البطارية فااااارغة .................الرجاء المساعدة

[بلقيسية حزينة]

السلام عليكم ورحمة الله
حياتي يابنات مدحدرة بقوة
تعبت وخارت قواي أسال الله العون نفذت الطاقة عندي من كثر الشغل أنا طالبة جامعية عندي ولد عمرة سنة وعشر شهور فية جميع ألوان الفساد لدرجة أن البيت مايترتب الإ إذا نام عاد إذا قام صار البيت مقلوب من أولة إلى أخرة ماعندي شغالة ولله الحمد بس والله تعبت
تخيلوا أرحع من الحامعة أطبخ الغدا وما أخلص من الغسيل والترتيب بعد الطبخ إلا أذن العصر أصلي وأقوم أغسل وأكنس وأرتب ويأذن المغرب وبعد الصلاة أروح على المذاكرة وبعدها طبخ العشا وما أحس بالوقت إلا الساعة 11 أو12 وأنا هلكانة يادوب أشوف طريقي وأناااااام وأقوم قبل الفجر أجهز ولدي وأتجهز للدوام ويبدأ يوم شااااااااق آخر
أرجو من اللي مجربة الدراسة مع وجود طفل تقول لي عن جدولها كيف كان أو أقترحوا علي جدول يسهم في التخفيف من معاناتي جزيتم الجنة

 

[دلع تميميه]

الله يكون بعونك خيتوو

ان شاء الله البنات يفيدونك

 

[كالفورنيا]

مالك خيار الا تجيبين شغاله تشيل عنك
عندك التزامات كثيره صعب التوفيق بينها جميعاً
الله يعينك أحتسبي اجرك أختي

 

[نور زوجها]

الله يعينك

 

[الملاك 2010]

ألله يكون بعونك

 

[ارجوان2011]

عزيزتي حاولي الغسيل والكنيس خميس وجمعة والغدا سوي ايدامات اومكرونة من الليل والعشا خليه دايم خفيف يعني سندوتشات واستعيني بالله ولا تنسي التسبيح والتحميد والتكبير 33 قبل النوم لانه خير لك من خادم بمافي معنى الحديث

 

[عذبهم غروري]

انا نفس حالتك جامعيه وعندي ولد عمرة سنه ونص..
ارجع من الدوام 2الظهر ويكون ولدي صاحي من الظهر..
أجهز الغداء ويكون حاجه خفيفه..احيان انام بعد العصر للمغرب واحيان ماأنام..بس الأهم انوم ولدي قبل المغرب بشوي ساعه او ساعه ونص يريح من الفرفره في البيت...وبعدين قبل العشاء بشوي أجهز العشاء
ومن بعده الى الساعه12فاضيه اسوي فيها اشغالي غسيل وكوي وغيرها...يوم الثلاثاء يكون تنضيف البيت..وغسيل الملابس اغسل كل 3 ايام علشان ماتتراكم ..احيان اكوي على طول واحيان مايكون فيني حيل...فاكويها اليوم اللي بعدة..لمن يكون علي اختبارات اقسم المنهج لقسمين..
وبالنسبه لاهتمامي بنفسي ..يكون في الايام اللي عندي فيها أوف ..
نظام الجامعه مريح اكثر من المدرسه لان المدرسه ..واجبات واختبارات كل يوم..ومرررررة ضغط مع الزواج والمسؤليه...الجامعه اريح بكثير...
لا تتلاحقين ولدك في كل مكان انا كنت ماأبيه يخرب شئ ..ووراه وراه..تعبت ماأقعد...الحين اسكر الابواب واشيل عنه كل شي مضر واخليه يسوي اللي في راسه ..ارتحت شوي...
واتفقي مع زوجك انو يكون الغداء سانتدوتشات او مكرونه ..اي شئ خفيف عليك...والعشاء يكون كبسه بما اني سعوديه ..ماأدري عنك يناسبك...
وخلي زوجك شوي يتحمل معاك المسؤليه مثلا تقولين له ..تكفى يأبو فلان ..امسك الولد ..لحد ماأذاكر ..او ود ملابسك للكواي ...او ممكن تكنس الصاله لحد مالغسل المواعين علشان نقعد بعدها على الشاي سوا...او اي شئ ممكن يساعدك فيه ..اذا كان من اللي مايعتبرون المساعده عيييب...
طولت عليك ..وانا بالخدمه لو عندك سوال ع الخاص...

