افكر اترك البيت

[ام لــودي]

السلام عليكم
بنات مليت من زوجي
تخيلو صار يزعل وانا ماسويت شي:33:
والله مليت له تقريبآ 5 ش واحنا زعل ويوم تخيلو والله مااكذب نرضى
انا مليت من العيشه
يعني مثلا لا قالي زيني حليب للولد بعدين انا اكون مشغوله مره وتوني مأكلته اقوله تو ماكل
بعدين يزعل يقول ليه تعاندين كان من اول ماقلت لك طمرتي
يعني يزعل على اشياء تافهه
انا مليت قلت خليني اصير له عبده عنده واي شي يقوله اقوله ايه لو يقول كلي تراب
المهم لي 4 ايام وانا اطيعه بكل شي وادلعه بالكلام مره
لو يغلط علي اسكت واراضيه من شدة ني ماابيه يزعل المهم
يوم الاربعاء كنت ابروح لهلي المهم قبل لاانزل من السياره قلت حبيبي تدفى زين ومن الكلام الحلو المهم
يوم جاء ياخذني واثاريه مكشر:30:
وانا :33:وش سويت مااذكر سويت شي اكلمه ساكت ولا يقول مافيني شي
المهم يوم وصلنا للبيت رحت زينت له سحور
وهو مازال مكشر
رحت نمت قلت يمكن احد مزعله :8:
يوم صحيت واثاريه بصاله
رحت لمه وقلت ليه زعلان
وهو ساكت ويقول مازعلت :33:
قلت طيب وش رايك نتقهوه هنا ونتعشاء برا
قال لا انا اصلا بروح افطر عند خوياي >>هو مواعدني مافي عشاءولا طلعه الا يوم الخميس
انا انقهرت قلت انت تقول ماراح اطلعك الا يوم الخميس
هو ساكت ورحت زينت له القهوه وقلت خذها لخوياك
قال ار تاحي مانب مفطر
المهم رحت دخلت للمطبخ وزينت فطور له يوم افطر وخلص قلت وش فيك
قال مافيه شي ورحت اترجاه الين رضى يوم رضى يعني ابتسم
قلت وش رايك نطلع خميس وجالسين بالبيت طفش قال انا اليوم مالي خلق للطلعه:33:
سكت ورحت انام من القهر مازال يبي الزعل
المهم وانا منسدحه ومتغطيه وهو جالس يتراسل بالمسن
يوم التفت واثاريه كأنه اشوف مشغل اليوتيوب وفيه شي قذر ماانتبهت وهو ارتبك
وطلع لصاله وانا ابكي:8:
يوم نام وادور بالمحادثه شي واثاريه مسح كل شي
:8:
وادخل بالمنتدى حقه الل24 ساعه عليه وشفت سواليف وضحك مع البنات
المشكله سواليفهم عاديه ودلاخه بعد بس مازال دم الخيانه تجري بدمه



بنات مليت والله مليت يزعل وانا ماسويت شي :8:
يخون وانا والله ماقصرت معه
والله بديت افكر اروح لبيت اهلي مليت منه ومن تصرفاته
ساعدوني:8:

 

[متى تشرق شمسك]

فرج قريب والله المستعاااان
طنشيه يزعل حتى يشبع دام انك ماغلطتي اشغلي نفسك,,,,,
(استغفر الله الذي لا اله الا هو الحي القيوم استغفره واتوب اليه)

 

[دانة الشام]

عزيزتي لما بتحاول بتراضيه مرة ومرتين ومابيرضى طنشيه قومي بكل واجباتك تجاهه وتجاه بيتك وفرفشي وانشغلي عنه وخليكي مطنشتيه ....وبدك لسى ا طولي باااااااااالك كتير كتير يعني التغير أو التحسن مابيجي بين يوم وليلة صبرنا سنين لحتى حصلنا على نتائج مرضية الحمد لله ....بدها صبر وطولت بال ...الله يهنيكي ويسعدك ويفرج همك ويسخرلك زوجك .

