساسيه حملى لدرجة ان اخويا اضطر لعمل محضر فى الشرطةواخذ تعهد عليه بعدم التعرض و اصبحنا فى شده الحنق منه نتيجه تصرفاته ...المهم اصيب بعدها بحمى شديده وبرغم ما حدث راعيته وقتها رعايه شديده يعنى بقيت تحت رجليه وتصافت الامور بينا لبعض الوقت
العجيب ان جوزى فى كثير من خياناته يميل الى الستات اللى اكبرمنه فى السن عشان كده انا بقول عليه جنوبى حسب كلام د.ناعمه فى احد قصصها برود ومطر ومايفرقش معاه الكبيره من الصغيره او المطلقه من المتزوجه او بنت البنوت كله شغال يعاشر دى ويصاحب دى ويرافق دى وصل به الامر ان بقى يشاغل مرات مديره فى العمل بعد ان مات والمصيبه هى كمان استجابت له وهى تكبره بكثير ولها مركزها المرموق فى عملها وعندها بنتين على وش جواز وعلى علم بمشاكلى معه لان سبق واشتكينا لمديره فى عمله اللى هو جوزها قبل وفاته لدرجة انى فكرت اكلمها وافهمها بالمحسوس كده انى بعرف كل حاجه وانى مابسكتش عن اى واحده تطولها ايدى تكون على علاقه بزوجى يعنى ارمى عليها بالكلام وفى نفس الوقت اخوفها من الفضايح لكن رجعت فى كلامى لان حسيت ده ممكن يعمل مشاكل وان جوزى ما فييش فايده منه خصوصا بعد ما اتأكدت ان جوزى يتناول الحشيش نعم انها المصيبه الكبرى مش بس طلع بتاع ستات وغشاش وبخيل ولكن طلع حشاش ايوه حشاش وبيلف سجاير وده كان من زمان وانا ما اعرفش وده سبب تطاوله عليا بالضرب وزعيقه بطريقه هستيريه وعينه دايما حمرا و يحجرها لى بطريقه تخوف اثناء زعيقه وكمان بيشرب خمرة وييجى من بره ساعات ريحته بشعه ومش عارف ده ايه لحد مافهمت اصله مصاحب واحد فى العماره استغفر الله العظيم عليه مافيش بينه وبين الدين الا اسمه خمره وبيره ومخدرات ونسوان حاجه تقرف وحاولت معاه قبل كده انى ابعده عنه لكن هو حلف انه مافيش بينه وبين الشخص ده غير السلام وبس طبعا كداب واتأكدت من ده بنفسى واكتشفت انه جايب موبايل وخط جديد فى السر عشان مكالماته اياها مع الستات والبنات ومن اثلاث أشهراوهمنى انه مسافر يوم فى شغل خارج المدينه وراجع نفس اليوم وفعلا رجع نفس اليوم بس آآآآآآآآه منها رجعه رأيت ما لا كنت اتمنى ان اراه وهو يخلع ملابسه رأيت عضه او قبله زرقاء ناحية رقبته نعم انها العضة الزرقاء بتاعت الجنس اللى اى ست تقدر تعرفها بسهوله وحاول يوهمنى انها كدمة نتيجه سقوط شئ ما على كتفه ولكن الى من يقول هذا الكلام يقوله لنفسه معلش او لأى واحده بلهاء عبيطه !اما انا فلا والف لااااااااااااا انا الزوجه المخدوعة المطعونه طول الوقت بخيانات زوجها الغشاش استطيع ان اميز وبسهوله هذه( المصه الو العضه الزرقاء )لقد قرأت عينيك يا زوجى وسمعت نبررة صوتك رغم محاولاته المستميته حتى تثبت لى العكس فان زوجى لديه قدرة فائقه فى التمثيل والكذب ولكن الان اصبحت واعيه تماما لالاعيبه وهذا ما يثير حقده وحنقه منى لانى دايما فاقساه حتى لو لم اتكلم بحرف او لو المح له وكانت هذه الواقعه هى القشه التى كسرت ظهر البعير حاولت كتم دموعى بعينى هذه الليله وهو أخذ يردد مالك؟ تايهه كده ليه ؟عينك زايغه ليه كده؟
