افيدوني الله يجزاكم خير

[راجيتك يارب]

السلام عليكم ورحمة الله وبركاته

كيف الحال ؟

الله يرضى عليكم انا عندي مشكله وحبيت تفيدوني فيها
ابتدت معي من الشهر اللي فات قبل الدوره ينزل معاي الله يكرمكم إفرازات بنيه سائله او على شكل قطع ومره نزل دم وتأخرت الدوره عن موعدها بعدين نزلت
وهالشهر من يومين نفس موعد الشهر اللي فات نزل معي افرازات واليوم نزل معي دم
ومن بعدها يوقف الدم وترجع الإفرازات زي قبل ..

مع العلم اني سويت فحوصات وتحاليل وصار عندي لخبطه في الهرمونات والتبويض وطلبت مني الدكتوره اني اراجعها
بس امي رفضت تقول اخاف يضرك العلاج ومدري ايش
عاد صرت استخدم البردقوش لعلّه يفيد ..

مع العلم ايضاً اني لسه بنت ماتزوجت

افيدوني الله يرضى عليكم وش يعني مثل هالحاله وهل بتستمر معي كل قبل دوره يجيني مثل هالشي

وشكراً لكم مقدماً

 

[راجيتك يارب]

معقوله ولا رد افيدوني الله يجزاكم خير

اليوم بعد نزل معاي دم وقطع مايله للأسود تكفون طمنوني وش هذا

 

[راجية رضى ربى]

عزيزتي يمكن هذا دم مجمع من دورات قبل اشربي حوار ودفي نفسك ولاتمشين علي السراميك حافيه لانها ماتخلي الدوره تنزل والله يوفقك دعواتك لي بالحمل==

 

[رومانسية أنثى]

حبيبتي هذا من ضعف التبويض

عندك هرمون البرجرسترون منخفض

 

[رومانسية أنثى]

عندك ضعف تبويض

هرمون البرجرسترون عندك منخفض

 

[راجيتك يارب]

راجيه رضى ربي

الله يجزاك خير ويوفقك ويرزقك بالذريه الصالحه ياارب
بس مآتوقع انه هذا دوره انا مادري وشو
خاصه إني من بعد التحاليل عرفت ان عندي مشاكل في التبويض ومشاكل في بعض الهرمونات

رومانسيه انثى

الله يجزاك خير حبيبتي وانا متوقعه انه التبويض والهرمونات السبب في هذا

وش نصيحتكم اروح للدكتوره واعالج معها ؟ او استمر على البردقوش لإن يعمل تنظيم للهرمونات ؟

وهل هالشي بيأثر علي بزواجي من ناحية الحمل أو أو ... ؟

والله مشغل بالي هالموضوع ساعدوني بليز

 

[سبحان الله ..]

طيب اطلبي من امك توديك مراخه

يمكن هذا دم متحجر من الدورات السابقه

والمرخ زين روحي اول يوم دوره تمرخك لمده 3 ايام وان شاءلله ماتشوفين شر

 

[راجيتك يارب]

ياقلبي الله يجزاك خير

بكلمها واشوف وش يصير

 

[رومانسية أنثى]

حبيبتي انتي حللتي هرموناتك طيب قولي كم نسبة الهرمونات عندك

اذا كان بس عندك ضعف في هرمون التبويض مافي منه خوف

بس تاخذين منشطات بعد الزواج وتحملين

خلي نفسيتك مرتاحه لاتفكرين في الموضوع كثير

 

[راجيتك يارب]

لا حبيبتي مو ضعف قالو لي انه ارتفاع في هرمون مدري وشو والتبويض مدري وش فيه

بس والله ناسيه وش السالفه لإن امي اللي مآخذه التحاليل الله يحفظها لي

 

[راجيتك يارب]

واحتمال يكون سدد اللي فيني لإني استخدم أبر وقت الدوره

الله يجزاكم خير اللي عندها وصفه لعلاج السدد تفيدني الله يوفقها وينولها اللي تتمنى

 

[راجيتك يارب]

وينكم !

الله يرضى عليكم ابي مشورتكم

 

[رومانسية أنثى]

التبويض مافيه الا مشكله وحده ضعف

والهرمونات يمكن عندك هرمون الحليب مرتفع