الثالول في المنطقة الحساسة

[نور بسام]

السلام عليكم ورحمة الله ..

انا حامل في الشهر الثامن وقبل تقريبا شهرين طلع لي حول المهبل مثل النتوء ورحت على الطبيبة وذكرت انه ثالول وصرفت لي محلول مقشر واستخدمته لكن ما راح بالعكس زادت الثواليل وانتشرت في المنطقة وحوالين فتحة الشرج وانتوا بكرامة ..

نفسيتي جدا تعبانة من هالموضوع ..

ارجوكم افيدوني بالعلاج المناسب ؟وهل الولادة الطبيعية خطرة بوجودها ؟
هل سبق احد جرب مثلي ؟ ومتى شفاها الله ؟

 

[وجع غيمه]

رفع للمساااااااااااااااااااعده

 

[همسة جوري]

رفع رفع اتمنى البنات يساعدوونك ... ماعرف ... لو عندي معلومه مابخلت عليييك

 

[برأة طفلة]

اللي اعرفه من صديقه لي انه ولدت بعمليه قيصريه مع ان بامكانها تولد طبيعي بس بيضر الجنين
وتقول بعد اسبوع من الولاده اختفت هذي الثأليل وليس لها اثر وكثير من النسوان بالمنتديات يقولوا هذا الكلام
الله يشفيك ويعافيك ويقومك بالسلامة

 

[نور بسام]

الله يرفع قدركم دنيا واخرة ..

براءة طفلة .. الله يجزاك خير على المعلومات اتمنى انها تروح باقرب فرصة مسببة لي تعب نفسي ومشوهة المكان .. والولادة ان شاء الله ربي يسهلها .

شكرا للجميع واتمنى زيادة معلومات

 

[حزن عميق]

افضل شئ استشارة طبيب الجلدية
​

 

[مجنونة هواك]

رفعععععع

حتى يفيدونك البنات ..

ربي يشفيك عزيزتي ​

 

[classylady]

انا جاني ثالول ببدايه حملي ورحت عند دكتوره جلديه وتناسليه وكوتني المره الاولى ورجعت وعطتني تبريد المره الثانيه
وصرت دايم اتنقع بمره وملح ومويه دافئه وراحت وولدت طبيعي
ومارجعت نهائي وقيل فتره خذيت ابره تحمي من هالفيروس
لانه الثالول فيروس معدي وغالبا يجي من الازواج
خلي زوجك يكشف ويتعالج ضروري
الله يشفيك

 

[نور القمر*نوره*]

انصحك يااختي انك تضعين اصبعك عليها وتحركي بشكل دائري واقري عليها الرقيه الشرعيه وتشطفي بماء مقروء فيه وان شاء الله تشوفين العافيه وكثير ناس اعرفهم يسووا زي ماقلت لك وماشاء الله يطيح الثالول.........الله يشفيك ويقومك بالسلامه

 

[نور بسام]

الله يجزاهم الجنة كل اللي ردوا لي

نور القمر نورة .. انا حاسة انها على سبب وحطيت عليها زيت مقري فيه بس ما استمريت

اما الموية المقرية ما عندي ..

ان شاء الله برقيها ويا رب تروح

مشكورة عزيزتي والشكر ايضا للجميع

 

[Happy soul]

حبيبتي انا مثلك وحامل بالسابع والله نفسيتس تعبانة من كثر التفكير خايفة اكويها تزيد لانها 3

ما ادري وش اسوي توني دريت كانت فيني من شهرين تقريبا بس كنت احسبها حبوب عادية

والله انصدمت وخايفة واليوم رحت للمستوصف كلهم اجازة متى يجي بكرا واتطمئن

انا قريت بالنت ان العسل وحبة البركة تروحها بس هل يأثر على الحمل ؟؟؟؟

الله يشفينا يارب والله خااااااااااااااااااااااااااااايفة

 

[نور بسام]

الله يعين بس .. انا كان واحد والحين انتشرت في المنطقة ..

طبيبتي قالت انها تجي للحامل مع ضعف المناعة وتروح بعد الولادة غالبا

ولما طلبت منها تكويها قالت لازم بنج كامل قلت يكفي موضع بس رفضت قالت ما راح تتحملي وفيه له علاجات قوية بس ما تصرف للحامل ..

اليوم حطيت عليها مرة منقوعة وبشوف النتايج .. ان شاء الله خير

ما اتوقع العسل وحبة البركة تضر كلها حاجات طبيعية ..

 

[ريادي]

الله يشفيك ويعافيك
تولدين بالسلامه

 

[نور القمر*نوره*]

يااختي خوذي ماء شرب واقري فيه البقره والفاتحه والمعوذا وسوره الاخلاص وان شاء الله تشوفي العافيه قدامك

 

[نور بسام]

امين الله يجزاكم الجنة ..

ان شاء الله اقرا بموية واستخدمها .. الله يوفقك

 

[روماسية]

اللة يشفيك
ماعندى خبر