 

[يار]

الله يكون بعينك

 

[sesebombom]

المفروض تتفاهمي مع زوجك يساعدك ويخفف عليكي الحمل
يعني غساله اوتوماتيك الكوي عند الكوى ازا تعبانه الاكل من بره
او تجيبي شغاله بالاسبوع مرتين تخفف عليكي الضغط
احنا بالبيت ومو ملحقين عالشغل الله يعينك ويعينا

 

[&زهرة القرنفل&]

شوفي حبيبتي انا جربت الدراسه مع الاطفال بس كانت دراستي العصر مو الصبح كنت ادرس دبلوم برمجه المهم انا عندي ولدين ..
طبعا الدبلوم مدته سنتين بس انا اخذته في ثلاث ونص خخخخخخخخخ.
لاني اجلت سنه على ولادتي بالثاني وروحتي لاهلي لانهم في مدينه ثانيه المهم مااطول عليك بس بصراااحه كانت السنتين هذي عذاااااب بالنسبه لي وخاصة اني رجعت كملت ولسه ولدي الثاني صغير عمره 5 شهور وكنت اخذهم الاثنين معي لان فيه حضانه بس تعب وهم وقلق ...
المهم بما ان دراستي كانت العصروكنت ارجع اليت على العشا طبعا في البدايه راح تتلخطبين وماتعرفين تنظميم وقتك بس الحمد لله بعدين نظمت وقتي اصحى الظهر واصلي واشتغل في البيت واطبخ الغدا واخلص اشغالي ويجي زوجي من الدوام ونتغدى واغسل الصحون يعني مااطلع من البيت الا هو نظيف ومبخر كمان لاني عارفه بارجع تعبااانه وهلكاانه يعني كان يجيني نشاط لاني عارفه ان وراي روحه .
طبعا ارجع ارتاح شوي اتقهوى واتعشى واعشي العيال يلعبون شوي وينامون واذا عندي مذااكره ذاكرت وهكذا ...
واللحين الحمد لله خلصت وعدت السنتين على خير ..
واللحين أ كمل دراستي الجامعيه بس انتساب <<<< طموووحه الاخت...
بس حبيبتي اذا انتي ماتبغين الشغاله عادي شوفي الشغالات اللي يشتغلون باليوم او الساعه بترتاحين شوي..
وكمان حاولي تنيمين ولدك في العصر وتتفرغين للمذاكره والشغل حاولي تقسمينه على الايام اريح لك مثلا خصصي لغسيل الملابس يوم او يومين في الاسبوع ..
واذا كان بيتك كبير تحاولي تكون جلستكم في غرفه وحده بس وباقي الغرف قفليها انا كذا مسويه تخيلي الغرف مقفلتها بالمفتاح عشان مايدخلون ويحوسونها لي..وكمان حاولي انك تخلصين شغل المطبخ اول باول يعني لاتجمعين الصحون يعني وانتي تتطبخين الغدا والغدا على النار كملي باقي الشغل واغسلي الصحون يعني بعد ماتتغدين بس تغسلين صحون الغدا وبس ترتاحين ..
بالتوفيق اختي وااسفه على الااطاله عاد انا اذا فكيت فمي ماعاد يتقفل ...

 

[دمعتي ماركه]

شوفي انا عندي لك طريقه

اذا جاء يوم الخميس او الجمعه سوي كشنه للطبخ خذ ي بصل وطماطم وفلفل بارد وسوي كشنه تكفيك مثلا شهر كامل وخلا ص على كذا بترتاحين بس اللهم تطلعينها وتحطين صلصه طماطم وارتاحي
وبالنسبه للالعاب شيليها مثلا الالعاب اللي اذا طاحت على الارض عبت المكان خلي له العاب قليله
وبعددين بالنسبه للفرن حطي قصدير وخليه ومتى ماجاك احد شيليه او غيره كل اسبوع والحمامات خذي ديتول مع داك واخلطيهم مع بعض
ومثلا اذا دخلتي الحمام بس حطي مويه وصبي الديتول وريحي راسك وعلى ذا كله بطلع الحمام نظيف وريحته حلوه والغسيل خليه يوم الخميس الصباح غسلي وفي العصر كوي مو شرط تغسلين بااستمرار وحاولي تبخرين البيت كل عصر او مغرب يوميا او بعد يوم او يومين
يعني حاولي انك ماتخلين الشغل يتراكم عليك وريحي راسك
ترى مو شرط كل يوم تطبخين يعني حاولي ان كل واحد يتغداء في مكان عمله احسن واريح بس تجين تنامين وترتاحين
اتمنى اني اكون افدك

 

[&زهرة القرنفل&]

ومثل ماقالوا البنات خلي عشاك شئ خفيف بدون طبخ والغدا حاولي تجهزين نصه من الليل اريح ..

