اكتشفت خيانته.. قلبي محروق

[حوآء قطر]

انا عروس ماكملت سنه وحامل اكتشفت ان زوجي يكلم بنات في موقع الفيس بوك وانصدمت من خيانته لي ماتوقعت يصدر منه جذي ولما واجهته اخذ يتحجج بأنه مو مرتاح في علاقته الحميميه معاي واني مقصره وانا اعترف عندي قصور من هالناحية،،لكن هذا مايبرر خيانته لي والله قلبي محترق وقمت اشك بكل شي يخصه،،شسوي يابنات والله مقهورة وحزينه

 

[قل قسم]

طيب هو قالك انه مو مرتاح حاولي تغيرين من نفسك الرجال كلهم يدورون على شهواتهم
فاانتي لاتقصرين من هالناحيه لان الرجل بطبعه عملي مو مثلنا نفكر بعواطفنا وانتي شايفه حولك كل الفتن والبلاوي الي تصير في النت في الشارع اكيد بينجرف لهشي مدامه مالقاه عندك بيروح الغيرك

حاولي تغيرين من عمرك وتترقبين منه اكثر وفي العلاقه الحميمه تتثقفين اكثر
وفيه مواضيع كثيره بتفيدك في قسم

​

​

الزواج والزوج وهذا الموضوع اقريه وراح تستفيدين
​

http://www.niswh.com/vb/showthread.php?t=107050
http://www.niswh.com/vb/showthread.php?t=107050

 

[حوآء قطر]

جزاك الله خير اختي قل قسم على مرورج الكريم ومساعدتج بحاول اغير من نفسي والله يهديه ويسخره لي

 

[em gogo]

شو القصة يا بنات أجدد المواضيع هي قصص جديدة لخيانة الأزواج............ الله لا يعطيهم العافية هالرجال.... والله كلمة رجل ما يستاهلوها........

أختي حواء قطر أسأل الله أن يأجرك في مصيبتك وييسر لك خيراً منها

 

[حوآء قطر]

مشكوره اختي على مرورج والله يصبرني على مصيبتي

 

[حنين احمد]

جزاكي الله خير

 

[شبح الفراق]

الله يهديه ويسخره لك حبيبتي
بس اذا مو مرتاح مو سبب كافي انه يخون...لاتتقبلي منه هالعذر ...ويصير كل ماصار شي يقولك مو مرتاح

 

[رازيا]

ماراح اعيد عليك الكلام اللي في كل مرة ينذكر:
(( الألحاح بالدعاء _ الأستغفار _ التقرب من الله )) << هذي ماعليها خلاف ....... هذي اولاً ..

ثانياً : جربي ؟
إنك تبتعدين عنه ولا كأنك شايفه أو حاسه بشي .. أو بعبارة أخرى .. ولا كــأنه هنا ...!!
يكلم .. يغازل .. يضحك .. يسولف .. يصرف .. << إن شاء الله يسوي اللي يسويه (( بإستثناء الخلوة والحرااااام ))
إنتي انشغلي بعمرك .. تجاهليه .. تجمّلي من نفسك لنفسك << انتبهي لهذي النقطة !!
يعني مو له ابداً .. خليه قد ماتقدرين يشك بعمره ويشك فيك .. خليه يوسوس ويضرب اخماس بأسداس
صدقيني مو زوجك كل الرجــــاااااال إذا حس ان زوجته انشغلت عنه ولا صار يهمها < يطق ويموت من القهر
بيترك البنات وينشغل فيك وبيراقبك وبيسألك وبيهتم .. (( ممكن يبيلك وقت عشان ينتبه إنك تغيرتي ))
بس الصبر ثم الصبر ثم الصبر وكل شي بيتحقق معاك ..
اهم شي البسي ملابس ماتعودتي تلبسينها في البيت .. إذا ماتحطين مكياج حطيه عشان هالخطة .. تعطري .. المهم مايجي ويشوفك
عــــااااديه .. إذا جــــاء من برى ياتكونين جالسه عالتلفزيون أو نااااايمه ولاّ هامك أحد ...
لاتبينين له اهتمامك فيه ( تبي تاكل _ اسويلك شي _ ........... الخ )) ... لا .. لا !! << انتبهي
ماله إلا كل شغله يكون جاهز من أكل وملابس وبيت نظيف (( بدون ماتضطرين إنك تسألينه ))


الفكرة الثانية :
هو إنك تكلمينه دائماً .. ممكن هو من الرجال اللي يحب السوالف والغزل عالجوااال .. يعشق أنه ( يحب ويبنحب )
عيشيه هذا الوضع .............. لكن مع مراعاة التالي :
1_ صوتك تغيرينه شوي بنعومة ورقة ودلع << حتى لو ماتعرفين .. حاولي (( ياشيخة انبطحي عالسرير وتحكّي ))
2_ إذا قاللك : خيييير ياطير وش عندك ..؟؟ قولي حابه اسولف معاك ودي افضفض << اخترعي لك سالفه عشان تطولين معاه
3_ يحبذ والأفضل يكون بالليل أو آخر الليل إذا كان برا البيت ..
4_سمعيه من هالكلام اللي يدوخ .. خلي لك اسلوب مميز بالكلام بالتليفون عشان يعشق الحديث معاك ..