 

[أسماء زكي الدين]

يا حبيبتي ما زالت الحياة امامكما لتري منه ويرى منك وتتحملان بعضكما فهذه هي الحياة الدنيا والأمور الزوجية هكذا تسير .. فلا تقوم البيوت على الحب ... بل تبنى على التفاهم الذي يولد السكن والعشرة ....


حبيبتي من رأيي تجلسي معه وتتناقشا بكل موضوعيه وتسمعي منه ويسمع منك لتصلا لحلول وسط​

 

[أحاسيس وطنية]

لاتلاحقينه....وتكثرين الاسئلة عليه

انت ماغلطت وقايمة بواجباتك

اكتفي بالابتسامة فقط ولا تلحين وش فيك ليش زعلان

ترى في رجال تتغلى ويدلع عليها ويقول ميتة فينى

وفيه رجال ماتحب الاسئلة

وسعي صدرك وأدي اللي عليك واهتمي بنفسك وصحتك وطنشي وبيستغرب ويجيك من نفسه ويبطل الزعل بلا مبرر

 

[بيونه الحلوه]

الله يكون بعونك اختي
طيب يا اختي حاولي تعطيعينه اول ما يطلب منك طلب عشان ما يتصيد عليك
واذا شفتي زعله كان من لا شي يعني على الفاضي لا تذبحي عمرك بمراضاته الا اذا حسيتي انك اخطيتي بحقه
والله يسخره لك

 

[غيورته]

ايه مثل ماقالوا البنات طنشيه لانك ماغلطتي
وعيشي حياتك وانبسطي جننيه لاتخليه يعرف ايش وراك
حتى لو انه يخونه لانه بنهبل من تطنيشك يعني اشغليه يعرف اش ورا سكوتك وبيترك الي يسويه
ولاتنسي الدعاء والاستغفار

 

[المــهــا]

لا تراضينه الاإذا انتي مزعلته فعلا

لكن كل شوي ناطه بوجهه وتترجينه يقول وش مضايقه بكذا مايصير

قومي بواجبك اتجاهه بس لاتلاحقينه ولاتراضينه ولا تسألينه وش فيه اتركيه
افتحي معاه موضوع وسولفي واضحكي واتدلعي وإذا ماعطاك وجه خليك ريلااكس ولاتسالينه ليه متضايق

ولاتتركين بيتك ولاشي كثري الإستغفا ر وان مع العسر يسرا

ربي يفرجها علي وعليك وعلى امة محمد صلى الله عليه وسلم

 

[^_^الشامخه^_^]

الاختان متى تشرق شمسك ودانة الشام الله يسعد هم ماقصرووووو


بعض الازواج احسن تتركينه لانه يكون في الكهف الله المستعان ياخذ ثلاثة ايام ويرجع وكان شيئالم يكن استقبليه بابتسامة ولاتسالين عن اي شي


وترى كتاب ( نساء من الزهرة ورجال من المريخ )يغير كثير من الافكار وخصوصا الاخوات الشماليات وانا منهم حبيبتي عيشي حياتك اضحكي وفرفشي وخليه يشوفك كذاعلى طوووووووول


كثري من الدعاء والاستغفار :a194:

 

[ام لــودي]

يعطيكم الف عافيه يابنات
بس مااتحمل اشوفه يقهرني ولا يعطيني وجهه وانا ماسويت شي

 

[ام ريناس]

قلبي ام لوووووودي
ياعيوني اطلب الفرج من رب العالمين هو اللي بيده تغيير الحاااااال

 

[نجمه حايليه]

يابنت الحلال انا والله مثلك دايم زعلان ومطفش مدري وش فيه ويتامر علي
حتى الابستامه ماشوفه وتعودت ع الكابه ودي اروح لبيت اهلي طفشت منه بس متردده وخايفه والا العيشه معه تضيق الصدر

 

[روووز22]

