افكر في الطلاق شوروا علي

[دلع لع]

السلام عليكم​

بنات انا عضوه قديمه بس مشاركاتي قليله بس ادعي لكل وحده عارضه مشكلتها لاني متابعه دايمه لكم
انا يا بنات ما ابغي غير انكم تساعدوني لاني يتيمة الام والاب ولا اخ ولا عم بس عندي خوات وانا اكبرهم

بنات انا من ثمان سنين تعرفت على واحد بس ما ابا اخوض في التفاصيل وايد المهم جاء وخطبني من امي قبل لاتتوفى باسبوع ووافقت ووصته علي وعلى خواتي وتزوجنا

المهم يا بنات انا ريلي احبه موت بس انا تعبت من العيشه معاه
يعني يا بنات انا ريلي يشتغل في منطقه ثانيه بس ايينا في الويكند وبحكم انه خواتي محد عندهم فانا اقعد عندهم طول الاسبوع واروح عند ريلي بيت اهله المهم يا بنات ريلي عصبي بطريقه مش طبيعيه وسليط اللسان الفاظه وصخه لما يعصب ومرات يضربني

فانا مليت من ها العيشه وتغيرت عليه شوي يعني ما قمت اهتم فيه وايد ما اتصل وايد علي
فهو قام وشك فيني يعني يقولي انتي متغيره عندج شي تعرفين حد يفتش تيلفوني يطعني في شرفي وانا يا بنات والله اني اشرف من الشرف والله الشاهد يعني اذا اتصل فيني يقولي انتي عندج خط اقوله لا ما يصدقني
ومره سرنا المول فانا كنت اسير وراه بحكم اني ماسه ولدي لانه يمشي ببطئ قام ونازعني وقالي انتي شو عندج تمشين وراي
يعني والله لما يكون راضي الاوضاع تكون اوكيه ولما يزعل والله يذلني ذل وينكد عيشتي مع انه والله انه هو الغلطان
والله مليت شوروا علي والله يا بنات انه مب ناقصني شي انا جميله ووجامعيه وحسب ونسب

بنات الله يوفقكم شوروا علي ما عندي حد اشكيه والله افكر في الطلاق لا اتقولون اتحملي ثمان سنين متتحملتنه ان سكت عنه تمادى وان حطيت راسي براسه يا ويلي ويلاه​

 

[صاحبةعيالي]

حبيتي يسعدك ربي في كل الاوقات لكن ابفهم ليش هو كذا يعاملك انت تبينين مدى حاجتك له وانه هو المسؤل عنك وعن خواتك والمسأله اصبحت حمل ثقيل عليه .حبيبتي ليش سمحتيله من البدايه انه يضربك اكيد تسامحتي معه بهذا الامر قام تمادى معك اعطي نفسك فرصه لا تستعجلين في الطلاق لانه مو حل عامليه بسياسه والدهئ شوفي اش عنده ليش يتبلى عليك بشرفك افهمي كل شي وبعدين امشي على طريقتك كيف ترجعينه لك .ملاحظه هو اول ماتزوجك كذا ولا تغير بعد فتره

 

[امورة**زوجها]

الله يسخره لك

 

[ماءالورد]

لاتقوووووووووووووووووولي طلاق ياناس ياعالم تراه مو بهذي السهولة وتقولي يتيمةوالله ياأختي كلنا الحمد لله جمال وحسب ونسب وجامعيين لكن الرجال مايهمه هذا كله قبل ماتكوني امراه بمعنى الكلمة زوجي مثل زوجك تقريبا بس أنا عارفة أغلاطي بس مو قادرة أتصلح ...

الله يسعدك ويوفقك انسي الطلاق اعتبري إنه مافي شي اسمه طلاق اكسبيه بالسياااااااااااااسة

السياسة بإذن الله تخليه خاتم في اصبعك

الله يسخره لك ومااجزم لكن صدقيني أغلب الرجال إذا مو كلهم عصبيين والعصبي يجي حنون أكثر من غيره

وتذكري المثل >>>مااعرف نصه إنه سند رجال ول حيطه


أسأل الله أن يملأ قلبك رضى ويوفقك ويسخره لك ...

 

[دلع لع]

الله يو فقكم على ردودكم بس يا بنات انا حاولت معاه بشتى الطرق يا بنات يعني اذا زعل عفص الدنيا وحرمني من كل شي بس عشان اروح واترجاه يسامحني لاني اذا عشت معاه وهو زعلان على يعني بموت من النكد والله اقعد على اعصابي عشان ما يزعل مني يعني حتى الاشياء اللي يزعل منها تافهه

 

[الملقوفه]

اشفيكم يا بنات كلمة طلاق سارة سهله بلسانكم انتو ماتبون الأجر صدقيني حبيبتي الصبر ىمفتاح الفرج وكلي امرج لله واستغفري ربج وقيمي الليل بقراءة سورة البقره وكثري من الدعاء وايقني ان الله راح يعوض صبرج خير وراح يغيرلج زوجج ولا تعتقدون ان الطلاق هو الحل وخاصه اذا كان بينكم عيال الله يهديكم راجعو نفسكم قبل ما تفكرون بالطلاق يا ربي هذي الكلمه ما احبها كلش وصدقيني انا حالتي اخس من حالتج والله لو اتعرفين تهون عليج مصيبتج بس عمري ما فكرة اني اتطلق لأن ايماني بالله كبير قوي ايمانج بالله وكثري الدعاء وسامحيني اذا قلت كلمه تزعلج وانا اتأسفلج مره ثانيه حبيبتي بس والله ابي مصلحتج وما ابي اخرب بيتج