ربي يسعدك وانتي جربي ماراح تخسرين مع اني احس ان الفكرة الأولى هي اللي بتجدي فيه

ولا تنسين ربـــــك !!


موفقه

 

[حوآء قطر]

ادري انه مو عذر وانا قلت له هالكلام بس هو حاط السبب علي اني مقصره في حقه وايد صدمتي فيه كانت كبيره الله المستعان

 

[حوآء قطر]

مشكورات اخواتي شبح الفراق ورازيا على كلامكم ومروركم ،،اختي رازيا بحاول جهدي اني اتغير وبشوف النتيجه مشكوره مره ثانيه على نصايحج القيمه ربي مايحرمني من طلتكم

 

[الــغــيره]

حواء قطر
فدييييتج لاتحرقين قلبج

نحن دوم جي نحرق قلوبنا وهم ولا همهم

اول شي حبيبتي حاولي تغيريين نفسج

لبسي كشخي دلعيه
واذا هو يتحجج بالعلاقه الحميمه حاولي تعطينه اكثر

اقري شلون تخلينه مرتااح

واهم شي عليج بالدعاء والاستغفار

واهتمي بنفسج وخلج مبسووطه

 

[حوآء قطر]

مشكوره اختي على نصيحتج ان شاءالله بغير من نفسي وبشوف اذا بتغير والا مجرد عذر

 

[احاسيس المشاعر]

الله يفرج كربك وهمك_ماراح أزيد ع كلام البنات لأنهم كفو ووفوا__
بس بأقولك لاتحزنين ياقلبي ولاتشيلين هم _تدرين ليش لأن هذا حال أكثر الشباب_للأسف الشديد كثرت فتن الدنيا ومصايبها_دايم تعوذي من فتن الدنيا إنتي وزوجك_ودايم أستودعي زوجك الله قولي اللهم أني أستودعك سمعه وبصره وفرجه وكله يارب العالمين يامن لاتضيع ودائعه

 

[حوآء قطر]

اختي احاسيس كلامج ريحني الله يريحج دنيا واخره مشكورة ماقصرتي

 

[اولادي كل حياتي]

[/أختي امشي على كلامه وشوفي اخرتها معاه واساليه ايش تبغى وكيف مو مرتاح لازم تناقشيه وتعرفي اللي يريحه
ـ وابداي من بكرة لما يكون بالعمل ارسلي له رسالة شوق (ابحثي بقوقل رسايل شوق وحب للزوج)ولما جي استقبليه بالاحضان وبوسيه اول مايجي من العمل حسسيه بالحب والشوق يعني
ـ ووقت العلاقة اقراي بالمنتدى طرق وحركات تسويها معاه تحسسيه بالاثارة
ـ داعبيه انتي وبوسي كل جسمه وخليكي حركة بالسرير وانسي الخجل
ـ واهمسي باذنه اليسار وقولي له انتي تثيرني وانتي خيال وتجنن ومن هذا الكلام خليه يحس برجولته معاكي
ـ وبالنسبة للكلام انتي ناديه بدلع بحبيبي وحياتي ونوعي حائما امدحيه وسمعيه احلى كلام شكل زوجك مفتقد الكلام الحلو منك
ـ والله معاكيCOLOR]

 

[السندرله]

عفيه عليك يا رازيا صدق منجد انك تلميذة ناعمه اتوقع ياحوا قطر انك لوبتنفذين خطة رازيا مع شوية غموض راح يرجع احسن من اول ان شاء الله وتقولين السندرله قالته​

 

[امل لايموت]

فرج الله همك

 

[صدق العطاء]

غيري من شخصيتك معاه

كوني قوية ولا تتنازلين عن حقك

بس في نفس الوقت كوني له كل يوم امراة جديدة

اهتمي فيه اكثر واملئي فراغيه

دلعيه وحسسيه بحنانك

البسي له ملابس جذابة خاصة عند اللقاء

اغيريه بجسمك الناعم

تعطري له ولا تدعي له طريق عليك

الله يهدي سرك

دمتي بحفظ الرحمن

لاتنسي ذكر الله
​

 

[عيون عزيز]

الرجل يتزوج لأجل الجنس ,,,, والجنس فقط ...

وانتي أعترفتي انج مقصرة فالعلاقة الخاصة يعني أنتي لج يد فالمشكلة ,,, حبيبتي كلنا حملنا بس مب عذر انه نهمل ازواجنا ,,,

ناعمة في محاضراتها تحذر من اهمال الجماع مع الزوج خاصة فالحمل والنفاس ,,,

 

[ريلي في قلبي]

حسبي الله ونعم الوكيل عليهم هالرجاجيل ذبحونا