اكتشفت رقم في تلفون زوجي

[كشخة دبي]

السلام عليكم
خواتي ببدى في موضوع
على طول لاني تعبانه نفسيا ودي اصيح ومااسكت
البارحه فتحت تلفون زوجي عشان اضبط المنبه يه مسج
حب باسم غريب؟؟
وانا جايفه هالاسم من قبل بس شكيت قلت اخذ الرقم واتصل
اتصل وطلعت بنيه
كيف اوجه بس اخاف يقول ليش تنبشين بتلفون هاي المشكله وانا ودي اقوله بس خايفه ومتردده
وماعرف كيف ابدى بليز خبروني لاني صدق بحاله مايعلم بها الا الله بلييييييييييييييييز:sadwalk:

 

[كلي هموم]

يالله حااله صعبه

انتي حاولي تقولين له الرساله بطريق غير مباشر بس انتي لاتواجهينه لانه بعدين مابيخاف منج وبياخذ الامر عادي انتي حاولي تقولين له وتخوفينه بعواقب الخيانه وانه بترجع على بناته او قريباته والله يكون بعونك خيتي كشخه

 

[أ ب ت ث]

مممـ يمكن لو واجهتيه يقلب السالفه عليج { ليش تفتشين جوالـي } ؟


بس يعنـي مثلا انصحج تقولين له .. انا اعرف وحده صارلها مع زوجها كذا وكذا ..

ولو أحط نفسي مكانها و عرفت انك سويت هالشـي ماتم معاك دقيقـه وحده ..

يمكن يخاف ؟ وزيـدي شوي من عندج نصايح .. واهتمي بنفسج لاتهملين روحج ..

والله يسخره لج ان شاءالله

 

[*روعة*]

الله يكون بعونك
صاروا يسمون الخيانة جرثومة العصر
اول شي عليك حبيبتي بالدعاااء هذا اقوى سلاح
واحس المواجهة بدري عليها دليلمك مو قوي
وصدقيني ماراح يعترف لك وبيقولك انا غلطت كلللهم كذا
وحاولي تجمعين معلومات عن صاحبة الرقم وتراقبينه من بعيد بحيث مايحس فيك
واذا كانت ادلتك قوية وجاهزة واجهيه وخليك قوية وحسسيه انه ممكن يخسرك
لكن لاتتجاهلين الموضوع ابداً لانهم كل اذاتغاضىت الوحدةعنهم زادوا
الله يرفع عنك ويهدي لك زوجك

 

[قرة عيني]

الله يهدي زوجج ويبعد عنه بنات الحرام اللي مايصدجن يلجن ريال ....

 

[كشخة دبي]

هلا خواتي انا وجهته لاني ماقدرت امسك دموووووع

وهههههههههههههههههههههههههههههههههه
طلعت السالفه ربيعه مرقم من تلفونه واتصل في ربيعه وحطه سبيكر وانا الحين مستانسه والله يبعد عنا بنات الحرام

 

[تصبيره]

الحمدلله بس الواجب انه ما يسمح لربيعه يستخدم جواله وربيعه اصلا ما عنده ذووووووق ما يخاف من المشاكل اللي ممكن يسببها لكم

 

[نجوم الليل]

حبيبتي انا ما بزيقج ...
بس الريايل دايما اعذارهم زاهبه .... كله ايردون على الربع ...
بس انا بقولج وحده استوالها نفس الموقف وحد من المستشارين قالها لا اتفكرين اتواجهينه لانه بيتهرب وبيتعذر شراات ريلج ...
اهم شي انج اتعرفين ريلج وخيااله وليش يفكر ايخوون .. يعني بمعنى اصح كوني الانثى الي في خياله

 

[زوجي وبس]

:icon30:

حبيبتي انا ما بزيقج ...
بس الريايل دايما اعذارهم زاهبه .... كله ايردون على الربع ...
بس انا بقولج وحده استوالها نفس الموقف وحد من المستشارين قالها لا اتفكرين اتواجهينه لانه بيتهرب وبيتعذر شراات ريلج ...
اهم شي انج اتعرفين ريلج وخيااله وليش يفكر ايخوون .. يعني بمعنى اصح كوني الانثى الي في خياله

 

[ميوسه]

