الاهل والاصدقاء والاستشارات الزوجيه

[@ام حمدان@]

شخباركم اخواتي

اليوم بتكلم وياكم في موضوع مهم انا مريت فيه والاغلبيه نفسي يمرون فيه
اخر مشكله صارت بيني وبين زوجي لما شفته يمدح جسد امراه اجنبيه
جيت كتبت لكم المشكله
ومن التعب النفسي استشرت صديقه لي
قالت لي طنشيه وطاف ولا تسوين له سالفه
وصدق سمعت كلامها وطنشت زوجي ولاحظت ان هو بعد طنشني ولا همه واذا سال يسالني عن بنته بالواتساب وارد عليه بالقطاره
وخلاف ماصار يرمس ولا يتصل
تظايقت حسيت روحي محتاجه زوجي صج انه غلط بس محتاجته اباه يحس بغلطه بس بعد محتاجته هو بعيد عني
ولما طنشته طنشني زود

قلت لصديقتي هذي اني ابا اكلمه قالت لي كيفج سوي الشي اللي انتي مقتنعه فيه
قلت لها انتي كنتي تقولين طنشي
قالت مب لازم تسمعين كلامي بكل شي
صج صدمتني وحسيت روحي هبله
احترت ماعرف شسوي محتاجه زوجي كاي زوجه تحتاج زوجها بس بنفس الوقت اباه يحس بغلطه ماعرف شسوي
شيرو علي

 

[Smoalthat2244]

من المعروف ان الله سبحانه وجهنا لمن نستمع ونشاور بقوله اسألو اهل الذكر ان كنتم لاتعلمون
يعني اهل العلم والمشوره من العلماء والمختصين مو كل من هب ودب
لما زوجك مدح جسم الحرمه معناها يبيك تفهمين انه يحب الجسم الحلو فهي طريقه غير مباشره معناها يبيك تعدلين جسمك انحفي او شدي هذا مقصد زوجك من مدحه يبيك تفهمين انه يبي جسمك حلو
لكن الحريم يفهمونها اهانه وقهر وتجلس تبكي وتقهره وتعايره كرده فعل لترد كرامتها يعني وش الافضل يقولك فلانه جسمك موعاجبني غيريه او تسنعي ولا يقول شوفي هذي جيمها حلو معناته ابي جسمك حلو
فهو راعى مشاعرك ماقالها بوجهك قالها بطريقه غير مباشره لأجل تفهمين ان جسمك موعاجبه
الان اتصلي عليه عادي وكلميه ولاتحسسينه بشيء ولاكأن صار شيء بالعكس المفروض تشكرينه لأنه راعى مشاعرك وماجرحك ونصحك بطريقه غير مباشره

 

[@ام حمدان@]

من المعروف ان الله سبحانه وجهنا لمن نستمع ونشاور بقوله اسألو اهل الذكر ان كنتم لاتعلمون
يعني اهل العلم والمشوره من العلماء والمختصين مو كل من هب ودب
لما زوجك مدح جسم الحرمه معناها يبيك تفهمين انه يحب الجسم الحلو فهي طريقه غير مباشره معناها يبيك تعدلين جسمك انحفي او شدي هذا مقصد زوجك من مدحه يبيك تفهمين انه يبي جسمك حلو
لكن الحريم يفهمونها اهانه وقهر وتجلس تبكي وتقهره وتعايره كرده فعل لترد كرامتها يعني وش الافضل يقولك فلانه جسمك موعاجبني غيريه او تسنعي ولا يقول شوفي هذي جيمها حلو معناته ابي جسمك حلو
فهو راعى مشاعرك ماقالها بوجهك قالها بطريقه غير مباشره لأجل تفهمين ان جسمك موعاجبه
الان اتصلي عليه عادي وكلميه ولاتحسسينه بشيء ولاكأن صار شيء بالعكس المفروض تشكرينه لأنه راعى مشاعرك وماجرحك ونصحك بطريقه غير مباشره

اختي انا حامل حاليا عسب جي ما اقدر اسوي دايت
ثاني شي هو مانصحني ولا قالها قدامي
هو كتبها بموقع اجتماعي لوحده لابسه بس قطعتين وقاعده عالبحر
وواشمه على اجزاء متفرقه من جسمها
وانا شفت كلامه لها بالصدفه
عشان جي زعلت وحز بخاطري صدق
اذا قالها بوجهي ممكن ما اتقبل بس بكون عاديه وبفهمه ان انا الحين فمرحلة حمل وبسوي دايت عقب الولاده
عشان كذي
مش عارفه كيف اكلمه

 

[inlove]

بالنسبة لي انتي مكبرة الموضوع وايد
عادي الريال يحب يشوف ندري حرام بس هذا الشيء يحتاج توعية دينية
من وجهة نظري لا تشغلين نفسج وايد بهالامور ولا تستهلكين طاقتج وايد بالزعل
وبعدج عن زوجج هو خسارة لج واعطائه فرصة اوسع للنظر لغيرج
ممكن تقولينها بطريقة مو مباشرة جنج ما شفتيه
تقولين زوج رفيجتي يعلق على صور الممثلات واهيا يانه وفاعدة
وانا قاعدة اقول بقلبي الحمدلله زوجي مو جذي
تروالك ليش زوجها يسوي جذي
بيعطيج السبب اللي خلاه يشوف وبيبدي ينتبه انه ما يشوف


وفي حالتج انا انصحج انج تبدين تكلمينه عادي كأن ما صار شيء
وفي لحظة شاعرية بينكم قوليله اني وااايد احبك واغار عليك ودي ما يشوفك الا انا
واغااار اذا سمعتك تمدح وحده لاني احسك شيء يخصني وودي اقطع اي مرة تروح عينك عليها
بس انتبهي قوليها بحب وانكسار مو هواش وزعل وهو بينتبه لنفسه

تذكري الزوج بشر حاله حالج مثل اللي يأثر فيج يأثر فيه

موفقه
وبالنسبة للصديقات والاهل انصحج ما تتكلمين لهم لسبب انهم بيكرهونه
و انهم بيظلون ينظرولج نظرة الرحمة انج مسكينه
حتى لو تصالحتي مع ريلج
اما عن انج تتبعين كلام الناس فوين نفسج ؟
انتي وين رابج بتلموضوع سمعي الاراء وحكميها وقرري اللي يناسبج

 

[@ام حمدان@]

مشكوره اختي عالنصيحه والله استفدت من كلامج ما قصرتي