انا عندي طريقة تهببببببببببببل تجنن الحين اسدحها لعيونك بس لا تنسيني من الدعوة الحلوة اللي قلتي عليها :
1- تقطع الدجاجة الى 8 اجزاء كيف لا تسألين المهم اي عدد ههههه وبعدين تبهر بالفلفل الاحمر - الشطة - والملح والكركم فقط وتقلي حتي يكون لونها ذهبي .
2- يقطع البصل حلقات ويقلى وممكن تضيفين بطاطس مربعات وبعض الصنوبر وقليل من الكاجو .
2- يسلق الارز نص سلق في ماي وزيت وملح .
3- توضع خيوط الزعفران في كأس ويضاف عليها عصير ليمونه والباقي ماء الا ان يمتلى الكأس .
4- تبدا في خلطة الدجاج :
2بصل متوسط مربعات و2طمام متوسط مربعات في شوية زيت الا ان يذبل وبعدها نحط الدجاج المقي عليها وتضيف التالي علبة ونص زبادي بهارات حسب الرغبة مع ورق الغار وبقدونس والكزبرة و شطة حسب الرغبة لما تخلص الخلطة وتحسين انه الكل اكسب ريحة الخلطة وتمازجة المكونات وصار الزبادي مثل الصلصة المتماسكة ارفعية من النار .
5- في جدر كبير ضعي طبقة من الارز فوقها طبقة من الصلصة والدجاج وبعدها انثري قليل من البصل ملاحظة استخدمي نص كمية البصل المقلي فقط وهكذا الا انه تنتهي الكمية .
6- قومي بعمل ثقوب وصب الليمون والزعفران في الثقوب وبعدها غطيه بورق المونيوم وحطية على اصغر ناااااار الا ان يحين موعد التقديم يعني تقريبا نص ساعة .
7- لما يحين موعد التقديم حطي الارز في صحن التقديم وزينة بالبصل المحمر والبطاطس المقلية والمكسرات . وصحتين وعااااااااااااااااافية بالهنا يا رب
اتمنى اني آفدتك وهذي طريقتي