ردى عليه طبعا عاوزنى اردعشان يفش غله ويزعق ويقول الكدبتين اللى عنده ويريح ضميره ويخلص لكن ظللت صامته ولا اوجه عينى له ابدا وهو ينظر لى مترقبا منى اى كلمه او حرف حتى يتحسس ما انوى فعله اما انا فلم يكن يشغل تفكيرى سوى ان انام واصبح حتى لا اراه امامى بعد ذهابه لعمله ثم يحلها ربنا طلع الصبح وخرج وتحدثت الى اختى بالتليفون واحسست بشئ فى صوتى وحلفتنى ان احكى لها ماذا بى فانفجرت فى البكاء وحكيت لها طيبت خاطرى و وواستنى على مانا فيه مع هذا الرجل الذى لا يتقى الله فى ونصحتنى بالهدوء حتى أستطيع ان افكر كيف سأتصرف اما اليوم التالى عند انصرافه للعمل وكعادته طبعا عندما طلبت منه نقود
رفض طب اعمل ايه؟وانا معايا عيلين عاوزين ناكل ونجيب بامبرز ولو حدث مكروه لا قدر الله ماذا افعل اتصلت بى اختى حتى تتابع معى الموقف ذكرت لها ماحدث اشتاطت غيظا واتصلت به تنهره فاغلق الخط ثم اتصلت بوالدته فوعدتها بحل الامر على ما حماتى اللى بتحبنى مووووووووووت طبعا تحل الامر يكون مشكله فلسطين اتحلت الاول. طبعا البيه جاء من عمله ليلا وتلكك على اى حاجه ونشبت بيننا معركه تذكرنى بمعارك الثورة التى تطوف الدول العربية الآن وتوعدنى وههدنى انه هايدبحنى وهيجيبنى من آخر الدنيا لو حاولت ترك المنزل ويقطم رقبتى نصين وهيجيب لى اللى يقتلنى تقريبا كان ناوى يؤجر بلطجيه من بتوع الثوره عشان يقوموا معايا بالواجب وشتم وسفل جدا ورمى وألقى بكراسى البيت فى الهواء واضح انه كا زود العيار يومها او ماكنش لاقى الحشيش
اصلا فدماغه ضربت بس برغم ده الحمد لله انه ممدش ايد عليا كانت بقت مصيبه لان طبعا احنا واخدين عليه تعهدفى الشرطة وانهى المشاجره بترك البيت بعد ان هددته بترك العيال حالا وانزل وقلت له كمان انا كرامتى ما تخلنيش استنى معاك دقيقه واحده تحت سقف واحد ولو انا عشت من غير كرامه يبقى ما استاهلش اعيش فى
الدنيا دى ولا اربى عيالى ازاى وامهم مهانه ومذلوله بالشكل ده انا كرامتى فوق كل شئ وعزة نفسى ضاعت امام الناس من تصرفاتك معايا وكسرت نفسى خلاص امام اهلى المهم ترك البيت ساعتها وكانت الساعه 4 فجرا واخد
مفاتيح الشقه معاه عشان يجبرنى الا اترك البيت لانه خاف من تهديدى بترك العيال المهم تانى يوم اهلى عرفوا باللى حصل وجاء نجارا وعمل كالون جديدوبعثنا له برسالة تهديد الا يقترب من الشقة ولا سنضطر لعمل محضر جديد فى الشرطه لانه مهددنى بالقتل وتصرفاته غير مضبوطه نتيجه الحشيش ومكثت فى شقتى باولادى لمده 25 يوما دون ان يرسل طبعا اى مصاريف وارسل اخى لى من الخارج ما يكفينى انا واولادى وامرنى الا اطلب منه قرشا واحدا حتى ينزل ويتصرف معاه ثم جاء زوجى بعد ال25 يوم وخبط الباب بقدمه ورن الجرس بشده تخويفا لى حتى افتح وكان وقتها بالصدفة ابن اختى معى ففتحت الباب له ولما وجد ابن اخى وهو شاب كبير خاف ان يتصرف
