افيدوني الله يوفقكم حبيباتي وش الحل مع زوجي

[همسة غلا**]

اليكن اخواتي الغاليات اجو منكن مساعدتي وارشادي للصواب
فمشكلتي هي انني احس اني متزوجه اهله وليس زوجي فهو كثير الخروج من المنزل لاغداء ولاعشاء يشاركه معي ولا قهوه وخروجه مستمر
لوانه يوم في الاسبوع اويومين لامشكله لكنه كل يوم احس اني بدأت امل من العيشه معه :sadwalk:
وبدأ الخصام بيني وبينه يزيد بسبب هذا الشيء وهو يقول ماني مقصر معكم
انا مااقول انه مقصر معنا:no: لكن اتمنى يخفف من خروجه مع الشباب ويجلس معنا في الوجبات واحس اني عايشه معه مو مع اهله مليت من هذه الحركه
واليوم خرج من البيت وانا زعلانه وهو ماهمه كيف اتعامل معه هل ابقى زعلانه او استقبله بضيقه
واقتروحوا عليه بالحل المناسب اخواتي الغاليات في هذا المنتدى الجميل وكيف اجعله يقلل من خروجه من المنزل هل بالنقاش ام ماذا:icon1366:
وجزاكم الله خيرا

 

[معاناة الحياة]

اهلين غاليتي الله يكون بعونك00لازم تكلمينه وتتفاهمين معه وقوليله اذا كنت مو قادر تفارق الشله الصالحه ليش تتزوج وتربطني معك00كلميه بالاسلوب المناسب له لاكن لازم تضعينله حد والا راح يتمادى بزياده0
وراجعي نفسك لاتكوني انتي اللي مطفرته من البيت ومنك0

 

[همسة غلا**]

هذه المشكله كيف مااخليه يتمادى والله اني خايفه انه يكره الجلوس معي ويتمادى في الخروج
طيب كيف اتعامل معه اليوم لمن يرجع وانا وياه متزاعلين

 

[حالمه ولكن]

ادعي ربك وان شاء الله يقلل طلعاته

 

[همسة غلا**]

الله يقلل طلعات زوجي من المنزل جز ك الله خير سر التأمل

 

[عنقود عنب]

عزيزتي

مشكلتك مشكلة كثيرات من البنات

هل جلستي معه جلسة حوار صريحة جدا ؟؟

عزيزتي ...اطلبي منه بكل هدوء بان يحدد الايام التي يرغبها هو في الخروج مع اصدقائة

ولكن يجب ان يعطيك حقك انت ايضا

قولي له ..مبدئيا ... يعني عشان يتعود على الوضع

قولي له لك 5 ايام في الاسبوع تطلع مع ربع ..ولي يومين ..يومين فقط ...وقوليها بكل رقة ودلع وغنج و نفس الوقت وانت خاطرك مكسور ..قولي له قابلة يكون لي يومين في الاسبوع الا استحق ذلك ؟؟؟؟؟

انت الان اذا رجع لا تمدي بوز ..لان وراك مهمة لازم تسوينها الا وهي الحوار ..فلازم ما تكونين متشدده جدا معه

خليك حزينه شوي لكن تكلمي معه ..سوي له كاسة عصير او شاي وقولي له ابغيك يا بو فلان في موضوع

وتكلمي معه بهدوء ولكن خلية يحس انك فعلا محتاجة له

وربي يسعدكم

 

[قمر-15]

انا زوجي اول ما تزوجت كان يطلع كثير مع اصحابه وكانت طلعاته معي تنعد بالاصابع والحين بنفسه خفف طلعاته مع اصحابه من بعد ما وفرت له كل شي عندي البيت

 

[**هموم**]

الله يعينك والله ماأدري وش أقولك إن شاء الله البنات يفيدونك

 

[جورية الخبر]

غاليتي ..
إذا كنتي توك متزوجة .. فالامر عادي ؟
غالبا ما يحدث بعد سنه اولى زواج مثل هالانجراف المبالغ فيه مع طلعات الشباب ...
لكن بعدين مع زيادة المسؤليات والاولاد .. واشعارك بأهمية تواجده معكم بالبيت بدون اصرار منك وكأنه فرض عليه راح تلاقينه يحب يجلس بالبيت اكثر من اول...
قلبي معك
وتقبلي مروري ​

 

[ايامي كانت حلوه]

عندك وعندنا خير اختي اصبري

 

[حبيبي ربي]

انا كنت اعاني مثلج اختي مع زوجي ولافاد الهواش ولا الزعل ولا النقاش ولا الوعود لانه صراحه وعوده بس يومين ويرجع لعوايده

