اكتشفت ان زوجي يشرب وش اسوي الحقن على يابلقيسيات

[الماس حياه]

طبعا الموضوع مبين من العنوان
اكتشفت ان زوجي يشرب (يسكر)مع خويه وش اسوي انا متزوجه وعمري 26 سنه ولدي منه
4 اطفال
اكتشفت انه يشرب من رساله من جواله :a144:
كاتب فيها
(على استلام جايك اشرب كاسين واداوم )
دايم اقري رسايل له بس فيها لف ودوران
واكذب نفسي :e136:
عشان مانصدم :frown:
قبل فتره حلفته على القران اذا هو يستعمل ممنوعات او لا
وحلف كذب :a049:

بالله عليكن قولن لي وش اسوي به

 

[حاكمة مملكتي]

لا حول ولا قوة الا بالله

الله يكون بعونك

 

[لتوفي]

طيب كيف بيستلم وهو شارب مدري مايصير مخربط مو ثابت

تأكدي من الموضوع عموما اذا صار زوجك محترم معك ولا هو مقصر معاك ويحبك ويحب عيالك ان شاء لله يرجا منه خير الله يسخر لك​

 

[شهد البحراني]

طيب انتي تقولين انج اكتشفتيه عن طريق الرساله و في اعتقادي هذا مو دليل واضح و دليل مقنع هل رجع مره للبيت وهو فيه ريحه او ثمل ساعتها تعرفين اذا كان صج يشرب ولا لا

 

[الماس حياه]

هو يطلع مع واحد من خويانه صديق سوء
ومايرج الى متاخر
فيه ريحه خفيفه بس ماعرف وش ريحته
واقوله وش هالريحه يقول دخان
وبعدين مايجي 10 من الشهر الى الرجال مفلس
مشكورات خواتي االغاليات على الردود

 

[رماني]

الله يكون في عوووووونج الغالية

 

[شهد البحراني]

هو يطلع مع واحد من خويانه صديق سوء
ومايرج الى متاخر
فيه ريحه خفيفه بس ماعرف وش ريحته
واقوله وش هالريحه يقول دخان
وبعدين مايجي 10 من الشهر الى الرجال مفلس
مشكورات خواتي االغاليات على الردود

حاولي انج تلمحيله انج شااكه بشي او قوليلي له انه صديقتج شكت لج انها شاكه بريلها انه يشرب وبنفس الوقت اذكري مخااطر الشرب وانه الله سبحانه ماحرم الشرب الا لانه فيها مضار للانسان و استشهدي باية من القران الكريم وعسى ربي يهديه

 

[sema]

لاحول ولا قوة إلا بالله
والله مدري شقول لك
الله يكون بعونك وكثري الدعاء

 

[×ĝőőđ ḡỈṝḷ×]

الله يعينكـ أختي بس الرساله مو دليل كافي..وإذا كان يستلم مستحيل يشرب قبلها مو معقوله ...
آنا أقول تأكدي من الموضوع ..إن بعض الظن أثمـ

وحكم تصديق من حلف واجب واااجب ...صح ولآ لآ ..؟
أهم شي لآ ترصين عليه وتزعجينه بالموضوع لأن كثر اللح على الزوج يجيب له الطفش ويصير يتركـ البيت واجد ..
والأهم لآ يتغير عليك أنتي وعيالكـ ...
ومردكـ تعرفين الحقيقه
الله يوفقكـ ويبين لكـ الحقيقه عن قريب إن شاء الله

 

[زهور البستان]

بالحوار الهادئ وضحي له حكمه وتأثيره على سلوكه وعلى اسرته وكيف بكره يكبروا ابناءه وابوهم رجل سكير وتشويه سمعه ابناءه

ولاتنسي الدعاء والاستغفار وابعاد المحرمات عن بيتك

 

[الماس حياه]

انا يوم حلفته على القران صدقته ماكذبته


انا واجهته طبعا مواجه الرجل ماتتم الى بوجود الدليل وانا جبت الدليل اني واحهته برسالتها
وبطريقتي (قلت له عطني جوالك ابي ارسل لختي رساله تجيب شنطتي معا وصفرهي جايه عندنا
وقام وعطاني الجوال طبعا كتبت رساله لاختي وارسلتها وسويت نفسي اشوف الرساله واتاكد بعد مارسلتها
وبالغلط دخات على الرساله وقريته واخذت الجوال ورميته عنده وطلعت)
شوي ورجعت
عااااااد وجهه قام يعطي الوان ومبينالي مسوي شي
وقالي كاسين يعني كاس قهوه وقلت له القهوه ماينقال لها كاس قهوه ينقال لها فنجال قهوه او كوب قهوه
قالي والله كاس قهوه وحلف حسبي الله عليه
(مع العلم انه في رمضان يجي ايام يفطر من غير سبب)
(والصلاه ميييييح مافيه صلاه الى صلاه الجمعه )
طبعا انا قلت له ارسل لخويك الحين وقل له انك تبي كاس اذا انت صادق بكلامك
قالي خوي الحين مداوم المهم رفض ارسال رساله
وانكر كلامي
بس الايام تجي وتروح وينكشف
مشكورات خواتي بلقيسيات على الردود