حبيبتي ام لووودي.. اول شي كلمة اترك البيت سهله لكن تطبيقها صعب وعواقبها مريره
تاني شي الرجال مايروح لغير زوجته ويبحث عن وسائل ترفيه او اشباع غرائز الا هو ناقصه شي من العنايه والاهتماام ,, بعدين انتي قلتي هو_ دايم زعلان_ والله تلاقيه مو راضي عن اللي يسويه ويحس بالدنب لكن الرجل زي الطفل يبغاله مسايسه واستمري في اهتمامك له واغرائه بكل الطرق
ولكن لاتتتبعي مايفتحه ومايجلس عليه في النت والله يكون سبب في زيادة التباعد والشجار بينكم
كوني حافظه لك في الحظور والمغيب
وقبل كل شي الجأي الى الله فهو خير معين وهادي .
كان الله في عونك واقرعين زوجك بك ودام لك زوجا وفيا مدى الحياه

 

[ღ اُمـ رامي ღ]

الله يعينك ويسخره لج
عليج سالاتغفار والدعاء له بالهدايه
واذا استمر على افعاله لا تخليه يتمادى اكثر ازعلي منه ترا اذا يشوفك مرخيه له الحبل يزيد هذولي الرجال والله حسبي الله عليهم
روحي عن اهلك وكلمي حدا كبير فاهم بالعائله زي ابوكي يعني وخليه يكلمه مايصير كذا​

 

[عيون سحريه]

ام لولدي لايضيق صدرك حبيبتي
وزوجك لاتعتذرين له ابدوانت ماغلطتي يسوي نفسه طرزان ويصدق واذاشفتيه مكشرلاتقولين وش فيك اضحكي وسولفي حتي لو ماعطاك وجة
ولاتهتمين فيه كثير واهتمي بفسك اكثر وتاكدي ان سعاتدك بيدك انتي

 

[ام لــودي]

يعطيكم الف عافيه
الله يصبرني ويوفقني

 

[الزهر الجوري]

حبيبتي لازم تتحملي الطريق امامك طويل شوفي شو شخصيته واذا ع الزعل وانت ما سويت شي طنشيه واهتمي بنفسك واعمالك وراح يرضى بروحه ومن نفسه راح يبطل يزعل لانه ماراح تراضية وهو عارف ....موفقة حبيبتي واذا عن الخيانة ما دام تو فالبداية حاولي تعالجيها بكل الطرق ...

 

[نزف مظلومه]

الله يعينك ام العبيد لازم تجيهم حسبي الله ونعم الوكيل

 

[مذكرات طفله]

الله يعينك ورب الكعبه ولو تطنشين لتشوفين العجب جرربي وماتندمي
خليك مطنشته أسبووووع بس وشووفي وشلون بيترجااك هو
بس لاتقصرين معه في واجباتك بس أثقلي أثقلي أثقلي نصيحه لوجه الله حبيبتي

 

[حالمه ولكن]

الله يسخره لك ياحبيبتي طالما انك ماغلطتي عليه وزعلان خليه يزعل اللين يرضى من نفسه انا بقول لك حل اذا شفتيه زعلان وانتي ماسويتي شي سوي نفسك مالاحظتي زعله وخليك عااااااااااااااادي واذا كلمتيه ومارد عليك طنشيه بس بدون زعل يعني كأنه مو قاعد عندك العبي مع عيالك سولفي مع اهلك بالتلفون سوي شغلك بالبيت اللين يطيح اللي براسه واذا سولف معاك سولفي عادي وكأنه ماصار شي ماينفع مع الرجال غير التطنيش مع شوية دلع
لاتبكين ولا تحرين نفسك وهو ينبسط من مضايقتك لاتعطيه فرصه يفرح بهالشي وخليه يشبع هبال وحسابه عند رب العباد بالمختصر المفيد قومي بواجباته بدون هضم حقك اهتمامك بنفسك اولى منه وراحتك اولى من راحته زعل ويبي ينكد عليك اسفهيه ولاتردي عليه تفرجي على برنامج تحبيه او ابدعي بأي هوايه تحبيها اشغلي نفسك عنه شوي وفوق هذا كله خليه يشوفك مبسوطه وماهمك لانك ماغلطتي عليه اللي يزعل بدون سبب يرضى بدون سبب