اكيد زوجك جنوبي غربي وهالنمط من الرجال متعته مع اصدقائه والعادات اللي يدمنها مثل لعب الورق الشيشه او حتلا مجرد شرب الكوفي وجلسه مع الاصحاب

المهم انا مافادتني اي طريقه من الطرق السابقه وفي مقدمتهم الزعل والتبويز لانه عاده بينتهي بهوشه
الحل اني طنشته ماقمت اتصل فينه وينك ولا اسأل عنه التفت لنفسي وكشختي اشغل نفسي باي شي غيره بس لما يرجع البيت ابتسم له عادي ولا اقوله وين رحت ووين بتروح يعني شلته من بالي(طبعا في الظاهر ولا في الداخل ابي اذبحه)وغير اني قمت اطلب منه يوديني المكان الفلاني مع انه عندي سيارتي وطبعا اخلي الطلعه كلها فرفشه واتكلم معاه في سوالف هو يحبها
ونفس الشيئ لاجلس فس البيت اهيئ جو حلو لجلستنا قهوه شاي حلويات وافتح سوالف تهمه عن الاسهم والسياسه يعني باختصار الاشياء اللي تستهويه واجلس امدح فيه وفي سوالفه وواضحك على نكته( حتى لو بايخه خخخخخ) المهم حسسته انه وجوده غير في حياتنا واذا عندج عيال علميهم يحبون ابوهم خاصه او اولاد عوديهم يتسابقون معه او يلعبون مصارعه او حببيهم في السيارات عشان يلزقون في ابوهم... وترا لو زوجك جنوبي الجنوبي وخاصه الغربي يموت في الوناسهوالفرفشه فلا تنكدين عليه وشوي شوي صدقيني بينجذب للبيت وبتصير طلعاته معدودة

 

[حبيبي ربي]

اسفه على الأخطاء خاصية التعديل مب موجودة

 

[دينـــا]

اطلعي ببيت لوحدك

 

[همسة غلا**]

الله يجزي كل وحده ردت عليه ويدخلها الجنه ويخر لكم ازواجكم لكم ويسخر لي زوجي
والله ردود رائعه والله ماقصرتوا
طيب لمن يجي كيف اتعامل معه الله يسعدكم

 

[همسه دفا]

شوفي حبيبتي :::: اولا زيني نفسك قبل السفر يعني شيلي حلو وشقري وقصي كنك عروس وشتري قمصان نوم جديده وملابس للجلسه في الاوتيل وعطر حلو مره مره مره ياليت يكون من شانيل وحاولي ماتغيرينه يعني يكون طول السفره هو عطرك .. علشان يميز سفرتكم كلماشميتوه ذكرتو الايام .. وخذي معك بعض الالعاب المسليه في الفندق مثل الشطرنج والاونو وغيرها فيه شطرنج حجمها صغير وتنحط في الشنطه ..وشوفي اهم شي خفت الدم وخليك نكتيه علشان ينبسط .. والحمامات والمساج وغيره ....ولاتنسين المفرش.. ونكد مافيه ...​

 

[همسه دفا]

الله يعينك

 

[حنونه وايد]

حبيبتي انا مع سياسة استدراج الرجل وجذبه للحياة الزوجية ببطء شديد وخطوة خطوة بدون ماايحس .وضد جلسات النقاش المرتبة لأنها في أغلب الأحيان لو كان الزوج عصبي أو مش متفهم تقلب نكد.جربي تطبخين غدا مميز ولو كان بيطلع اتقولين له ماعندي مانع تطلع مع ربعك انا انبسط لمن أشوفك مبسوط بس أرجوك ذوق بس هالقمه من طباخي أو الحلا وبعدين اطلع,ودعيه بحراه وأبتسامة وأستقبلية بمنظر جذاب وحنان وخلك دوم رقيقة وحنونه وأجواء بيتك مميزة ودلعيه وأبدا لاتضايقينه ولاتجبين سيرة ربعة وطلعاته بالعكس فهميه أنك أنتي بعد لمن ايكون برا أتكونين محتاجة وقت لبيتك وعيالك ونفسك وان عندك أهتمامات تحتاجين لها وقت مثل القراية والعبادة وغيرها صدقيني بيغار من أستقلاليتك وعدم ملاحتقك له وهو اللي بيركض وراك .الله ايوفقك أختي.

 

[همسة غلا**]

همسة دفا حلوه افكارك وحنونه وايد اسلوبك رائع الله يعطيكم العافيه

 

[همسة غلا**]

وين بقية الاخوات ومن عندها اقتراحات الله يعافيكم

 

[وحده شرقويه]

والله البنات جزاهم الله كل خير

ما قصرو في النصيحه ولكني ازيد على ذلك الدعاء له

وتحري اوقات الاجابه والله يوفقكم ياربي