..
السلام عليكم يابلقيسيـات ..
والله انتم تخلون الوحدة تدمن على هذا المنتدى ، بصراحة قصص واقعية وردود رائعة وتفاعل يبرد القلـب ..
مافيه قصة هنا اقراها او استشارة الا واستفيد منها ، بس اكيد ما القى فايدة مثل ما اقص عليكم قصتي ، وتقرون احداثها وتحللون بخبرتكم اسباب المشكلة اللي انا الحين واقعه فيها ..
ربما ان السبب في المشكلة هو هدف زواج زوجي مني ،
اقول لكم القصة من اولها ، وانا أدرس في اخر سنة من الجامعـة ،،
جاء زوجي للوالد يخطبني
وكان شاب مطلق عمرهـ 32 سنـه ، طلب ابوي منه مهله للسؤال عنه وبعدها يرد عليه ،
تكفل واحد من اقاربي السؤال عنه ، والخاطب عليه علامات الدين والصلاح ، وهذا سبب تعلق قلبي به ..
سأل عنه امام مسجد الحي ، وكان له قرابة بـ زوجته السابقـة ،
الامام هذا راح واخبر اهلها بان " فلان " ناوي الزواج وفيه شخص جاء يسأل عنه ، بعدها طلبو منه انه يرجع بنتهم ، وتوسط ناس بينهم ، للعلم ان هذا الشي مادريت عنه الا بعد زواجي منه
وبعد ما سألنا رد عليه أبي بالموافقـة : لكن بعد الرؤية الشرعية كان يتكلم مع ابوي ( وانا اسمعه ) اخبر ابي ان عنده بنتين صغار
الكبيره عند امه العجوز والصغيره عند امها ، اذا كبرت بيجيبها عنده حسب ما اتفق هو مع ابوي ..
انا بعد مادريت ان عنده بنتين احترت وبكيت ! وصليت الاستخارة اكثر من مره !
حسيت تقريباً براحه ........... وتم الزواج ..
طلب من ابوي انه يأجل الزواج وكان قصده بكلامه هذا انه بيتراجع عن الزواج مني ، لان كان يبغى زوجته الاولى ترجع له ولبناته
وهذا مادريت عنه الا متاخر ، لكن ابوي اصر عليه انه يتصرف ، لاننا حددنا موعد مع المعازيم ..
تم الزواج وسكنا في شقة مستقله في بيت ابوه ، وشفته يتردد على بنته عند اهله ويوميا يتغدا معها ، ويطلب مني انزل عندهم ، وماشرا اي شي من مقاضي البيت ،
وكأنه مخطط اننا كل يوم نتغدى معهم ، على شان يكون قريب من بنته ، بعد ماعلمت اختي باسلوبه هذا قالت لي انتم توكم معاريس
لازم تجلسون مع بعض علشان تفهمينه وتعرفين كيف تتعاملين معه ..
اعجبني كلامها وطلبت منه نفس الشي ، بعد مارجعت من اهلي مباشرة ، هو فهم من كلامي اني ما ابغى بنته ولازم يصرفها عند احد ..
قال عطيني مهلة اسبوع افكر وبعدها اقرر ولازم ترضين بالقرار / وكتب هالكلام في ورقة كإثبات .. وانا وافقت على كلامه
ماكنت ادري ان القرار بيكون مصيري وصعب علي جداً ..
وش تتوقعون بيسوي ؟!!
بيرجع زوجتـه وانا توني عروس مالي إلا اسبوعيـن متزوجـه ..!!!!!
اذا شفت منكم تفاعل ، كملت ، ياليت والله محتاجتـكم
