القلب يحزن والمدامع غزيره
وفي جوفي ناراً من لهبها تباكيت
والدار ضلمى كانت امي تنيره
يايمه وينس مندونس خلا البيت
قلبي تفطر على الفرقا المريره
امنت بالله وبقداره تراضيت
الموت حق وكلاً له مصيره
وموت النبي قبلس يايمه تعزيت
هاذا جلالس وريحس في عبيره
كل يوم اشمه ولاشفته تهنيت
صوتس يايمه يامحلى اثيره
حنانس يمه يخليني تدفيت
يايمه منهو اجيله واستشيره
يعدلني لاشف الصواب وتنحيت
يايمه كلاً يناظرني بحيره
من يوم رحتي واناللي ماتواسيت
أأأأه يايمه النظرات الاخيره
مليت كفي تراباً ثم حتيت
ابشري يمه بدعواتاً كثيره
كل ماذكرتس ولرحمن صليت