 

[الزهر الجوري]

الله يعينك عزيزتي حاولي تقسمي وقتك الغسيل ف الاسبوع 3مرات والغرف الي ما تحتاجيها قفليها وشلي كل شي تخافين من ولدك وبعد ما ينام رتبي والغداء حاجة خفيفة او انك وانت تسوي العشاء جهزي مقدمات الي ممكن تنحط بالثلاجة للغداء والل يعينك وكمان خلي زوجك يساعدك موفقة ...

 

[جينجر]

:8:الله يكون بعونك احنا باالبيت ومو ملحقين ع الشغل

 

[جورية بيتي]

شو اقولك انا حالتي اصعب منك ادرس في الجامعة ولدي 3 اطفال تؤام عمرهم سنة وسبعة شهور وبيبي 4 شهور ومغتربه يعني لا ام لا اخت لا اي حدا يساعددددددددددددد. بس الحمد لله ا احاول انظم وقتي . التنطيف الشامل يوم بالاسبوع باقي الايام تنظيف بسيط وكذلك الغسيل والكي يبقي الطبخ انا اطبخ مرة وقت الغذاء والعشاء سندويتشات اطبخ قبل اروح للجامعة .
بالنسبة لولدك حاولي تنظمين وقت نومه بالساعات.في اثناء نومه قومي باللتنظيف, الغسيل , الطبخ اي شي اما بالنسبة للدراسة انا ادرس لما ينام التؤام بسلامتهم فانا انيمهم الساعة 8 واجهز العشاء لزوحي اما انا من التعب لا اتعشي ههههههههههههه. واخلي البيبي بجانبي وابدا ادرس وان شاء الله ربي يساعدك

 

[Fushia Girl]

غآليتــي أول شي أذكرك بحديث

حدثنا مسدد حدثنا يحيى عن شعبة قال حدثني الحكم عن ابن أبي ليلى حدثنا علي أن فاطمة عليهما السلام أتت النبي صلى الله عليه وسلم تشكو إليه ما تلقى في يدها من الرحى وبلغها أنه جاءه رقيق فلم تصادفه فذكرت ذلك لعائشة فلما جاء أخبرته عائشة قال فجاءنا وقد أخذنا مضاجعنا فذهبنا نقوم فقال على مكانكما فجاء فقعد بيني وبينها حتى وجدت برد قدميه على بطني فقال ألا أدلكما على خير مما سألتما إذا أخذتما مضاجعكما أو أويتما إلى فراشكما فسبحا ثلاثا وثلاثين واحمدا ثلاثا وثلاثين وكبرا أربعا وثلاثين فهو خير لكما من خادم

ثانيــــا
اذا عندك ميزانيه جيبي غسالة صحون+غساله ملابس اتوماتيك+ نشافه
راح تخفف عنك الغسيل والكوي وغسل المواعين.

ثالثـــا
اذا زوجك يحب الرز اطبخي اللحم او الدجاج من الليل..
اذا يحب التنويع ..اسلقي دجاج ونتفيه وحطيه في اكياس للشاورما..جيبي هامبرجر جاهز بس يحتاج قلي وانصحك بالمشوي عشان تحمرينه وتتجنبين الزيوت...جيبي خبز تورتيلا وخزنيه في الفريزر..سوي عجينه وقسميها على قد البيتزا وخزنيها في الفريزر..واشتري الصلصه الجاهزه حقت البيتزا وحطي معها نقانق وجبن موزريلا.

اتفقي مع زوجك كوي الثياب والشمغ برى البيت

في دورة المياة حطي علبه فيها صابون وديتول وكلوريكس واذا دخلتي تاخذين شاور غسلي الحمام سريع سريع..

واذا اهلك قريبين جيبي شغالتهم كل اسبوع تنظف تنظيف عام..او جيبي شغالة بالساعات تنظف لك

الله يسهل عليك ياآآآآرب
​

 

[حلم احلامي]

حبيبتي قرات موضوعك ..بس ماشدني الموضوع قد ماانتبهت من اسلوب كلامك
على ولدك الله يحميه ويخليه ,,إنك ماذكرتي الله قولي ماشاء الله الصلاة على النبي
على شقاوته..مرات الإنسان يتجاهل عن ذكر اسم الله في المدح او الذم..
الله يوفقك