صحيح انتبهي اكثير

هذا عذر جاهز يخليه انو صديقه اللي مسوي االحركه

يعني صديقه ماعنده موبايل؟؟؟؟؟؟؟؟؟؟؟؟؟؟ظ

 

[معلمة عربي]

ياحياتي حاولي تقولين لامه او اخته الكبيرة ان كانهم متفهمين,, ياعمري والله حاسه فيك لاني مره جيت فجأة عند زوجي وهو عالنت قام تلخبط وسكر اللي قدامة بعدها شكيت انه يحدث بنات لانه يسهر عالنت ويقولي روحي نامي ,, قولي آمين الله ياخذ هالبنات اللي ماعندهن غير المعاكسات ويشغلهن بطاعته،،

 

[ذكريات الطفوله]

الله يسخره لك يارب ويبعد عنه بنات الحرام

 

[ذكرياتي]

عذر اقبح عن ذنب...

ألعب غيرها يا صحبي

 

[أم مصرية]

إياكى تصدقيه بيضحك عليكي يا ماما

 

[جنون الكون]

الله يعينك يمه يمه لو انا اجيب عاليها واطيها

يمه الله يستر الله لايجيب ذاك اليوم الا اشوف فيه زوج المستقبل مسوي كذا ولا وحده من اخاوتي المسلمات يارب

 

[gara3]

حبيبتي انا ما بزيقج ...
بس الريايل دايما اعذارهم زاهبه .... كله ايردون على الربع ...
بس انا بقولج وحده استوالها نفس الموقف وحد من المستشارين قالها لا اتفكرين اتواجهينه لانه بيتهرب وبيتعذر شراات ريلج ...
اهم شي انج اتعرفين ريلج وخيااله وليش يفكر ايخوون .. يعني بمعنى اصح كوني الانثى الي في خياله[/quote

صراحه عذره مو مقنع بس لا تضيقين خلقج ولا يهمج اهوا ايحبج وايموت عليج وهذي فترة وتعدي انشالله
، وكلللللللل الريايل جذيه والدين منهم يتزوج ثانيه وثالثه بعد

 

[فراشه بنفسجيه]

ههههههههههههههه

اسفه لااني اضحك بس ايش اسوي والله الرجال ذول ماعندهم سالفه
واحنا معطينهم حجم اكبر من حجمهم انا مريت بنفس الي انتي تمرين فيه
بس مالقيت فايده لااني من البدايه حاولت اتجاهل واسوي مغمضه واصدقه
ومافي مثله بس كل وحده وعلى حسب الظروف الي تمر فيها تقدر تقدر الي معها
الله يفرج همك وهم كل اخت مسلمه ويسخرلكل وحدهالخير يارب ويسعد ايامك وايام كل الاخوات يارب

 

[ألود]

لا بصراحة هاذي حلوة ... هههه أونه ربيعي مرقم البنية ... أوكي ربيعك رقم البنية شو دخل رقمك إنت بالموضوع؟؟؟!!!! لا يمكن المسكين كل ما بغا يكلمها يقول لزوجك ممكن تخلي موبايلك عندي الليلة أبا أكلمها ... صاير ريلج مرسال غرام :icon26: ما شاء الله عليه ...

وإنت مسكينة على ويهج صدقتيه على طول ؟!!! حبيبتي حبنا لأزواجنا مب معناته نتغاضى عن هالأشياء لأنها تبدأ صغيرة وبعدين تكبر إلى ما تصير أكبر وأقوى من علاقتهم فينا كزوجات ...

 

[غرنوقه العين]

سبحااااااان الله نفس مشكلتي
نفس الشي اكتشفت مسجات وارقام بنات ويوم واجهته
قالي انه ارقام شباب وانا متاكده العكس طبعا
وصار يخش تيلفونه عني وحتى يدخله الحمام وياه
وانا من كثر ماتكلمت في هالموضوع قمت مااشيل تيلفونه ولاشي
عشان مااعكر مزاجي

الله يكون في عوننا ياااارب

 

[انتهينا]

الله يعينك يا أختي
ودربالك تفاتحين أحد بالموضوع سواء أمه أو أخته هذا أمر خاص فيكم أنا ما بضايقج بس عطيه الأمان :surrender: لا تفاتحينه بالسالفة مره ثانية بس شنو خليك دورية :busted_red: يعني دربالك
والله المستعان