اى تصرف طلب منى نسخه من المفتاح الجديد اعطيته حتى لا تشب خناقه بينه وبين ابن اختى وقصرت الشر ونزل زوجى ثم تبعناه بعد قليل متجهة لشقه اختى لم احكى لكم كم السعاده والحريه من الخوف والقيود فى الفتره التى ترك فيها زوجى البيت كنت لاول مره استعيد نفسى ولا حرقة دم ومذلة منه لانه كان يسعده قوى انى اطلب نقودا وهو يتلذذ بأن يرفض ان يعطينى نهائيا او يعطينى اقل القليل تحت الالحاح الشديد ...المهم تدخل
شخص ما من جانب زوجى للصلح بيننا ولكن واضح ان زوجى ممثل بارع اقنع هذا الشخص انه برئ من كل اللى اتهمته بيه وان انا المفتريه طب كنت بدخله ليه من الاول المهم رجعت بعد يومين على امل الصلح لان الشخص اللى تدخل ده اقنعنى ان الامور هتبقى تمام ولكن زوجى عنيد جدا استكبر انه يصالحنى او يكلمنى او حتى نتعاتب وعشنا كأننا اغراب فى البيت لمده شهرين بدون ان يصرف قرشا واحدا او يعطينى اى نقود طبعا اخواتى هم اللى كانوا بيصرفوا عليا انا وولادى حتى ان جاء اول يوم رمضان ولم يترك نقود او يأتى بالطعام اللازم
للافطار اخذت اولادى وذهبت لاخواتى افطر معاهم وقضيت اول خمس ايام معهم واثناء هذا كان فيه مفاوضات ومداولات من جانبنا مع اهل زوجى عشان موضوع المصاريف يا اما نبعتلهم العيال يصرفوا عليهم هم (تهديد طبعا)ده بس اللى خلاهم خافوا واتفق اخو جوزى معانا على ان يعطينى مصروف فى الشهر 800 جنيه والاتفاقات دى طبعا من خلال التليفون لانه رفض يواجه لما طلبنا منهم المواجهة عشان جبان و عارف نفسه طبعا وكمان خصم الاسبوع اللى قضيته بره مع اخواتى اول رمضان يبقى المبلغ 600 جنيه ده كان ناقص يعمل ضرايب على المبلغ ولما قلت لأخوه تخصموا بدل ما تعطونى اللى اتصرف عليا الشهرين اللى فاتوا يقولى هو فيه واحده تاخد من جوزها اللى صرفته ( شوفتوا البجاحه)مش لما انا ابقى انا اللى بصرف مش اخواتى طب وفين قوامة الرجل اللى قالها القرآن طب احترمه ازاى واسمع كلامه واطيعه ازاى والله عجايب يا ناس كل ده عشان يوفر لنفسه ويروح يصرف على هواه وطبعا عند وغيظ فياالمهم رجعت واخذت المبلغ المتفق عليه(600 جنيه) من اخوه شخصيا منعا للمشاكل والى الآن طبعا عايشين وكأننا أغراب لا نعرف بعض تحت سقف واحد وكمان نسيت اقولكم ان اخوه قال ان جوزى هيعتبر نفسه ساكن فى بانسيون طبعا بييجى البيت يتسحر وينام وبس اما الافطار واى حاجه تانيه من طلبات بعملها لوحدى والعيال مسئؤليتى انا وبس وكأنى مطلقه او ارمله وحماتى الله يكرمها خلت الجيران كلهم ياخدوا منى جنب مافيش غير بواب العماره ومراته اللى بيكلمونى وصعبانه عليهم لدرجه انى لما كنت بتزنق فى الفلوس كانوا يجيبولى الطلبات هم ولما ييجى البيه يحاسبوه وكمان بيزعق لهم على كده شكله عاوزنا نشحت على الرصيف!...انا على الحال ده حتى هذه الدقيقه التى اكتب لكم فيها مش عارفه اعمل ايه؟ بستغل رمضان فى الدعاء لعل الله يفرج كربى وياخد لى حقى من كل ظالم وكمان قلت احكى لكم يمكن الاقى عندكن حل لعذابى وانا عارفه انى طولت عليكم قوى معلش استحملونى و اى حد يوصلنى بأى طريقه للدكتوره ناعمه انا قريت عنها كتير فى المنتدى بس عاوزه استشيرها هى شخصيا من خلال المنتدى وشكرا