 

[جراده شياكه]

الدعاء في جوف الليل الله يهديه

 

[لذةالسكـــر]

الله يهديه يارب ويسخره لكي

 

[خجولة بصمت]

للبنات اللي يقولون ما يصير يستلم ويشرب >>> للمعلوميه بس كاسين ما تاثر

مو كل شخص يسكر من اول كاس او ثاني كاس يعني عادي ممكن يشرب ويكون بكامل وعيه

هذا الموضوع عرفته ماخراا ان الخمر صح يذهب العقل بس مو من اول كااس ويختلف من شخص لاخر


مثل القهوه في ناس اذا اشربو فنجان بس ما قدرو ينامون وفي ناس مثلي لو نشرب مليون ما ياثر

الا اذا مرررررررررررره كثرنا يعني بزياده يمكن ياثر تاثير بسيط هذا بالنسبه للبنات بس حبيت افيدكم


بالنسبه للاخت مشكله الخمر مشكله كبيره واللي اكبر منها انه ما يصلي ولا يصووم ماادري وش حكمه هذاا


بس الصلاه عماد الدين >>> ودائما حجه السكراان مااقدر اصلي وانا سكرا ربي ما يقبل صلاتي

وش الفايده اصلي >>> ترى جد كلامي وما يصلي الا يوم الجمعه لان من الاساس ما يكون شارب


فسهل عليه موضوع الصلاه وبعدين هو باين عليه ما يبي يخسرك ويحبك لكن وش فايده الحب من غير


ما يكون قد الحب ((( اسفه على الاطااله ))) لكن اعتقد والله اعلم زوجك فعلا يشرب وزي ما قلت لك عادي


جدا ممكن يشرب ويجي البيت ولا تحسين عليه وعلى فكره الخمر مفعوله ساعات >>> يعني مو شرط ينام


يعني ممكن يشرب خمر بعد 3 او 4 ساعات يخف المفعوول ويكون بكامل وعيه الموضوع كبير جدا

انتي الحين تقررين هل تبين اتكملين حياتك مع شخص يشرب ؟؟

او تبين تطلقين ولاحظي لو بتطلبين الطلاق عندك 4 اولاد يعني مو واحد ولا اثنين تقدرين عليهم لوحدك ؟؟؟؟

وموضوع انك تواجهينه هو بيظل ينكر لان ما يبي يخسرك

لو تسالين شخص اذكى يعني مثل الدكتور (( طارق الحبيب )) في له موقع بالنت شوفي اذا تقدرين تسالينه عن حل

او طريقه ماادري لكن الموضوع اصعب من ما انتي تتخيلين اللي يشرب الحمر ويتعود صعب يبطلع

بس انتي عندك اولاد وهذا اللي يخوف لو يعرفون ان ابوهم يشرب بيصيرون يشربون وابوهم قدوه لهم


اذا ما يصلي بيتهاونوون على الصلاه هم بعد وبقولوك ليه اتقولين لنا انصلي وابونا ما يصلي وش بتكون رده فعلك


الله يكون بعونك تكلمت كثير وبالاخير اقولك الاستغفاار اكثري وان شاء الله خير يارب

 

[الماس حياه]

مشكورات خواتي
انا الحين تاكدت
لاني لقيت معه كيلو حبوب مخدر

 

[ضبيى]

والله انا اعرف وحده قريبه مني يشرب زوجه قدامه ولاصلاة ولاعباده بس بحكمته وصبره ودعاه له والله لوتشوف الرجال تقولن مشاء الله التزم بالصلاه وترك المشروب ادعي له بالهدايه والاتزدين الطين بله الله يسخره لك

 

[المحتااارة]

أنا اقولك لاتستعجلين الين تشوفينه بعيونك ومادامه انه ماعمرة دخل عليك وهو مو بوعيه خلاص ادعيله وانسي الموضوع لاتكررينها عليه لانه اذا عدتيها بيقول شاكه فيني وجالسه ماعندها مشكله بس خليك واثقه فيه وفي اخلاقه وامدحيه كثير علشان لما يفكر يسوي شي يخجل......
والخمر انا مثال عندك دخل علي وانا حامل وسالته وش الريحه وكان صاحي عادي بس قالي انا اشرب كاسين وتراي ما افقد الوعي ومن هالكلام ولاني سكت وقلت خلاص بحتويه صار يدخل علي صاحي مافيه شي ويشرب عندي واذا ماسكر مرة نزل وجاب الين يفقد الوعي الين تركته ورحت لاهلي... آسفه على الاطاله بس حيت أوضح لك أنه مادامه محترم انه مايشرب عندك مالك الا الصبر وكثري الاستغفار

 

[m!s naam7]

اختي
انا بصراحه استشفيت انه مايشرب
اللي يشرب ينعس ع طول وهو يقول بيداوم
انا اقول يمكن بيشيش مو يقصد الشراب
و ان شاء الله انه يكون موصحيح
الله يوفقك لمافيه الخير
لكِ ودي..،،​

 

[@بصمة زمن@]

نفس مشكلتك زوجي يشرب

وهذا موضوعي يمكن يفيدك أو نلقى حل

http://www.niswh.com/vb/showthread.php?t=291741