التنظيفات بعد الاجهاض

[عيون عليا22]

:sadwalk:السلام عليكم ياخواتي بغيت استشيركم هذه المرة الثانية على التوالي احمل واجهض وبين الحملة الاولى والثانية ثلاث شهور وبكلا الحالتين سويت تنظيفات بالمستشفى حمالي الاول كان عمر الجنين سبع اسابيع وبعدين بعد اسبوعين توقف النبض واجهضت بالبيت بعدين رحت المستشفى سويت تنظيفات والمرة الثانية صار عندي كيس حمل بس بدون جنين ثمان اسابيع وسويت بعد تنظيفات
الاسئلة::in_love:
-هل التنظيفات خطرة على الرحم اذا كانت ورى بعض؟
_شنوا سبب حدوث حمل كيس فقط بدون جنين؟
_اذا كان الزوج مريض بالسكر ممكن يكون سبب لحدوث حمل بهذا النوع

والله يحفظ خواتي من كل مكروه:c016:​

 

[ماشية بعزها]

الي اسمعو انها ممكن تكون خطيرة
بس انشاالله خير

 

[ياليت اني]

اهلين اختي الله يرزقك قريب ان شاء الله بالحمل السليم
لا ان شاء الله مو خطره ابد بس انتي انتبهي لنفسك زيييييين زيييين بعد التنظيف
لا تلبسين عالي ابد خففييييف كثير ولا تشيلين شئ ثقيل ولا تسحبين شئ
وعاملي نفسك مثل النفاس في الاكل وفي كل شئ ..... وفي كل دوره بعدها لمدة ثلاث دورات
انا اجهضت مرتين وتوقف النمو مرتين وسويت خلالها 3 مرات تنظيف
مره بس اللي ما سويت والحمد لله على كل حاااال كل شئ بأجره وان شاء الله انها خيره
والله يعوضني خير يارب
اكثري من الاستغفاااار والتصدق بنية الحمل السلييم واكثري الدعااااء والله يكتب لك الخير
وبالنسبه لزوجك والله ما عندي خلفيه

 

[فلاسيه وبس]

حبيبتي روحي عند طبيبة نساء اتكون شاطره علشان اتسوي لج فحص كامل اولاتنسين الدعاء اللهم لاتذرني فردا واكثري من الصدقه وقراة سورة البقره مع اليقين بان بعوضج خير او بشوفين اعيالج بس تفاءلي بالله خير

 

[محرومه من زوجي]

اهتمي بوقت التسقيط..واعتبريك نفاس.................
وكمان الدورات التي تلي التسقيط اهتمي فيها..

 

[Tatoo]

اهتمي بوقت التسقيط..واعتبريك نفاس.................
وكمان الدورات التي تلي التسقيط اهتمي فيها..

صادقه اختي وربي يعوضك مافي خطر انا اجهضت اربع مرات وسويت تنظيفه مرره وربي يعوضنا انشالله مافي مضار بس اهتمي بحالك والحمله الجايه لاتخبري احد ولاتتحللي وكثري الأستتغفار وربي يرزقك

 

[عيون عليا22]

:a194:اشكر كل خواتي الحبيبات اللي دشوا ومابخلوا علي بالنصيحة المفيدة والله يجعله في ميزان حسناتكم يارب والحوامل الله يتمم حمالهم ويفرحهم بالذرية الصالحة ويرزق اللي ماحملوا ويبعد عنكم كل مكروه

 

[أم ايلانه]

استخدمي حمض الفوليك واسبرين بيبي بعد الاجهاض حتى تحملين استخدميهم بالاضافه للفيروقلوبين مرررررره ممتازه وان شاء الله بيكتمل الجنين

 

[رعبووب555]

انتي اضافة لانهم سوولج تنظيف في المستشفى نظفي نفسج لما تييج الدورة
اقصد بأن تشربين اشياء حارة عشان تتنظفين اكثر لان اختي سقطت مرتين ورة بعض المرة الثانية كان في بقايا من المرة الاولى مع انهم في المستشفى نظفولها وقالوا خلاص ماباقي شي

واسألي الدكتورة اذا تحتاجين فترة للراحة من الحمل عشان الرحم يرتاح

وسوي فحوصات عشان تعرفين اسباب التسقيط عشان تتفادين المرة الجاية
واذا لا سمح الله فيج مرض عشان تتعالجين

واهم شي وكلي امرج لله وارقي نفسج بالرقية الشرعية وايات الشفاء مدة 7 ايام

 

[عيون عليا22]

انشاالله ياقلبي جزاكم الله خير

 

[هند بنت عتبة]

اتوقع حبيبتي لو تعملين فحوصات فالمستشفى لمعرفة اسباب الاجهاض

 

[وأورق الشجر]

اهتمي اختي بنفسك والله يعوضلك وحاولي تاخذين فترة راحة

 

[AUDI]

سلامتك يا عيون ..... وانا عندي نفس تساؤلك عن سبب حدوث الكيس بدون حمل لانها صارت معي وقبلها اسقطت وسويت تنضيف وكالا المرتين نفس العمر 7 او 8 اسابيع والسبب مجهول وللا سف حتى الاطباء مايفيدونا !!!! وللعلم انه كان عندي اطفال وبعدين صار اجهاضين !!!!!